今日(8月15日)警方宣佈由6月9日至8月15日為止共拘捕748人
不幸地我係748人中既其中一個
係依到想借一個機會分享下我係狗屋48小時既經歷
被捕後就上豬籠車車去狗屋.
去到狗屋 佢地安排左我地坐係一個蒸籠咁樣嘅停車場
之後見到其他一齊比人拉既手足
其它手足兄弟好多都手腳有唔同程度既傷口
有D更加個頭都流緊血既..更有兄弟隻眼角爆曬缸…
好快差佬就按排我地坐好等落口供
係等既期間 拉我既差佬都有同我R 水吹
大意都係話
你噤樣比人拉左好唔抵嫁
3年5年10年後會有人多謝你咩?
冇人會記得你嫁 傻仔
咩一個都不能少 呃你嫁渣
如果今次冇事出返去做返個好人
唔好再生事啦
我估依D都係公式對白啦
所以我都係HEA 下佢就算
係等既時候 我聽到唔少手足都要求CALL 白車 同要求打電話比律師
但差佬都係我地會按排為理由慢慢HEA 我地,
我估大部份差佬應該知道就算我地落口供都只會係”我無野講”
佢地為左慳時間都好坦白噤對我地講
你都係全部無野講嫁啦 唔好浪費大家時間啦
快快手落完口供
因為唔知要等幾耐先可以打到電話比律師安排見面
所以我地好多人最後都係冇律師陪同下去左落口供.
口供由CID落既. 佢地對我地既態度
當然就唔會好似TVB既刑事偵緝檔案入面噤有禮貌啦.
盤問既時候巨量既粗口同恐嚇就一定嫁啦.
不過可能我對佢地既粗口同恐嚇都冇特別大既反應
佢地覺得再玩我落去意義不大後
只係問左一句你會唔會解鎖你電話同係唔係之後都無野講嫁啦
我冷冷回左句我唔會UNLOCK 同無野講
之後就冇再盤問我啦.因為無野講所以口供都好快落完
之後就到影相同打指紋
當所有流程做完後我地一班手足就開始左係
停車場坐最多48小時既拘留時間
依家再睇真D 一齊比人拉既手足
我地都好年輕唔係大學就係中學生 但每人眼中都好徬徨
大家開始交流下大家因為咩比人拉
係佢地口中知道,大家比防暴制服既時候
就算我地已經比防暴噤底左係地下
防暴都係不停打好多棍先至肯收手
而且唔係一個..係基本上每一個被防暴制服既手足都有同樣既經歷
仲要好多手足只係中學生 佢地好擔心自己會唔會比人控告暴動罪
係依個時候我真係好心痛
心痛依個政府點解要一班10幾20既年輕人受噤既苦難,受噤既傷害
無論最後係暴動罪定非法集結都唔應該係依個年紀去受既
可惜我地就係林鄭政府眼中既, NO STAKE TO THE SOCIETY
破壞佢地收成期 破壞社會安寧既暴徒
慢慢律師開始接觸我地 差佬開始安排我地見律師
更加有手足SHARE 律師電話比大家
可惜既係由被捕到依家已經過左10幾個鍾
眼見手足面都青埋差佬都未為我地按排白車.
原因只係冇人手.....
最後係等左最少12個鍾後
終於有第一架白車既出現 但手足傷口上既血都一早乾曬..
最令我嘈底既係..手足要求打電話比屋企人
但差佬既回應竟然係唔比打電話比任何人
我地再問依個係我地既權利
佢只係再用極惡劣既態度回應我地話
我地唔需要同你地解釋 總之你地唔可以聯絡任何人
不過好幸運既係,佢地有主動安排水同三餐比我地
我地唔洗係冇水冇糧既情況下拘留30幾個鍾
到左另一日既夜晚一堆CID 攞住搜查令
叫名去名手足屋企搜屋 因為大部份手足都見過曬律師
都知道我地係有合法既權利 要有律師既陪同下先進行搜查令
可惜CID 當然唔會同我地噤講,佢地再三恐嚇我地
你地有權叫律師 但CID 係唔會無了期等你地
我地有搜查令就可以入屋 係唔需要等到你律師
但我堅持要等律師陪同先上去搜屋
所以要等到深夜先可以有律師陪同搜屋
搜完屋都已經係係狗屋坐左大約30幾40粒鍾
最後差佬未有落CHARGE 比我地噤多手足保釋
係依30-40個鍾我明白到差佬係無所不用其技去不斷地濫權去嚇怕我地年輕人
用唔同既不合法既規則,方法去剝奪我地既權利要令到被捕既示威者擔驚受怕
用對黑社會既盤問方法去盤問我地
但手足都只係一班未畢業既年輕人林鄭又點解要噤去迫害我地
我地行出黎既目的只係為左香港更好為左香港可以保有一直享有既
自由 民主 公義
由69開始 我地香港人面對無數
粒催淚彈
上過唔知幾多次街
不合作運動我地做過
三罷我地試過
全球登報我地做過
可以做既都做過
雖然中共同林鄭都係對我地唔回應
但我都唔可以因為噤就放棄
818 我諗748位手足
都好想上街支持大家
但我地都好難再行出黎
希望大家可以代我地748位手足
同離開左我地既6位義士
818 繼續行出黎
我知道大家會為我地行下去
最後， 手足一個都不能少
