818香港人完成左170萬人流水式和平集會, 唔需要警察維持秩序, 再次在係世界見證下完成壯舉
820, 佢地唔捉砍人既人, 820 佢地凌虐恐嚇老人家
無論政府獨唔獨立調查, 5大訴求 缺一不可,
立即落實全面雙普選時間表, 唔可以袋住先
呢度有封信, 本身想818讀, 但太逼太大雨所以冇做到
一封前線抗爭者給香港市民既信
大家好, 我係一名夢遊前線抗爭者, 我知道係最近有部分人唔明白前線既目的,或者覺得開始失去焦點, 希望大家用幾分鐘時間去聽一聽前線既心聲
運動持續兩個月, 政府依然固步自封, 警隊不斷升級暴力鎮壓, 特別係針對女示威者, 同好多無辜市民
我地失去左6個寶貴既生命, 失去眼睛, 同好多鮮血, 面對數以百計既檢控同罪名,
前線每次既行動都會去建立一個防線去保護和理非有充夠時間徹退, 冇錯呢一條脆弱不堪既防線, 不斷被清場, 不斷重新轉場再黎過
有D人覺得係冇意義, 係好天真, 係好傻, 白白送頭, 大家又知唔知點解要咁做, 呢條防線正正就係香港核心價值既防線, 不斷被無情既踐踏同摧毀.
但我地永遠唔會放棄去建立同守護呢條防線, 直至戰到最後一兵一卒, 原諒我地就係咁傻咁天真.
呢一場絕對係一場光復香港既時代革命, 落實五大訴求正正係一場由下而上爭取民主既運動
係一場有血有汗既運動, 我地前線既手足, 我地唔怕風吹雨打日曬雨淋銀包干塘, 我地唔怕警棍胡椒噴霧催淚彈,
我地唔怕像膠彈,布袋彈, 海綿彈, 水炮車, 我地唔怕有卧底會隨時禁低我地, 我地唔怕俾警察插贓嫁禍, 我地唔怕俾假新聞沫黑
我地唔怕白衣人持刀持棍既恐怖襲擊, 我地唔怕被檢控被人酷刑對待同承受牢獄之災, 我地通通都唔怕
你知唔知我地最怕既係咩, 我地最怕既係大家突然會同政府妥協, 我地最怕坐完監出黎香港仲係未有雙普選
我地最怕用生命死諫既義士既遺志會被遺忘, 我地最怕如果有一日佢地隻眼醫番好但打開隻眼都見唔到張選票,
我地最怕2014既悔恨會再重演多次, 我地最怕30年前既歷史會再重演多次,
香港之所以會有今日既亂局, 完全係因為特首唔需要向市民向民意負責, 完全係因為基本法已經變成廢紙, 完全係因為警察已經變成左公安
呢場運動係香港爭取民主最後既機會, 如果失敗左香港既核心價值將會全面沉淪, 文化將會全面被消滅, 所以我地已經唔可以將呢個責任交俾我們的下一代去做
我地寧願做一個痛苦既人, 都唔要做一隻快樂既豬, 我地可以為左原則公義捨棄所有既野包括生命, 但我地絕對唔會為左生存而捨棄原則同公義
前線應承大家會以最謙虛既態度去聆聽去改善, 盡量不受傷, 不流血, 不被捕, 保持理智, 運用智慧去戰勝敵人.
大家可唔可以應承我地, 係落實全面雙普選之前, 大家永不放棄, 永不割席, 五大訴求, 缺一不可, 光復香港, 時代革命
多謝大家
無名前線上
一名前線抗爭者給香港市民的信 (加少少820睇法, 唔可以袋住先!)
睇唔到車尾燈
592 回覆
900 Like
5 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁
撐住
推
前線越來越少人 唔係一句咩 核彈都唔割就可以出番曬嚟
我要全世界知道前線唸咩
邊有 818冇上gear炸
推
全面升級
唔要袋住是但一樣先
五大訴求 缺一不可
五大訴求 缺一不可
睇到心痛
我怕件事變左做成立獨立調查會就完結左
我怕政府捉醫院打老人家果兩個出黎交數就完左件事
化怒氣為力量, 今次衰咗香港就真係玩完
永不放棄, 永不割席, 五大訴求, 缺一不可, 光復香港, 時代革命
多謝各崗位手足, 多謝香港人
永不放棄, 永不割席, 五大訴求, 缺一不可, 光復香港, 時代革命
多謝各崗位手足, 多謝香港人
我唔要2014既悔恨重演
呢場運動係香港爭取民主最後既機會, 如果失敗左香港既核心價值將會全面沉淪, 文化將會全面被消滅, 所以我地已經唔可以將呢個責任交俾我們的下一代去做
你唔怕，但我地怕。。・
怕失去左你地！
好好保護自己同前線，唔好戀戰，唔好死守
要散，要閃！ 散完可以再集合。。。但先要唔好比人拉同受傷先可以再集合到
我地係愛香港，但更愛你地呢班年青人。
怕失去左你地！
好好保護自己同前線，唔好戀戰，唔好死守
要散，要閃！ 散完可以再集合。。。但先要唔好比人拉同受傷先可以再集合到
我地係愛香港，但更愛你地呢班年青人。
放心
我意思係大家唔好袋住先就得
場仗仲好長
我意思係大家唔好袋住先就得
場仗仲好長
前線應承大家會以最謙虛既態度去聆聽去改善, 盡量不受傷, 不流血, 不被捕, 保持理智, 運用智慧去戰勝敵人.
場仗唔知幾時遠, 大家加油, 一路進化
場仗唔知幾時遠, 大家加油, 一路進化
幾時完
唔好袋住先