最近連登負能量比較多
出現咗好多留言不停鼓勵各位自殺，重新投胎搵過戶好人家
更加有巴打不幸身先士卒
不過口講無憑，自殺到底可唔可以成功改變命運呢？
我地冇辦法從已經過身嘅巴打攞料
不過我地可以運用統計學，估算各位投胎轉世成功機會有幾大
首先，雖然人類分開唔同種族同民族，但佢地都係同一個物種
所以我地假設一個人死咗，下世仍然身為人類嘅話，都有機會投胎去世界各國
透過分析各國出生人口數目，就可以搵出投胎去某個國家嘅機會啦
雖然投胎去某個窮國唔代表下世一定係窮人，投胎去發達國家都唔代表下世一定飛黃騰達
但係一個人身處咩國家，大概代表到呢個人嘅生活水平同幸福程度
更重要嘅係，透過數據分析，各位可以搵到下世到底會去咗邊度
睇完之後先再衡量下值唔值得死都未遲
好啦，事不且遲，我地直接睇統計結果啦
下面所有數據都係由The World Factbook拎到，原文係英文。因為樓主趕住出post，排名太後嘅國家就懶得譯返漢字名，大家明就得啦
too long didn't read？我黎同大家解釋一下
前十名國家合計嘅投胎機率有54.25%，即係你下世有超過一半機會投胎係呢十個國家，而呢啲國家大多數唔係窮，就係貧富懸殊或者冇自由。
第一名係印度，各位有17.92%機會做印度人
可以瘋狂食咖哩同去恆河沖屎水涼
更重要嘅係印度種姓制度遺害極深，萬一你出身「賤民」種姓就慘過食十舊屎
再者印度女性地位非常低，投胎做咗印度妹就自求多福
第二名就係偉大嘅中國，投胎機會達12.48%
詳細情況就唔多講啦，總之即使你地死咗，都仲有八份之一嘅機會共享中國人榮耀
前十名國家當中只有美國投得過，但得3%投胎機會
搏唔搏得過就自己考慮下啦
不過你唔係投胎去到美國就一勞永逸，你估美國冇窮人？
拿，我地眼光放遠啲，睇到頭50個國家咁多。
佢地合計嘅投胎機率有86.1%，姐係你下世好有可能會係五十個國家嘅其中之一出世。
撇開前十名唔計，係頭50個國家入面，算得上發達國家嘅只有日本、法國、英國同德國
佢地加埋美國，總投胎機率都只有5.41%
姐係你下世會有86.1% - 5.41% = 80.69%機會去咗落後國家，咁就一世
所以大家好唔好砍掉重練呢？
相信大家諗到呢步，人生路中一定好唔好彩，受咗好多苦。
嘅然係咁，點解你地仲想自殺呢？
你地黎到今時今日都咁唔好彩，憑咩相信你投胎就會突然黎運，投去好國家呢？
總而言之，投胎轉世涉及風險，下世有多過八成機會慘過而家，人生更可變得毫無價值。投胎未必一定有賺，反而可能會招致損失。
自殺前請三思
