1989年8月23日波羅的海三國愛沙尼亞、拉脫維亞同立陶宛聯合發生左一次大型示威活動，共約200萬人手牽手組成長度超過600公里人鏈橫跨3國，史稱波羅的海之路（Baltic Way)。
是次示威顯示出波羅的海三國人民團結對抗蘇聯係當地自《德蘇互不侵犯條約》簽定後嘅不合法政權嘅決心。波羅的海之路於當年歐洲同埋世界各地造成巨大迴響同報道，其中一個原因係因為佢團結左3個唔同文化背景嘅人民去追求一個共同目標—將公義同自由交還比人民。作為3個比蘇聯控制嘅小國，波羅的海之路成功咁展示出小國點樣用和平手段喚起當地人民同國際關注。而呢個示威亦被聯合國教科文組織於2009年納入世界記憶名錄，以承認波羅的海之路係人類歷史嘅重要性同和平抗爭上嘅獨特性。
自1997年中華人民共和國接管香港後，歷任政權都由只有1200人嘅選委會選出。係缺乏民意授權支持下，歷任不合法政權選擇以漠視民意媚共政策處理香港內政。自六月起，港共政權強推《逃犯條例》引致連串示威集會及一連串警察濫權、失職、濫暴嘅不公義事件。事件發生至今，香港政府依舊與民為敵，拒絕人民要求，香港人有必要舉行一次有象徵性意義嘅集會去展示香港人團結對抗不合法政權同追求公義嘅決心。
今年係波羅的海之路發生30週年紀念，亦係巜中英聯合聲明》簽署35年，香港現今面對緊嘅問題同波羅的海3國當年面對嘅問題不約而同地相近，所以我想係8月23日係全港18區組成連成一線嘅香港人鏈，以示香港人嘅團結追求民主同對抗不公義嘅決心，亦可以透過呢個活動去連結香港同西方國家民主運動先烈。
相關link:
http://www.unesco.org/new/fileadmin/MULTIMEDIA/HQ/CI/CI/pdf/mow/nomination_forms/baltic_way.pdf
https://zh.wikipedia.org/wiki/波羅的海之路
https://www.youtube.com/watch?v=212E9CDVFJ0
第一次開Po同P牌求屌得細力啲
