濕疹求救

皮膚好敏感，之前吸到少少tg之後
手摺位、頸、面就有濕疹，
次次出左汗同沖涼之後都好痕同好la，
想問下大家有冇方法止痕同埋令濕疹好轉，
唔想聽日去完維園之後r到爛哂

利申:已經有搽carun同埋類固醇藥膏

push

類固醇醫生開？ 你本身有冇濕疹？
利申 有濕疹最少十年

類固醇係醫生開但係搽左好似冇咩用
好細個嘅時候有，但係斷左尾起碼8年

摺位出濕疹係濕氣引起，千祈唔好補濕。如搽lotion及膏狀既野

類固醇無用啦，我以前用好多年越用越衰，之後副作用只會越黎越大

試吓戒蛋，奶同埋gluten
我之前都困擾左好耐上YouTube見到好多鬼佬都係咁
可以上YouTube睇下
好翻好多，當然我唔係好嚴重嘅濕疹

用小曼家族濕疹中藥配方淋浴露
加
膚立定 中藥膏
實測有用

我自己用藥詩好返，你可以自己fb搵下。
摺位，頸，面出真係唔好亂搽保濕，過來人經驗。

但係佢成日乾到出水，應該點算好？

膚立定係咩牌子？上網搵唔到

打錯 係膚立安
因為係中藥藥膏所以可以一癢就搽 千萬唔好R
記得沖涼用暖偏凉既水 水壓唔好太大 因為太熱同水壓太大 皮膚會頂唔順好痕
祝早日康復

出水正正係濕氣既表現，唔係有死皮就等於乾。濕氣重會漲起，紅腫，嚴重就會爆開出水。但附近位置可能都有好多死皮。
我開頭都係咁，以為自己乾，攪左好多年先知原來自己一直錯晒方向。
因為睇西醫來來去去都係俾類固醇，潤膚膏，豬油膏。全部都係保濕野。

同埋係藥詩嘅咩產品？呢款？

你呢啲情況同我以前一樣，所有膏狀既野都唔應該用（因為膏狀會保濕）
特別你已經出水同係晒摺位出。

係呀，我用呢隻。

支藥膏係咪簡體字包裝？我喺網上淨係搵到簡體字包裝嘅藥膏

聽日買嚟試試先，唔該哂

華潤堂就有得買

ok
唔該手足

類固醇一反彈仲衰左
我諗應該係tg啲粉抹刺激到急性皮膚炎 有啲手足都係因為tg搞到出疹
如果潤膚我推介舒特膚之後再揸一層花士令 但係好似聽日咁熱實出汗 最多都係用風扇不停吹再加全棉嘅布輕輕印下啲汗 唔好用力擦 行完即刻搵個廁所沖下水再揸cream

剪曬啲指甲到貼邊都有用
希望幫到你啦 維園見

維國見

園

西芹、大量香蜂草、蕁麻葉、
青檸/檸檬、螺旋藻、小麥草、莞莤、野生藍苺、紅花苜蓿 打汁飲

強力排重金屬 排肝毒
幫助修復黏膜皮膚淋巴

怕麻煩，
可以香蜂草、蕁麻葉、紅花苜蓿、蒲公英 沖茶代水飲

千其 戒蛋！奶！白糖！海鮮、發物、芥花子油、鼓油、防腐劑添加劑；
多食深綠色菜葉、
食天然農耕 而唔現代社會味精加工/ 雪藏n耐嘅僵屍扒/零食，
總之你諗得出 以前古人無得食嘅現代化學加工食品，就全部戒住先



————


上年秋天，全身除左腳指 手指 面 私人部位，
全身，係全身 由腳背開始發疹，
由細到大都唔係敏感體質，未試過有濕疹，
一日一日一直蔓延上頸，每日每夜痕醒 抓損 失眠，
亦試過連續好幾次肚屙，

當時懷疑同 搬入新裝修屋嘅氣體，
以及床褥大量大量噴左 外國購入 有爭議性殺蟎噴霧有關，
睇過中醫、養和特約、皮膚科名醫，
中藥、類固醇、抗敏藥、
完全無幫助，困擾左一個幾月，無見任何好轉跡象。



後來，
我灰無可灰幾近崩潰，
睇左兩本美國amazon排第一嘅食療書，
開始戒肉、戒上面講嗰堆、停類固醇
瘋狂吸入各種蔬菜，特別有機嘅最好，
一日三餐 只食白烚/蒸 加天然海鹽。
有機紅蘿蔔的、莞莤、露荀、白椰菜花 cauliflower 一大咋餐餐做餸膽，加其他蔬菜放題，
加日日叫工人姐姐幫我准備至少六種有機蔬/果
加 野生藍苺粉 螺旋藻粉 西芹 天然蜂蜜，攪灌機打汁 當藥飲，

一個月唔洗
好番 停左出 無再痕到每晚訓得兩三個鐘，
無泛濫成災，
好番曬 得番紅印

————

建議你地現階段要
減低肌膚敏感反應
排清體內致敏源

呢套係西方自然療法
我自己嗰時本著無希望心態盡地一搏
個個同我講濕疹好難斷 一有成世轉季有
So far 好番到今年呢刻 未有番發

沖涼方面 我用 手工金盞花皂，無印起泡網；
太痕時，凌晨訓唔到 我會用金盞花浸泡油 按摩代替 挖痕整損，
順著中醫人體肝膽經脈 推大腿 推淋巴，
以及頂住痕癢，係好轉中期，
日日 ，係日日去做45分鐘運動 bike/running machine 排汗。

上面係心路歷程，
頭一段個啲香草茶 每種都係針對皮膚、免疫系統、淋巴排毒，
嗰幾樣蔬果 亦係超級食物 排毒一流

作者叫 anthony william ，google 有中文電子版，
佢個人網站亦有食療分享，
佢個人評論有啲天方夜譚 我不予評論，
但真心 兩本書入面介紹唔同食物對症唔同證症 幫左我好多好多，

嗰時好驚成世女 皮膚咁樣 好崩潰，
但後尾諗番，呢套理論 其實同中醫 萬物同源，
透過食物嘅特性 有機物 去調番人體運作。
而唔係單依靠無機合化物去緩解壓止症狀。
就好似 雞係燥補、綠豆寒 解毒咁嘅食療，不過西方人有唔同體系。

個次好番之後 我頭一星期食番正常肉，茶記、煮家飯，
真係好開心，戒左咁耐，同時，
我唔知條舌食慣左淡定係咩原因，
開頭個幾星期，一食加工食品、雞精味精調味料嗰種假味，
一放落口已經食得出，覺得自己以前一直食緊咁咸咁假嘅野⋯
第一日食番‘正常’ 食焗番茄豬飯 仲屙到七彩

哎 心得分享 希望幫到同路人
希望大家可以好快好番個個健健康康

材料會不會係香港好難揾
就咁睇有幾樣都冇見過