【香港民主女神像】計劃修正 + 澄清 + 831安排更新

貓仔鋸大樹 2019-08-31 02:10:59

開錯台要重開

過去數天，團隊女神既製作組日以繼夜地儘力完成女神像，務求可以趕及係8月31日當日面世。同時外界亦對呢個計劃有唔少疑問，雖然我有係TG 儘力解答，但由於人手所限，遺憾仍然未能一一回應所有問題。我係度向所有關心呢個project既人致歉，我希望係度整理一次所有回應，同埋更新一下進度。

831出唔出到貨
有賴數十人既團隊既努力，加上今晚仍會繼續趕工，8月31日係可以如期面世。

831展出點安排
由於民陣集會未能取得不反對通知書，為保障嚟觀看既市民同埋其他聚集人士既安全，我地現時傾向係其它地方展出女神像。因應聽日情況，我地會調整策略，但係最大前題係保障各位既安全。

點解一定要831
8.31係『人大落閘』五周年，屬於香港人的民主女神像在遮打花園迄立，意味港人抗爭及爭取雙普選之心不滅，並在今夏重新出發。政府必須回應市民的訴求，並履行基本法落實雙普選的承諾，否則再多的對話平台亦只淪為操弄民意的政治工具。

淨係831展一次?
我地一直向唔同機構爭取一個永久保存既地方，所以我地會儘最大努力可以係831後繼續展出女神像，詳細安排容後公佈。

仲有冇得退款
目前1403位捐款人中有10宗退款申請，我地己經全數處理。
首先好多謝你既支持，如果你仍然想退款既話，歡迎你e-mail你捐款時所用既Paypal e-mail地址/ 信用咭號碼去 ladylibertyhongkong@gmail.com，或直接係你既Paypal transaction 度申請dispute，我地會立即處理。

點解咁貴? 要用成萬蚊影相?
二十萬預算係包括左一個四米高主雕像加二十個一米雕像快閃，總共二十一個像既一整個藝術文宣活動campaign。主雕像底座已經2米(L) x 1.4米(W) x 1米(H)，全身大概1.6米(L) x 1.6米(W) x 4.2米(H)，以3D打印材料並焊接鐵支作支撐等，打算長期保留及展出，需耗用大量物料去確保結構堅固。以紙糊做材料只適合作短期、小型作品用。

除左攝影師，攝影費亦到包括左預留傳媒採訪製作過程時要租用既studio，因為唔可以暴露原本工埸位置，同時有大量既儀器同工具想展示。因已有海內外多十多間傳媒希望採訪，所以先要預留呢個需要既可能性。

因為雕像高達4米，體積同重量既問題都需要用到大型貨車運送，同時因題材敏感，經常要支付比平常高出幾倍既租車費用。

二十萬捐比前線好過
呢個project既原意係因為香港有好多好愛香港既藝術人，收入唔多又上唔到前線幫手，所以一直無辦法出一分力所以覺得好無奈。而做呢個雕像我地都覺得可以幫到全香港人打氣，係好多藝術人覺得唯一可以發揮所長的地方，雖然可能有人理解為自我滿足，但係大家都只係真誠地覺得可以由我地既角度貢獻運動。而呢二十萬我唔敢講一定值回票價，但係係懇求大家投資比我地，嘗試會唔會黑馬跑出，以新既型式去吸引世界既目光，顯示香港社會每一個行業都都以自己既能力支持個運動。我地係請求梗一個除左支援前線，可以凝聚大眾既機會。

博出位?
我地全體成員無名無姓，接受採訪亦會隱藏身份，實在無利可圖。

錢自己袋哂
所有支出在計劃完成後，會由會計師核公開帳目及所有單據，所有剩餘資金都會全數捐出比612基金。如果大家對受款機構有意見亦可提出，我地亦可以捐款比星火抗爭同盟或其他機構。

減Budget + 維持計劃持續性
我地收到大量意見呼籲修減不必要同無成效既開支，團隊好多謝同重視各位既意見。因由召集成員到眾籌開始只係幾日時間，計劃的確未及成熟階段。因應最新今日大搜捕既發展，所以我地係商議後決定暫停快閃雕塑計劃，用節省落黎既HKD72,500 捐去星火及612基金支捕被捕義士。
之後我地會係網上公開香港民主女神既STL檔案，同時售賣各個藝術家版本既迷你女神figure，所有收入扣除成本後會持續捐住星火及612基金。

進度相:
請住眾籌網頁觀看
https://gogetfunding.com/製作【新香港民主女神像】production-of-lady-liberty-hong-kong/

呂麗乳搖 2019-08-31 02:11:43

幾句講哂
831宗教集會港島見
901 1點鐘機場見
92大三罷