想睇故
[迷糊散仔俾人欺，酒醉怒喊分析師]
與奇女子短兵相接嘅一刻，就係我走入上司房屌晒鬼之時。
呢間公司，有啲奇怪制度，就係隔離隊嘅人可以提出加入其他隊，亦係呢個制度，我同奇女子接上了。
事源係佢用公司招募廣告，搵咗個散仔入嚟做，做做吓，有張單，都幾大佣，就想獨吞，去我上司度講，呢條散仔有問題，要即炒。
當然，上司會啜雞腳嘅態度，想留低個散仔，我當時算係公司專收奇難雜症嘅隊伍，最後問起我，我話無問題，始終我接觸嘅所謂奇難雜症，都係一個人有獨特想法，我唔敢話佢唔夠，我抱住同佢一齊試嘅心態去做，我亦學咗唔少嘢，到呢刻都仲用緊。
呢個散仔，入嚟時悶悶不樂，十問九唔應，唔知做乜。唯有拜託個女同事去問問，結果知道被夾單了。
下午見完客番到公司，就入房同上司理論，講成兩個幾鐘，都係因為果一百萬佣金嘅單問題，我嘅提議不獲接納，當刻覺得非常濕鳩。
上司見我黑晒面，就話今日傾到呢度，今晚要出席晚宴，無謂掃興，我心諗，我就真係興了。
去到晚宴，其實都係啲酒吧嚟，行政總裁係酒鬼。
去到無無謂謂，企响出口附近，食吓Nuts，飲吓Guinness，突然見到條分析師飄緊過嚟。
睇佢個樣，貓晒。佢自己沖咗出酒吧，見係同事一場，就跟住出去睇吓佢點，始終一出去就係馬路邊，又無欄杆。
見住佢Z字型咁行，都驚佢飄出彌敦道，就上前扶佢。佢貓到衣衣哦哦，突然爆句，奇女子，你做乜今日無嚟，好掛住你，之後爆喊
心諗，做乜鬼
如是者，一路喊，一路行彌敦道。叫咗幾次都唔肯截的士返屋企。後來有個女同事，追咗上嚟，鬧鬼佢又飲到咁醉。
我問，佢成日飲醉？女同事答，佢飲一兩杯就貓。睇得出應該係佢女友。最後有理無理，截咗的士，兜嘢掟佢去後座，女同事坐車頭，關門開車走咗。
我無時間同果個女同事講發生咩事，講過啲咩，只係翌日分析師請病假，亦有消息講，兩者分開了，女同事亦離職轉投其他公司。
心諗，做分析師，酒量咁淺，伴君如伴虎，有排佢捱。
係醉酒分析師, 又彌敦道...你小心自爆喎...
夢，全部都係夢
不過當時的情況都瀝瀝在目。
不過做Sales，真係有好多千奇百趣嘢
