廿五日 毒撚一個人

Hello ! 我係恐龍

其實上次去完之後 返到黎同自己講要開始搵工
結果每日都做廢青。。 自己根本唔想做野

上次我全程都係自己一個 今次發生左好多好多事
未出發已經預自己廿五日會同上次差唔多。。
或者可能我知道自己唔可以咁？ 我唔知道

其實我唔明點解要生存
為乜野我會係到
點解 點解 點解。。。
我只係一個毒撚 毒撚講野會比較1999
甚至唔知自己想講乜 想要乜 想做乜
點解唔開係旅遊台？ 可能個度小毒撚？
其實感情台可能無毒撚？
我諗我會憑感覺講多過俾到甚麼旅遊資訊
都有小小嘅。。 最尾會講可能
都唔知要幾多日先寫完

當係日記？ 襯重有小小記憶寫出黎。。


如果你想一個人去 就放心咁去 無野好怕
不如怕可能有一日因為健康 身體 時間 能力 環境 去唔到？
宜家我怕冇人請 不過大不了。。。

(天星小輪嘅速度 由新加坡返屋企)
https://lihkg.com/thread/106086/page/1


點都好 開始啦

冷靜D照下鏡,睇下自己個樣, 同埋睇下你本銀行存摺有幾多錢先啦 世界好公平 如果人人都心想事成 會天下大亂 世上總要有你D咁既廢人

DAY 0..Hong Kong TO Auckland





第一次撘十一個鐘機 未出過亞洲
從網上知道Auckland 入境好麻煩 嚴格 講錯野 準備小左d 野都唔俾你入境
入境官方網站叫人準備埋銀行月結單之類 證明經濟能力。。

我一定要入到去 如果入唔到 打後所有計劃會打亂
甚至可能去唔成 所以我乜都準備好 哈哈
萬無一失？

除左入境呢個擔心 重有另一個問題

我要坐個隻船其實由上年十二月尾已經有問題。。
我一月去個陣個問題重係到(機械意外嘅野 無人估到) 到出發前一個星期 架船離開Melbourne 幾個鐘突然失去動力(行唔到) 心諗今次仆街 俾哂錢 屌

想知詳細可以去
http://www.cruiselawnews.com/2017/01/articles/power-loss-1/ncls-norwegian-star-suffers-engine-failure-again/


乜都可能發生
有旅客係某討論區話自己因為cancer 呢個trip 係佢嘅心願 因為發生咁嘅事 自己可能以後都無機會去到原本想去嘅地方。。。


其實我係出發前兩個星期內先book / 準備
知道可能會有問題 但係無諗過會咁大鑊
唔通個天都叫我唔好去？

anyway 出發前三日 架船修理好
可以安心上路

Auckland



天氣多雲。。
btw 喺機上面睇左 大隻佬
竟然有大隻佬睇

要入境。。 心諗 無事嘅 諗好哂可能發生嘅事 有最壞打算嘅應對

哈 問我一兩條問題就 chop bye bye

之後買左將at hop card
撘skybus 出城市

tap on and tap off


巴士司機會幫手擺好件行李
沿途會話你知宜家到邊

朝早八點land 十點已經出到城市
比預期快好多 首先要擺低件行李係碼頭

由巴士站向海旁方向直行就到
沿途條路好平滑 拖行李friendly

放低行李之後 我有大約五個鐘頭9行
因為架船六點要離開
快閃Auckland 半日 可以去邊？

去左類似市集嘅地方 買左盒藍莓食
佢話無農藥 我又無可能洗左先食
就咁食lor 無事嘅


去左某公園行 高高在上。。




行緊去 mt eden 藍天出現了

我已經坐左十一個鐘頭機 之後重要行山
行行下 個心跳得好快。。
傳說中嘅火山口？ 第一次見。。




附近都好似好多類似嘅火山口



落山之後入左間雜貨店買野飲
入左好多間雜貨店 比較舊式嘅舖頭好多貨都無標價錢 點解。。 ？ 唔敢買無價錢嘅野
btw 見到成條街個招牌都係中文字 好無feel

差唔多夠鐘返去碼頭附近行



藍天白雲
有人話紐西蘭個天係最藍。。。



附近有個地方俾人游水 hea...

