呢啲上網傾(包括whats app), 同現實傾計係完全兩回事, 就好似辯論同打網球咁.
抱住練online傾計嘅心態去玩會好好多, 反正係今日社會必備技能.
都match到啲人,
想認真識人嘅女仔都好高竇, 慘過服待老細, 仲研究緊啲方法.
而marketing 同sales 嘅女仔, 我就試緊點令人哋唔想同我sale嘢, 而係想同我傾落去.
我發現原來現實同人傾計易太多,
我會有好多資料搵話題: 人哋嘅打扮, 拎住乜, 表情, 動作, 行為, 自己同附近所有嘢等都可以拎嚟講;
但一係交友app, 得嗰幾張相加段字, 太少資料. 直接問又變咗審犯.
另外, 係現實, 除咗content, 你可以有好多方法, 例如語調變化, 停頓, 表情, 動作令一段話唔悶, 或者令一個問題聽落舒服, 令對方有興趣認真答.
但online考純文字, 兼唔可以寫太多, 真係好考幽默感.
例如: “你份工好唔好做? 悶唔悶?” 係現實要答得有趣, 令人聽晒係好簡單.
但如果你將呢段嘢打落一個msg 度, 人哋會當你痴線.
要”斬件上市”, 每一single line都要令人有興趣知落去, 最終 “聽晒”你成段嘢.
其中一行唔夠有趣就會被已讀 – GG!
問問題就更艱難.
加上唔少女仔都要擺吓款, 明明自己就成日拎住部電話, 但就係要專登拖一拖先覆. 現實15分鐘完成嘅對話, online 可能要3日.
效率低, “有冇辦法係網上有趣地傾”呢係技能同之後一齊生活開唔開心, 其實係冇太大關係, 但啲港女就係會將呢項變成對港男考核, 仲要係主科.
就算你現實識完人哋, 之後好可能都係要whats app傾, 否則好難有下文.
我覺得自己好似一千零一夜背景故事個王妃咁,
要keep 住國王對聽晚個故事有興趣,
但我得一個 “single line”, 搞唔掂就死硬.
王妃堅持咗一千零一夜後, 終於GG.
國王應該唔太care, 佢會覺得自己仲有大把女人.
某一日, 國王殺晒咁多個妃子, 佢應該會寂寞,
但佢係會怨班妃子太低質, 而唔係覺得自己做咗錯啲乜,
更加唔會後悔當日, 殺咗努力取悅咗佢一千個晚上嘅其中一個女人.
唔露樣好傾好多 一露樣就有顧慮
