Share這個post係最痛嘅一個，希望希望但願不是真的。孩子，若然真的發生了，不要怕，過來我們懷抱裡，無論什麼事我們也可以一起面對。好嗎？
／／係好期望件事係炒車既同時，提醒各位絲打，如果發生左事要點做。
1.
千祈千祈唔好因為覺得污糟去沖涼，我知係真心好L污糟，但係體內既殘留體液/痕跡係將對方繩之於法既最有力證據，最好係成個人連衫原封不動去驗。
2.
如果你好驚，怕自己做錯野，唔該你第一時間去醫院/打俾風雨蘭 (2375 5322)，同埋搵一個你最信得過既人陪住你。(基本上有依類案件發生時，你去報警，佢都係搵風雨蘭黎陪你，佢地唔係expert無人係。)
網友意見 📍*(正解)：警察係絕少會主動揾風雨蘭陪受害人的；如果想陪，最好都係事先搵定再一齊去報警. 因為風雨熱線係星期一至五0900-2200；星期六0900-1300，如果過左office hour，去醫院先（未諗定報唔報警都可以去醫院先），叫護士搵風雨蘭，佢地有方法聯絡到 的*
3.
依類案件多數係公立醫院所做既檢查同報告先會俾法庭承認，唔好去私家，要去HA醫院。驗野唔需要等警察既，可以拎晒樣本同報告，再簽consent俾警方拎去政府化驗所/其他地方度驗。(我認知上係咁，有錯請指證) 如果係經警方去報，應該會有法醫幫你檢驗，盡量同醫護同法醫合作。
網友意見 📍*(正解)：公立醫院只係會提供治療(包括事後藥/驗孕/抽血等）；但係如果檢驗for搜證日後報案上庭，始終都係要報警，由警方聯絡法醫，法醫會幫受害人檢驗，睇下有冇傷痕/侵犯者DNA 之類，檢驗報告for日後上庭之用*
4.
如果決定要追究，搵齊大狀、社工、家人先好去，雖然唔知有無可能，但盡量盡量請大狀幫你chur到佢幫你錄影會面，如果手寫要用上好多個鐘，好身心煎熬。警方係有Interview Suite for vulnerable persons 既，錄口供既地點唔一定係警署。
網友意見 📍*(正解)：一般只有「精神上無行為能力人士（MIP)」先可以用錄影方式落口供；其他人都係要筆錄*
5.
準備好要錄口供係會錄好長，手寫起碼3-4個鐘，問既野會好細好細，包括次數、時間、地點、人物、細節不等，有時會反覆問細節，會有點痛苦。個人建議如果事發後仲記得，可以即時寫低咩事，再交去做證物作輔助。因為個人係會好混亂同會唔記得同記錯。
網友意見 📍*(正解)：未報警前可以自己先記低詳情，但並非證物，只係幫助自己警口供時清晰d*
6.
正常既practice係只有同受害人同性別既人員先可以錄口供，你係唔應該見到異性人員係你間房入面出現，亦唔應該有唔知咩事既人係度食花生。
7.
要出庭可以要求屏風、唔開名，特別通道出入，甚至可以通過視像系統作供，口供紙會有列明依類請求，記得需要既就Request。
網友意見 📍*(正解)：法庭對呢類案件已經有特殊處理；如果受害人要作供已經有相應安排 (特別通道出入丶受害人優先進入/離開法庭丶有屏風除雙方大律師和法官以外所有人包括陪審員唔會見到受害人丶用單英文字母代替受害人姓名) 呢啲唔需要額外要求；video link 除左 minor 就真正要 request
8.
個人意見：不幸在警方看管期間被性侵犯，時序上算係比較有力。因為你在警方看管期間係無咩可能同其他人發生到性行為。如果你在事發後(離開警署後)即時去驗，驗到有野係比較容易得出beyond reasonable doubt 既結論。但我一萬個希望件事係假，亦唔會發生。
9.
認人程序係單向反光鏡黎，對方唔會見到你個樣，怕出聲可以將認出個人既號碼寫落紙上面。
10.
所有人唔該自己去風雨蘭個網站睇L清楚作為支援者要做咩，都睇埋性侵犯後會有咩心理反應，保護自己保護他人。
___________________________________________
我在此跪求各位，盡量被捕時有唔舒服就即時係現場有鏡頭睇到時，大聲要求要去醫院或完整地用身體表現出你需要去醫院。入到警署係無人睇到，都唔會有CCTV。唔該大家，人多既地方就安全，明白無？／／
#828晚上八時 #遮打 #metoo
