【不割席】玄學家吳佩孚撐學生遭狙擊霸氣回應︰要忍氣吞聲最多唔做

Paradox- 2019-09-09 20:39:25

「光復香港時代革命」不單是口號，更是現今不少香港人的願景。有人選擇沉默亦有人肯發聲，因自由社會可以各自表述。玄學家吳佩孚昨日在facebook留言：「現在的香港已經沒有言論自由了，一班五毛群起網絡攻擊我，全因為我在fb表達了對學生的同情和支持，如果這樣會令我損失了很多生意的話，我是不會介意的，因為年輕人付出犧牲的遠比我多，公道自在人心，香港人加油！」更貼了被五毛攻擊的言論。

吳佩孚今日接受《蘋果》電話訪問，他指上星期六在撐警的群組受到攻擊，被公審他是「黃絲」，他說︰「其實6月到而家喺facebook都係同情啲學生、對送中條例表達意見，又冇話仇警言論，我都係和理非。學生係值得同情，如果冇佢哋，送中條例都過咗；亦都認同唔割席，我哋係唔會同佢哋割席。」他自言已一把年紀，沒有能力上前線，只能夠在言語上作支持。

吳師傅原本對持續被五毛在網上攻擊，都採取不聞不問態度，惟之後情況變本加厲︰「有操鄉音嘅人打電話嚟，一輪嘴咆哮、又粗口、又話我係黃絲。我先覺得離譜，所以喺fb反映呢件事。」至於有人inbox指「已通知國安」，又表示「你以後返唔到大陸搵食」，他說︰「呢啲咪白色恐怖，到今時今日好少行家敢出聲，就係因為驚呢樣嘢，又話我去唔到澳門，喺微博、微信係『紅人』嚟，即係恐嚇我啦。我覺得冇得擔心，又冇反對共產黨，只不過同情學生、唔支持送中條例，唔通要我忍氣吞聲，最多咪唔做呢行。」

估唔到呢個黑底風水師咁敢言