--香港民主女神像Lady Liberty HK 團隊回應--

首先多謝大家支持，令眾籌咁快達到目標，目前已經停止接受捐款，一共籌得HK$203,933。

對於有網民質疑相關支出，香港民主女神像Lady Liberty HK 團隊非常重視，以下會逐點澄清：

女神像唔值呢個價?
女神像係一個4米高主雕像 + 20個1米雕像快閃，總共21個像。主雕像底座已經2米(L) x 1.4米(W) x 1米(H)，全身大概1.6米(L) x 1.6米(W) x 4.2米(H)，以3D打印材料並焊接鐵支作支撐等，打算長期保留及展出，需耗用大量物料去確保結構堅故，以紙糊做材料不適合。

攝影方面點解要$10000？
預算包括：租器材、請專業攝影師，當然我地歡迎義務攝影師幫手，但都專重返其專業預留費用。另外為保護參與者及場地提供者，我地唔會比大量傳媒採訪，所有記錄要自己做。日後所有文書、展出會用到的圖片及影像、公佈比外媒的資料，全部要自己做，所以對攝影方面有要求，多左既錢亦會全部捐出。

踢人出TG Group?
關於踢人問題，係成立group 初期，有一位叫願主打救你既用戶加入，表示自己係一個雕像作者，然後我留意到有用戶留言‘都係亂整交貨’，並有其他用戶回應。因免影響士氣，我block了該用戶留言。

我為我一時衝動未有清楚理解對話原意感到萬分抱歉，回看該用戶應是一番好意加入討論分享，而其他藝術家加入我一直都是大力歡迎而各位都可以作證。

有關展出地方已經有，但係為咗保密會長8月30號晚上先公布
後續安置地方都已經有，同樣地為咗保密及唔好出現變數，在8月31號晚上安置完畢會再作公布

另外手續費係眾籌平台收費, 並非製作團隊收取。製作組我地只收取材料費成本，不會賺眾籌裡面嘅一分一毫。

香港民主女神像Lady Liberty HK 計劃到呢一刻只係短短幾日。為了趕及8.31，沒有花太多時間做資料蒐集。預算有預多左，以防發生任何意外，包括要要重做、修改等。

重申，我地係無大台，全部自發參與接受工作。

所有支出在計劃完成後，會公開帳目及所有單據，所有剩餘資金都會全數捐出比612基金。如果大家對受款機構有意見亦可提出，我地亦可以捐款比星火抗爭同盟或其他機構。

兄弟爬山，團隊亦希望出一分力，基於團隊經驗尚淺，時間緊逼，令大家擔心資金去向，團隊在此致歉。同時多謝手足們既建議，我地會不斷改進，希望製作真正擁有民心，可以代表香港人既民主女神像。

香港民主女神像Lady Liberty HK 團隊並不會慷市民之慨，取之於民，必定用於民！

九月一號下午一點機場見

901機場和你塞 Channel
http://t.me/stuckwithyou
901機場和你塞 公海
http://t.me/stuckwithyouopen
901機場和你塞 宣傳
http://t.me/stuckwithyoupromote

有冇圖望下

見人地係原作者就踢出group飛起人

算唔算騎劫？

屌你老母 發國難財 踢人走 唔岩聽就封 你老母你講自己唔會袋一分一毫？ 你條仆街咁撚貪心 20萬你袋足19萬啦 乞衣

咁貴我寧願你比612 星火或者問下杏林要唔要

超過50位手足已經唔休息咁produce梗個像，當中好多支出都係兄弟預先自己付出，因為要保護埸地，好多相都未必係度post出黎，請大家見諒。

唉我明白樓主你既好意
首先你依家整要趕上831你會嘔血
其次依家爭議咁大
你整完都會有一大班人唔appreciate
都最後一大班人衝出來互屌
樓主如果真係為依個運動好
不如將啲錢捐去杏林or星火or 612啦

sorry 覺得未係時候整呢d

成班人冇錢開飯搵律師，你就籌20個出黎玩膠公仔，收皮啦

老老77 我唔覺得831可以完成到

佢地其中一條撚樣已經認左有錢分

它日香港真正既民主降臨
你要200萬整個真銅像都仲得
何必急於一時？
我知道有好多巴絲依家都會係tg不停轟你
其實大家都係自己人
想為件事好
如果真係咁大爭議
不如後退一步
無謂搞到咁

推

捐去星火，612啦

用廿萬來打飛機，痴L 線

算啦 成舊錢擺係佢手 你叫佢放返出黎？ 唔會囉

建議先聽取多啲人嘅意見
利申不割

如果係運動成功左 要記念運動成功 咁整個四米像好合理啊 但而家整完係咪為左比人破壞？ 如果為左快閃 即棄 點解要高成本整啲雕像？ 如果唔係即棄 點解要整咁多？ 其實真心覺得哂錢 你地評論果位巴打整得唔好 其實最簡單既發泡膠都做到靚 香港識做雕塑既人真係好多 唔明點解要咁貴 3d print 都唔洗咁貴其實

FC先好講...

有無圖cap返出嚟睇下？