三個月啦就來，唔知大家呢三個月經歷緊甚麼。呢三個月好漫長，漫長到我覺得好似過左10年。每日都有新既事件，一獲大過一獲。
活係一個今日唔知聽日事既社會裡面，我唔知到過左今日之後，我既屋企會變成點。我唔知呢個屋企對其他人來講有甚麼意義，但係呢兩個幾月，大家都好清楚呢個地方對自己來講有幾重要。
大家都好清楚過去呢一兩日究竟發生甚麼事。我地嚇大架，我地唔怕白色恐怖，我地只怕失去自由、失去我地本應擁有既權利。所以，今日我地企出來，為自己而戰，為香港而戰。612、721、811、831，我一世都唔會忘記。唔會忘記自己忐忑到訓唔著，唔會忘記每一滴流落來既眼淚。
「前進總有光。」我只係想講，就算我唔認識你地每一位，我都希望你地每一個平平安安咁返來。唔好俾狗打，唔好俾狗拉，都唔好受傷。我地仲有好多好多可以做，未來既路我相信唔容易行，但係假如我地前進的話，我地總會見到光，總會觸摸到光。
過左今日之後發生甚麼事？我相信無人會知。生活係一個今日唔知聽日事既環境，係好大壓力。我唔係前線，我太廢。做到既就只有粗製濫造左一條mv，用首歌去話俾大家知，前進總有光。
我地俾人嚇大架嘛，怕乜？
「漆黑裡守護過就能盛放。」黎明前既黑暗，係最撚黑暗。而家仲唔夠黑暗咩？黎明來緊架啦，我地一齊捉住下一束光，一齊行落去啦好無？
光復香港，時代革命。
不撤不散，不離不棄。
香港人，你地真係好濕鳩，我好愛你地，共勉之，加油。
https://youtu.be/vDr8gYOl6qs
https://www.youtube.com/watch?v=Jadcbo4NcZk
原本首歌係呢首，真係好warm，大家可以聽下
記住，前進總有光，我地一齊加油
