點解？可能因為佢發覺左（發覺埋右）究竟而家警隊嘅訓練裏面，洗腦究竟可以有幾恐怖
係度佢想用呢個機會同大家講講究竟學堂係點樣洗腦嘅。入營第一件事，首先摧毀你嘅獨立思維
學警訓練為期27週，大概六個月左右，內部分為三個階段，分別係細線，中線，大線。細線係頭兩個月，如此類推。
細線最主要要做嘅嘢，就係摧毀你嘅獨立思維，方便洗腦。
點洗？
首先，係精神上折磨你。
第一日入班，全部學員就企起操場度幾個鐘聽大sir訓話訓足幾粒鐘
你話有內容都算，好可惜係無咩內容可言，整係係度屌，同埋話好辛苦之類。咁入得班就緊係預左入黎辛苦嘅，唔通入黎度假咩？佢可以講足幾個鐘 
好啦，跟住每班都會配兩個啊sir做正副班主任。D啊sir應該夾過，standard good cop bad cop。一定有一個好惡亂屌
，配個好好先生。
每日出操都會比前者屌到飛起，跟住後者好快就會出黎呵翻班細嘅，等班學員覺得有人關心，建立信任。
如是者無限重複，等你嘅自信同獨立思維比前者摧毀到搵唔返，同時後者會利用學員對後者嘅信任，不停拍毒針，等你接受佢哋套價值觀。咁你可能會覺得：超，我心志堅定，怕咩比佢good cop bad cop？當然，呢套training唔單止咁簡單得屌同呵啦。
作為一個警察，又真係有唔少嘢要學。練體能、步操、法例、槍、ou、戰術訓練等等，所以個 schedule都排得密密麻麻，朝頭早七點跑步/步操直落到夜晚九點，中間有各一個鐘嘅食飯時間。換句話講，一日練足十二個鐘。
十個半鐘雖然chur，但係都頂到嘅？咪同我OT差唔多
！少年，你太天真了，十個半鐘只不過係白紙黑字上面嘅嘢，實際情況遠遠多過十個半鐘
係細線中線（頭個四個月），早午晚餐都係得半個鐘左右（早餐本身都係半個鐘），上canteen、排隊、攞飯、食、收嘢同埋落去fall in呢D全部要係三十分鐘內搞掂，務求等你食得唔好無心機無時間有自己嘅思想。
Training有咩衰左，或者有人遲到，點算？又屌又罰啦當然。啊sir最鍾意罰咩？緊係一下push up啦
咪以為一下好易做，呢一下佢幾時話down就down，幾時話up就up。換句話講，佢鍾意點玩你地都得
好啦，我就當你好彩無比阿sir罰，你無驚無險到夜晚九點。你以為可以休息？
太
天
真
了
你估你唔使操體能、洗廁所、溫書、燙衫、搬嘢、拍片?最快手都要一兩點先訓到。你可能問我拍片做咩，拍片係錄低D懲罰比啊sir睇，等佢哋知班學警做左
呀，因為中線開始要當更，即係係學堂入面守住唔同出入口，四圍巡下簽下薄，每更4個鐘。如果中左夜更就恭喜你，會連覺都冇得訓
如是者，呢個course run六個月，等你chur到精神同肉體上都一樣脆弱。與此同時，啊sir會瘋狂同你講佔中D人唔啱，打佢哋就啱㗎啦，而且出面D人會害警察，等班學警唔信出面嘅人
同埋佢哋都會係咁同班細講人工其實好低（？？？），因為佢哋咩都要做，其他紀律部隊人工應份低過佢地。係身心俱疲，意志薄弱，與世隔絕嘅情況下聽足半年，就會慢慢洗左班細嘅腦。雖然我個朋友個朋友頂到，但係都覺得好嘔心。最嘔心嘅係，你會見到其他學警個樣好似信班啊sir信到十足咁
當你頂得完，無比人洗腦，打算上位之後改變警隊，中途招兵買馬？你估你睇寒戰咩，邊有咁易。 更何況， 佢哋會陰D陰D試你，玩你，試得出你唔係藍絲或者中立L就玩9你，排擠你，發配邊疆，一世無得升。所以話，唔知好彩定唔好彩，入邊D警察根本就唔係按能力升遷，而係以人脈去升。
所以大家真係唔好打算單槍匹馬做學警，從內部改變警隊啦。一個人去好容易比人同化。你如果真係要咁做，有得考督察就考督察，仲要起碼四五個一齊去報，唔係全部收都唔入營，或者特登入營一兩個禮拜就quit。全部收的話，你入到班起碼有人同你照應，互相提醒；特登入營一兩個禮拜就quit的話，亦都可以打亂佢地嘅人力資源安排。
