[校園][純愛]《幸運星下的預言》(Ⅴ)

咁就要睇落去

可唔可以比我happy end我地啊

可能係你地太敏感

唔好屌我

唔知呀

冰美人

真係衰人黎

痴線其實冇咁快完

你又扣

一陣係咪仲有

可能係你諗多咗

如果我話我揀錯歌打錯歌詞你信唔信

其實我係支持happy

其實我唔係衰人

有
原本真係諗住休息唔打聽日先
不過新Post冇文好似唔多啱規矩

信啊 你明明話今次首歌唔係以前嘅歌手 但Hins明明出過

之前個個故都話有機會係happy end巴打都係小心啲扣實安全帶好

去到結尾嗰首歌唔會係之前嗰啲歌嘅歌手

凡事都有可能嘅

有啲眼瞓不過睇埋先
新po 無文好無禮貌㗎

Sad end 都唔啱規矩 可唔可以都跟返規矩

新post LM

第八十六章
幾日之後有活動要返去學校

冇記錯全部中六同學要返去補課

畢竟好快都A-Level

話就話重有半年多啲

不過數下一個月，數下又一個月

其實真係唔快架喇

容乜易又到聖誕

跟住新年乜乜柒柒

咁樣喺正式拍拖之後嘅第一個上課日

我就好似未拍拖之前咁樣

特登早啲起身去佢屋企樓下等佢

佢亦都好似平時咁

整定一塊腿蛋治等我

佢一落嚟我就望側邊有冇同校嘅人

見到冇就梗係放肆啲

即刻捉住隻手

嗰陣嘅我可能真係完全冇經驗

仍然冇特別嘅身體接觸

唔好話錫咀

就連擁抱攬下都未出現

最大尺度都係拖手

不過真係好奇怪，

嗰刻我又冇特別諗過有咩身體接觸

唔係呢個故走甜所以特登唔講

事實上的而且確係冇

筱瑜:「一嚟就拖住我

唔驚俾人見到咩」

我:「見到咪見到

女朋友咁靚對手又咁滑

唔拖個個都唔係男人」

筱瑜:「講呢啲你就最叻

其實我真係想問你

食咗咁耐腿蛋治你都重未厭」

我:「一望就知我係痴心男人

鍾意一樣野就唔會放手

除非你唔整嘅啫」

筱瑜:「係咩

唔好呃我喎」

我:「講真

係咪事實你有眼見架」

筱瑜:「咁又係嘅

個個禮拜都整咁多次你都重肯食

又真係好痴心」

我:「使乜你講」

一路食住三文治一路拖住佢隻手

呢種體驗都係第一次

原來又幾過癮

我唔知我啲手汗有冇整到佢

因為啱啱拖嗰陣真係有啲緊張

直至到佢望住我跟住話我個嘴有啲污糟

幫我抹走之後

先開始放鬆少少

原來有個女朋友嘅感覺係咁

睇嚟真係要慢慢適應

筱瑜:「做咩望住我呀」

我:「靚咪望住你囉」

筱瑜:「傻仔

一陣小息落去學生會室見啦

拜拜」

跟住我地就各自排返班隊

我唔知佢頭先明唔明我講咩啦

不過佢咁醒，

應該都九成知道我有咩含意

見到佢唔使再偷笑，

真真正正開懷咁樣笑出嚟

就會明白男朋友呢個身份個價值。

好彩本身都唔係嗰啲乜都擺晒喺塊面度嘅人

唔可以話善於隱藏自己情感

只不過亦都唔係喜形於色咁解

所以拍拖返學第一日身邊冇人察覺到

當然都有可能費事理我呢條柒碌啦

總之唔俾人發覺就冇問題喇

好唔容易捱到去小息，

鐘聲一響起我成一支箭衝落去學生會室

我同佢得以開花結果

學生會室絕對係其中一個不可或缺嘅地方

當初冇入嚟呢度，

我都幾可肯定今日唔會發展到咁樣

可能以前對於所謂嘅愛情睇得太過認真啦

一直都好感激身邊嘅人、事甚至係地方，

全部野加加埋埋先至有今日

過程缺少任何一部分都唔敢講完全冇影響

至少我會咁樣理解先

講下講下終於行完樓梯落到去，

就見到筱瑜佢喺度

嗰陣佢隔離重有映彤

自然唔可以咁放肆啦

雖然我估筱瑜有講過俾佢知

不過以免其他人懷疑都係唔可以太猖狂

映彤:「你兩個鬼馬啦」

我:「咩呀都唔知你講乜」

映彤:「你個靚靚筱瑜講晒喇」

筱瑜:「唔好周圍講呀」

映彤:「你放心我連Felix都冇講過」

我:「堅定流」

映彤:「搞錯呀識咗咁耐你都唔信我」

我:「係喇係喇」

映彤:「講嚟聽下你地點撻著啦」

之後我同筱瑜相視而笑

映彤:「得啦我知你怕醜

唔阻你兩個喇我落去搵miss先」

跟住映彤佢就走咗

筱瑜:「做咩笑到咁呀」

我:「我見你笑丫嘛

又係你話我依家有特別任務

咁我都覺得自己幾成功」

筱瑜:「自大鬼」

我:「你覺得我唔成功咩

下」

見到間房冇人所以我又係咁摸佢個頭

筱瑜:「係喇係喇最成功係你呀

咁叻仔抵我請你飲野」

大家都估到係咩啦

又係一包冇飲筒嘅紙包朱古力奶

我:「姐姐我要飲筒」

筱瑜:「嗯」

其實真係好低b，

係同佢先會咁樣玩

筱瑜:「係喎我掛住講添

我都要抄notes」

我:「係喎咁一齊抄」

抄抄下佢無啦啦講，

筱瑜:「識你咁耐未見過你用左手寫字嘅」

我:「梗係啦最近先練」

筱瑜:「練咩呀無聊鬼」

我:「我唔用左手寫字，

我隻右手點樣拖住你隻左手」

筱瑜:「低b」

佢話就話低b啫，

不過大家都知佢唔係咁誠實

聽完之後佢捉得更加大力

我就知道我以後喺度都要用左手寫字

可以一直嘅話。

新讀者留名
又怕sad end又忍唔到手去睇丁哥啲文
人真係改不了犯賤