最近重溫左呢套戲，覺得根本講晒成個革命大方向。
首先呢套戲係講本身係土匪既張麻子(姜文)，去左做鵝城既市縣長，
上任之後，當地財閥黃四郎(發哥)同張麻子交手鬥法，令張麻子死左幾位手足。
所以，張麻子決心復仇。
張麻子同黃四郎其後Deal好左，黃四郎出錢再夾埋其他兩大家族出錢比張麻子，
張麻子就以縣長身份親征去剿匪，事成之後，個筆錢就對拆分左佢。
點知張麻子中伏，又死多兩位手足，
仲發現左原來鵝城之前幾任縣長都係中呢招死。
張麻子雖然可以全身而退，但係就得返幾位手足既人力。
但仍無阻張麻子復仇。
更聲稱，三日取黃四郎人頭。
返到鵝城後，張麻子將黃四郎出既錢用馬車倒晒係地下，任由民眾拎，
點知，冇人敢拎。
兄弟問張麻子今次有幾成勝率
張麻子 : 3成
一夜之後，地下既銀兩已經比人拎晒，
無錯，因為民眾錯黃四郎秋後算帳，所以唔攻光明正大拎。
呢個時候，兄弟問張麻子有幾成勝率
張麻子 : 都係3成
之後，黃四郎出返架馬車，打算回收返d銀兩
結果，d銀兩係樓上飛返晒落街。
黃四郎成功回收銀兩
兄弟又問張麻子幾成勝率
張麻子: 6成
之後，張麻子將槍炮子彈又用馬車倒晒係地下，
同樣，光天化日冇人敢拎。
過左一晚，連阿叔打牌都拎住支槍。
之後，黃四郎又出同一招，又放馬車打算回收返d武器。
結果，張麻子出手，
對住空地連開幾槍，鏡頭並無交代佢有冇射中馬車，
但班兄弟問張麻子，到底做乜
張麻子答 : 讓子彈飛一會吧。
片刻之後，全城都響起槍聲，隻馬都比人射到開晒花
之後張麻子同佢僅存既三位手足，
一齊上街嗌口號，呼籲d人帶埋槍炮子彈同黃四郎決一死戰，
去拎返d屬於自己既財產。
跑完一圈又一圈，都係冇人理佢地。
佢地就咁4個人去左黃四郎既雕堡。
到達之後，佢地冇放火，又冇直面交戰
張麻子一行四人只係對面度鐵閘瘋狂開槍，
日射夜射，槍聲傳到全個鵝城都聽到，
連d阿叔都話呢獲肯定搞出人命仆街喇。
d兄弟都有過張麻子，到底想做乜鳩，
張麻子 : 讓子彈飛一會吧。
足足射足全日鐵閘，張麻子收隊，
但係佢係捉住黃四郎既替身返鵝城，呢個替身同黃四郎完全一樣。
然後，張麻子就當住全鵝城既人，斬左替身個頭落黎。
然後全個鵝城既人都一擁而上，去黃四郎大宅搶返屬於自己既野。
故事大約去到呢度差唔多結束，
而班兄弟又問多次點解張麻子要咁做
張麻子 : 我派錢，黃四郎收錢，係為左引起民眾對黃四郎既憤怒
張麻子 : 我派槍再開槍，係帶頭吹起反抗既號角
張麻子 : 我明知捉唔到黃四郎，但係民眾分唔清邊個係真身，所以開槍射閘，然後當眾斬替身頭。係為左打破民眾對黃四郎既恐懼，當恐懼消失，大家就唔會再怕呢樣怕個樣。
呢個Post就去到呢度，各位唔知諗到d咩呢？