準備去碼頭個陣 無啦啦有個女人走埋黎

佢俾左本書我 話唔洗錢 攞去睇 重解釋俾我聽關於乜乜乜
心諗又係宗教之類 就咁走左去好似無禮貌
所以同佢傾左陣 記起有巴打睇過自己八字星盤之類 建議我去學打坐 禪修？ 有本書睇又唔先錢 好啊

又唔好意思 同佢講我想俾小小錢佢
佢話俾幾多無所謂 可以嘅一百蚊nzd 佢會好開心 我俾左四十蚊佢 之後佢想俾多幾本書我。。
我已經有一本 平時又唔睇書
我話太多我睇唔哂 結果佢俾左本細嘅我

之後佢問我鐘唔鐘意食甜野 我話一般。。
原來佢想請我食一樣佢自己整嘅野
佢帶我過馬路 見到佢朋友 (應該都係做同一樣野)
佢由一個紙箱入面攞左一舊用紙巾包住嘅野。。。
打開 黑色一舊有d 好似種子嘅野係外面？

因為d 意外 呢舊野跌左落地下
我執起放落囗。。。 似唔甜嘅豆沙
因為好大舊 好難吞落去 佢又問我點啊
心諗我重食緊 講唔到野
食完 無特別感覺(可能同佢相遇以經夠特別)
食完 我同佢講下次可以整細粒d 因為太大舊

可能你會話我俾人玩？ 其實我無諗咁多。。
都係憑自己對佢嘅感覺反應。。
我覺得佢幾真 所以。。。。。

兩本書




碼頭



https://www.youtube.com/watch?v=Xipwwt7883w

去到碼頭check in 。。

入到去有條隊(三四十人) 感覺d 人等得唔耐煩
諗住我都應該要排大隊 個職員叫我去隔離
唔洗等

我check in 嘅時候 隔離排緊隊有個人叫囂
無耐有工作人員送上飲品 塞住佢地把囗 等佢地舒服d

唔洗十分鐘已經上到去

btw 過海關個陣有兩個大隻佬
我唔知要填離境咭 碼頭又冇派。。
佢竟然幫我寫埋
佢地重講笑咁話 自己一個呀？ 上到去請d 女女係bar 飲洒 等佢地醉
幾風趣 (係到講好了 當笑話聽)

碼頭有地方hea 休息 有野食
一個俾人去嘅公共空間




第一時間 洗白白。。
好累啊

洗完白白要趕住去做救生演習
心諗咁早做做乜 好似比平時早左一個鐘

之後9行。。



火山？




無乜特別。。。無印象做左乜
sorry
對未來充滿期待嘅心情訓覺

其實唔係好食得落野 平時食一兩餐。。 可能有小小抑鬱？ 要時間。。。調節

DAY 1 END

估下係乜東東？






其實我睇完t2 之後有首歌不停係腦入面。。
個人好down 。。

https://www.youtube.com/watch?v=wTsN7uugtfg

明天繼續 (唔想長時間對住個mon )

又係你條癲佬
你唔好咁痴線啦

留名待笑

DAY 2 Bay of Islands

今日 好早起左身
好想知道究竟有幾 "bay of Islands"
清晨落住毛毛細雨 環境寧靜




之後大陽出來了。。





9行 9望嘅我 見到d 野。。。
海豚



* 其實架船入緊港口個陣已經見到 但係無影相
架船停左之後又有一群
其實好怕佢地會受傷 聽講船嘅螺旋槳產生嘅噪音對海洋生物就好似人行經過施工緊嘅地盤

亦都有其他意外。。。
http://www.cbc.ca/beta/news/canada/north/dead-whale-alaska-cruise-ship-1.3607659


上落要駁船



出發。。 btw 隨太陽升起 天氣開始。。陽光普照

ps 上落都要行樓梯 如下


經過上次嘅經歷 毒撚唔再有膽join tour。。
所以無目的地9 行

支持1999樓主

雖然話就話無目的 其實都做過資料搜集
無好細節咁計劃。。
主要睇天氣行事
天氣好就去遠d
* 出發前已裝好某app download 定會用到嘅地圖
再加神奇嘅定位

其實bay of islands 好似水上活動較多
亦有人黎度假 附近其實可以做嘅野(low budget)選擇唔多。。




碼頭




出發前有諗過去haruru fall。。
天氣許可。。 why not?

出發。。

入口是這樣的

*沿路大部份都有樹陰
地下因為落過毛毛雨比較濕滑 不過還可以。。







附近有個golf 場。。 d 蟬叫得好大聲
好低係耳邊叫咁 好驚

部份路段比較窄 印象中得一條路 唔洗怕行錯路

路程如下

赤腳行山



其實香港用石屎/地毯 整條行山徑真係好撚on 居
好多野都好on 居
起埋個蓋丫笨 落雨唔怕濕 又唔洗怕曬親



就快到




船公司有安排tour 去kayaking 但係好貴
亦可以自己預洗安排好。。
其實好想試 好似好好玩
但係我唔識游水 又怕水 自己一丁友 有乜事發生
會好麻煩 都係去低風險嘅好d。。 自由自在

