DSE 物理討論 （發夢/罷課學生請入）

歡迎所有發夢/罷課學生喺度問問題，你哋為香港付出咗咁多，我都希望可以略盡綿力減低呢件事對你哋學業嘅影響


歡迎其他讀Physics嘅入嚟幫手，小弟用英文讀，用中文解嘅話用字未必會好準確

利申Physics 5*。

To DSE既手足
記得俾心機溫書，我唔准你地為咗我地放棄DSE呀，
知識係好大既武器，冇知識就好易俾人呃，好似班藍絲咁樣，
加油呀知道冇？

Here
Dse 5**
Son of Archimedes

推

推

想問下physic應該點溫先最有效率
成個暑假掛住發夢冇溫過書
Dse得返半年就到

如果時間唔夠嘅，最少都要做by topic past paper （ce and al)，然後再做by year DSE。你逐個topic咁做嘅話其實比較容易加深你嘅印象。做題目嗰陣千奇唔好諗住背咗個題型佢就算，讀呢科最緊要嘅係明白個concept，而唔係死記，死記嘅話一轉題型就好易出事。

平時做mc嗰陣，就算你一望埋去就知道得第1個statement係啱都好，一定係A啱都好，都應該諗埋點解第2，3個statement係錯，唔好直接skip咗佢哋揀答案，佢出卷唔係亂嚟，寫得落去嘅話多數都有位伏你。你要記住你溫書最緊要係清concept，你快但係concept唔啱答錯都冇用。

咁幾時真係要計時chur吓自己呢？就係你肯定自己concept大致上都算清嘅時候。喺呢個時候，我先會做DSE by year嘅past paper，仲要計時做，你做完應該就會好清楚自己大概咩level同有咩不足，如果做咗3年左右都係錯好多某個topic嘅題目/某啲topic嘅題目要做好耐，與其繼續做DSE，不如集中做返多啲嗰啲topic嘅題目補返個底先，始終DSE 係好稀有嘅資源。


不過如果有時間嘅話，我建議最好就買radian出嘅mastering physics嚟做，因為佢所有mc都係逐個choice咁解，如果你做完一題mc之後無論你係啱定錯都逐個choice睇返explanation，其實真係好清concept，而且呢啲exercise係為DSE而設，佢係跟返DSE syllabus嚟整本嘢，即係起碼會cover成個syllabus先（當然有少少題目out c啦），CE偏淺又cover唔晒syllabus，AL又太深好多out c，所以點都建議買返本dse嘅exercise做吓，我就建議做呢本嘅，唔夠時間做long question都最少要做晒啲mc，不過呢本嘢好興solution同題目分開賣，少貴，但係睇返佢個題目量同質素、solution質素，我就覺得值嘅。其他出版社嘅練習我唔敢評論，始終未做過其他出版社。

另外，physics好鍾意cross topic （例如magnetic force + circular motion)，所以唔好諗住覺得某啲topic好難就skip咗某啲topic唔讀，咁死硬。同埋基礎真係好緊要，你唔打好基礎先去學下個topic嘅話應該多數都唔會明佢講緊乜

如果你係aim 5 or above，做晒exercise + past paper應該真係冇得避，除非你係嗰種天才型學生。如果你只係求個3 / 4，我相信做晒啲past paper都夠做。所以你睇返你aim咩level再決定點讀啦。

btw，radian physics個網有mc solution ，免費嘅，可以去睇吓。

如果有咩問題歡迎問我哋，我哋好樂意幫手答你哋問題

順便講多句，教科書係廢嘅，唔使花咁多時間睇，教科書嘅練習都唔使做，又奇怪，難度又唔似DSE，你又唔會有教科書題目嘅solution，咁做嚟都浪費時間。我嗰陣嫌啲書太廢，書都唔開直接睇吓本exercise啲note就做題目，我覺得由錯誤學習其實學得快好多同埋印象深好多。不過做題目量其實唔係重點，最緊要係明concept，明嘅話其實可以直接去下個topic，不過當然有時間嘅話就做晒啲題目，以免自己skip咗啲應該學嘅嘢啦。

dse鬥嘅係勤力唔係天份
早啲開始就得

唔洗做radian

做solar 同longman 就夠

2019 物理5*

想問下邊度搵到嗰啲by topic 表格
sorry真係google咗都搵唔到

你試吓去小卒度搵，嗰度應該有好多by topic past paper

ok i try try