[校園][純愛]《幸運星下的預言》(Ⅴ)

我有問過佢咁好笑係咪成日搞gag
點知佢好認真話唔係
呀余都證實
傑仔話佢由細到大其實唔明點解咁多人覺得佢搞笑
因為不嬲都唔講笑話

好在 筱瑜都無嬲 咁都好d 睇落都唔似

咁樣睇嚟 最起碼都應該捱到生日掛

笑死

其實大家可以至少等到幸運星出嚟，先扣番安全帶，而家可以輕鬆下先

好好笑又好on9點解會諗到

睇完腎仔故
好頹

真係好佩服傑仔諗得出呢啲嘢
唔知話佢單純好定蠢好
只要係傑仔做 件事就一定有好多笑點

傑仔真係一個天生好有幽默感既人

咁多位太敏感

睇落去就知

佢同我講返都好撚好笑

唔知呢

唔知佢

唔好頹

真係

後天好難學

我無呀

傑仔係好認真但做啲好搞笑好戇鳩嘅野
壹仔就好戇鳩地做啲好認真嘅野

你犀利

有時就咁諗都好好笑

訓咗一覺好啲啲

第九十八章
跟住就睇場波啦

又真係俾我符碌撞棍估中咗

初段對面打起上嚟真係有啲進退失據

望落去好似唔知點樣防守咁

講你都唔信，

我做埋啲咁嘅野

竟然真係對場波起到正面作用

我:「你望下我丫

一係唔做，

一做就立竿見影」

筱瑜:「最叻係你喇」

我:「咪住先你真係明」

筱瑜:「唔明喎」

我:「唔明你又講」

筱瑜:「你咁講我咪咁講囉

其實我都唔知有咩作用

唔通唔俾面你咩」

我:「識做」

我冇記錯去到半場嗰陣呢

我地領先大約八至十分嘅，

跟住老師都係循例講嗰啲野啦

咁樣咁樣打又話下半場點樣點樣

當然對手都絕非凡品

經過調整之後，

好快就打返出佢地原本嘅部署

一度追近至落後四分

原本都冇野丫因為重領先緊

突然之間出現咗一個轉捩點，

話說主席有一球跳高想搶波

點知落地嗰陣失平衡

成個人跌咗落地

嗰陣我就唔知咩事淨係見到佢跌低咗

同埋隻手摸住隻腳

跟住有人即刻嗌暫停，

在場嗰啲隊友就行埋去睇佢啦

跟住先知原來佢落地拗柴

唔好話跑行都有困難，

呢個時候Felix望住我

我就知大鑊喇今次

佢未出聲嗰陣個老師已經開口

老師:「傑仔落去頂喇」

我:「我都知依家冇人

但真係唔識打喎」

Felix:「主席打唔到架喇

得返你一個頂」

都唔知邊條戇鳩諗出嚟

有咩理由後備只係得一個

痴線嘅真係

咁冇計啦唔通唔打咩，

當然我都戴定頭盔先

我:「咁多位大佬多多包涵

真係唔識打嘅有咩閃失唔好屌咁大力」

佢地個個都話得啦

於是我就正式展開今屆自組籃球嘅生涯。

講真嘅落到場我真係唔想搞到人

即係唔想害隊友

你知啦場上面有十條友，

得我一個戇鳩鳩咁樣唔知做乜

其餘九個全部都係打慣打熟

於是我就問隊友邊個位唔重要

費事搞到佢地啦

跟住佢就話叫我喺前場就得喇

唔使我控波

等機會求其射啦咁樣，

咁我梗係聽佢地講

唔好笑呀有一球我真係執雞成功

喺籃底求其推上去

拎到兩分

跟住即刻望筱瑜

我就唔係好似拍劇嗰啲人咁樣

同佢做手勢又或者單眼

我都係比較內斂嗰啲男人

扮忍笑就算

佢反而開心過我

係咁俾手指公

真係好靚唔係講笑

不過唔可以掛住望因為入完好快就開返出嚟

踢波咪好囉啱唔啱先

唔會咁快開波

當然啦有個識打波嘅唔喺度，

我地就梗係下風啲

臨完場嗰陣終於俾人反超前咗兩分，

不過成班人就冇頹廢

都重係覺得有得追

跟住有幾條友喺度射

全部都撞框彈出，

無啦啦我就攞咗個波

嗰陣我自己都好認真呀

知道好快吹完場，

跟住聽到有人叫我射三分

佢話入面好多人喺度同埋落後緊兩分

搏一搏啦

咁我梗係講大佬冇把握喎

真係射

跟住就聽到佢地話係呀射啦咁樣

原諒我留意唔到邊個人講

因為真係分秒必爭，

於是我就係咁護住個波

一路行出去三分線，

當然都要睇住對手點樣mark我啦

你又唔好話喎，

嗰陣情急起上嚟真係爆發小宇宙

竟然可以擺脫mark我嗰個人

對面應該係搵個冇咁叻嘅跟我

擺脫到跟住就梗係起手啦

就算平時點樣唔投入都好，

喺嗰陣我淨係想呢球可以入到

一起手，

全部人不論觀眾定係球員，

佢地只係聚焦同一點

就係由我拋出去嘅嗰一球

一個都冇例外

入，

定係唔入呢。

唔係呢個位停呀