asso year1走係咪真係咁難

Reg科要醒目就大家都明架啦，我覺得係SPACE入面真係好似係社會生存咁，要識得做人，姐係話唔係剩係識得死讀書，而係要諗定跟果個lecturer目的係咩，可能係俾分鬆手，可能係因為佢係Programme leader，對於自己教書同埋準則好穩定，佢要咩你做咩就高分，亦都可能因為呢個lecturer係你讀果科出名，Add 過佢果班之後可以問佢寫Reference letter。

Add Drop唔好怕洩底，儘量上晒自己想Add而未Add到既科，就算係已經add到果科都要睇清楚個lecturer咩料，同埋問清楚個遊戲係點玩，例如CA佔幾多，有幾多成係會俾Project影響，要留意一旦計分既嘢涉及到其他人，就要好小心要識得保護自己。首先當然要揀啱Project 既組員，如果有相熟既同學夾埋一齊，就最好一齊Add入同一班。留意下邊d同學坐係頭幾行，呢d同學會比較似係認真讀書既人，可以考慮邀請一齊做project，相反坐埋一邊玩電話果d就要自己小心，雖然咁樣係好偏頗，但係係我兩年生涯證明係方便而有效。

其實SPACE d lecturer係好好好好人，升到U發現無老師會肯落堂自己留低俾你問功課同埋project意見。我發現我遇到既lecturer都肯俾好有用既意見，如果佢覺得你個方向唔會攞到高分，就會一早提醒你，甚至會教埋路，所以肯問肯預備，就已經贏人地一半。

我既心得係真係要豁出去，因為讀Asso升唔到U就等於無讀，所以勤力真係好重要，但更重要係要醒目，要知道自己勤力既目標係為乜，唔需要做既嘢就唔好浪費時間，因為你已經唔夠時間。

另外又個有個貼士係我上所有堂都會錄音，因為人始終能力有限，同埋上咗一日堂，唔多唔少係會聽漏抄漏。我自己會係下一堂之前聽返段錄音，感覺好似有人幫我補習咁，一黎可以加強自己個short term memory，下一堂上堂會變到好似神童咁；二黎有咩唔明可以下堂問返，AA有好多科目都未必關Arts事，入面d知識如果搞唔清，就會越黎越亂，最後係連自己唔明係邊都唔知，咁就無人幫到你。

我認為搵到一個同你一齊打拼既同學係好重要，因為我地當時除咗互相鼓勵，其實暗瓦底係互相競爭緊，當我想懶或者想放棄時，諗起佢就會逼到自己繼續8點返library霸位溫書。我地兩個最後一齊入返HKU BA，到今時今日都好感激當時遇到對方。

加油啊，希望大家上到岸。

搏盡無悔。

按大概收到offer既次序排列：
PolyU English Studies for the Professions
CityU English Studies
BU English Language and Literature
HKU Comparative Literature
CUHK English Studies

同埋讀Asso就咪玩活動咪上莊啦，當時玩得呢D嘢既人全部唔知去晒邊，好似Offer都無，唔知係咪去晒讀果D自資嘢

走唔到...

唔該曬巴打
希望我都識到咁嘅fd
我幾個fd都year1走

我都係咁... 都係唔要ou走去讀cc 商科 好驚自己揀錯呀

Igcse

搏盡一定有回報架，記得大包圍報多幾間，Interview真係要準備好。其實我呢一世都無諗過會入到HKU，要我Retake DSE頂多入LingU，所以有d嘢真係好難講架，因為Asso我先知原來公開試Reflect唔到我能力。爆埋今年啦，就快收成啦

依家asso入u好易，ou根本你asso既gpa2.5都會收，我唔建議你入ou果d自資學校，你將會百分百會後悔

我當時dse19入撚左ou,之後好撚後悔，諗緊做咩為入大學而入。比d信心自己，你dse18分係asso黎加講肯定唔會差，asso只要夠努力，一定會入到u既

+1

我系17DSE，當年都係有OU offer吾要入HKCC，完全冇猶豫、後悔呢個決定。今年畢業啦，入返UGC！我身邊嘅朋友九成入返ugc

你入翻邊間

你sem1爆個4就會好想留係度讀埋落去

hkcc hm易唔易升返上u

Cityu

我識嘅人大多數都升返polyu，一句到尾都係睇GPA同埋interview

唔係
我sem1 GPA得3.5都有offer

Yr1走？

你係咪讀engine嗰啲？

我冇year1走，我year2 走升 year3。
其實我身邊好多人year1收到offer(佢地gpa 3.8以上）但都吾走，因為想留低駁三大
利申商科

係咪通常好多人要博唔到？