好想玩啊

其實 我係有着鞋



出口是這樣的 繼續向falls 方向行



有機會一定要試 (見到falls 個影)


價錢參考



終於都到左。。
我坐左係d石上面望住水入面嘅生物思考人生。。
有雀仔搵野食。。
btw 題外話 唔好餵鴨之類食麵包。。
好似話麵包好似零食咁 無益的
長期會有"angel wings"
怕發mold 之外 對水質都有負面影響
佢地可能會因為有人餵食 而自己唔再搵食
一代傳一代 結果生態環境就。。
其實其他生物都係咁。。 包括我

係呢個時候 我忍唔住偷拍左佢

唔想原路返去。。 唯有順車路行返入城市。。

附近有停車場
Lock it or Lose it



野雞？ 鬥雞？


雞全部都。。。



起程返去。。 行行下發覺自己後面遠距離有個人
我轉入個彎 諗住望下有乜 之後我無行到盡頭就返轉頭。。
見到佢 佢問我入面有路？
我答唔知。。 ( 答左佢類似 相信自己對眼嘅答案)
sorry 因為毒撚平時唔靠其他人。。所以。。

我行行下好似好迷惘(其實我好奇附近環境)
佢以為我唔識路 佢話我知方向得知原來係同船(佢問左一間鋪頭加買水飲？)。。

之後我前 佢後 隔住幾百米距離行
其實我想講我有地圖 但係怕講咁多英文




終於都到 附近有個樂園之類 油站 超級市場
我入左超市去買野飲

寫得好慢

有排寫啊 明天繼續

恐龍！記唔記得我 十卜

恐龍！記唔記得我 十卜

落山之後入城市逛逛。。
順便搵邊到有free wifi
*movenpick 有 free wifi

其實原本今日架船四點走
之後因機件故障 行程有改動
變左留多一日Auckland 唔停Bay of Islands。。
又因為整返好 可以停返

另外船長係朝早通知乘客 今日六點先開船
所以我重有兩個鐘9行

藍藍天空。。。。。



經過有條路 地下有各國國旗。。
第一張相


行行下見到有個小型市集
賣本地特色野。。突然間聽到d聲
直升機呀 好近距離




之後我入超市買左d野。。周圍9行 用wifi
時間差唔多就沙灘慢步返去碼頭




Y why Y。。我好奇用手摸左一下
以為係手鏈



沙灘某個地方有一班海鳥係到hea /淒息？ 唔好影響佢地 所以避開佢地 無影相


最後過橋前 見到人游水 係橋上面跳水
佢地d財物 食物就





一個好開始
我諗我已經愛上左陽光下行沙灘嘅感覺。。

返到屋企了。。
第一時間緊係洗白白 洗拖鞋 再9行 睇下會唔會見到有其他生物




其實個草原令我諗起日出康城塊地



一個人唔悶嘅咩？
我係一個好悶嘅人 望住d浪吹下風9行 過日神

正當我吹風思考人生嘅時候 有個人走埋黎
講左叫"noisy but peaceful"
佢叫 Richard。。。
同佢傾左一陣
之後會再提



因為會員有某d '着數' 其中就係送左一支 "sparkling wine"

我平時無飲酒 好想知係咩味
個陣十一二點 我屎忽痕開左支野

屌

一開 原來係champagne 仆一聲
心諗 希望d鄰居唔好 call security
真心唔知 未試過開
嚇死我啊屌

之後個幾日一起身個蓋係地下
唔會夜晩自己仆掛？





DAY 2 END

DAY 3-4 AT SEA (crossing the ditch)

其實無乜影相。。
發現身邊所有人都好nice咁
平時係街同人對望 我會望到 迴避
毒撚怕醜。。。 特別係見到同年紀嘅人

呢到嘅氣氛 好唔同 可能日對夜對。。
或者可能因為五十歲以上嘅乘客佔左90%
*因為年頭比較多退休人士搭船環遊世界
或者外國人個種文化

發覺如果我同佢有eye contact 佢就會say hi。。
唔hi 冇eye contact 都會笑面迎人
人人都好禮讓 當然有小數人西面。。


呢種氣氛令我慢慢地開始主動同人簡單地 say hello

自然西面嘅我出門口之前提自己
環境呢樣野真係好重要。。

識到Richard。。 毒撚仍然都會同人保持距離 食飯都係自己一個。。
有海望住個海食

夜晚望唔到唯有。。
其實我已經download 左d 野睇
其實幾啱聽。。。



crepe


一日就咁過。。。





今日都係sea day
其實我好期待會好似坐海盜船咁
好風平浪靜。。 傳說中Tasman sea 可怕嘅一面我遇唔到

pan 到個太陽成個 gap gap 咁






無乜影相 無乜印象做左乜


DAY 3-4 END