以下係被狗喺天橋包圍街坊報料 重組被包圍時既經過
推進時前15-20分鐘
有一間私家型既警車(可能更多)由係龍翔道往樂富方向 有小部分手足就行出龍翔道就觀察發生咩事 一開頭依為警察封路 但有人用望遠鏡話前面有人撞車 嗰一刻大家喺度笑話有人不合作運動 5-10分鐘內就通返車
但同一時間 我地發現龍翔道兩邊開始少車 又開始懷疑警察封路 (返到屋企證實左天馬苑有封路 唔清楚動機原因係米想包圍我哋而封路 個人覺得都係)亦都見到一直對住十字路口嘅警察開始上裝備
我地都開始討論危險應該要走 有人聽到都開始從天橋或其他方向離開
之後天橋附近大約仲有50-6人未走(數字不太確定)開始討論逃走方向 有手足去鑽石山方向探路 發現睦鄰街公園有防暴警察已經轉緊出嚟 亦都馬上同其他人講 討論左1–2分鐘 手足同街坊都决定馬上開始撤退
大約12點我哋一撤退佢地就跑同推進 果時已經喺樓梯 冇辦法之下繼續上樓梯過天橋 當時都有回頭望 下面有人衝出龍翔道同樂富方向逃跑 但上完樓梯 有幾名手足仲係樓梯下面觀察
但一瞬間下面既手足都跑 天橋都開始跑走 跑到天橋一半時 我見到跑既方向有防暴已經到左 (我認為佢地係消防局沖落黎 因為一直都冇人見到新光有狗 令到我地認為安全)
之後冇路既情況 有人大叫入lin (應該太驚先咁講 但唔排除有鬼)個個都驚沖曬入去 點知防暴不斷推 將人群逼入lin
期間有人呼吸困難 2-3分鐘就開始叫我地出lin 防暴警察已經封晒兩邊樓梯 就開始一字排開男左女右 check身分證同個人資料
期間有一個2888(上網check唔到 可能我唔識用) 有用過強光燈不斷閃下邊啲街坊 態度有時都好惡劣 亦都有向我地扣留人士 有小量恐嚇成份同係咁大聲講我地暴動罪或者非法集會 會冇哂前途
遠方有人開始用雷射筆射狗 有一名白衫女警玩分化 話係射我地 我地比人出賣等等說話 之後2888:岩架啦 比人射下啦 三個擰轉面(得佢地係另一邊) 向住射既方向企 狗亦都當盾牌咁用 好快就冇雷射筆射過黎
放人期間女先男後 走時會錄片影全身 條片應該一次過影哂全部人 唔清楚女方有冇錄片 錄完後 又再記多一次身分證同個人資料 就可以走
check前前後後最少一個鐘
check期間天橋有小部份警員 挑釁下邊既街坊 有一個話轉頭就捉你班xxx(唔太記得都係應該粗口或曱甴等字眼 )你地米撚走 捉哂你地非法集會 暴動罪 講時用強光照落下面 有狗都拉住叫冷靜
挑釁說話當然包括 白衫女警姐係開mic果個
- 到知上天橋係on9行為 但唔到會咁樣包圍
- 懷疑通常特別態度差同有強燈光閃閃下 都係假既編號
- 天橋既街坊最少25個 當中有2名女街坊上左狗車 因為冇身分證 當時有議員跟推
- 尋晚嘅人都放哂 未有起訴
-我眼見唔到有舉旗(可能有但睇唔到)
仙友要對今次事件好好檢討
兄弟爬山各自努力