小弟2016年曾經幫過某位得票54496票嘅現任立法會議員開街站助選,有見整個反送中運動中有許多政治素人出嚟幫手派文宣,有好多仔細位冇留意,以下提供我嘅心得。
民建聯咪撚入嚟偷師!偷師燒春袋!
一、街站選址
路不宜闊,否則好多街坊會繞過你行,冇人會拎單張。
人流要夠多。
公屋村口、行人隧道、行人天橋、地鐵出口首選。
不能走入私人地方派,睇地磚便可辨認。
二、人手分配
3個人已非常足夠。
2個人派,每人派一個方向,食曬兩邊人流。(專業少少,唔該唔好企正路中心,阻住人行)
剩返一個可以負責嗌咪/同街坊解說。
三、文宣size
不宜大張,A5 為佳,雙面印刷。紙質、黑白/彩色睇 budget 啦。
四、派單張過程
有街坊行過,以下三個動作要同步做
1. 鞠躬
2. 講「先生,麻煩拎張睇下」、「早晨,請關注香港人權狀況」之類,不宜太偏激,「光復香港時代革命」係大忌
3. 左手拎住疊文宣,右手單手拔出一張遞畀街坊,畀佢自己拎,唔好塞畀佢。留意拔出張文宣後,要即刻畀佢睇到D字寫乜,所以要順返佢閱讀嘅方向,呢步錯左會少好多人想拎你張文宣!
街坊拎左之後講聲「多謝」之類啦
五、 總結
我地切記要令街坊覺得反送中義士係一班真心為香港嘅好人,唔係暴徒。請手足著住黑衫開街站,黑衫係我地象徵。請禮貌對待街坊。出得黎行,預左畀人屌老母,大家無需要同班藍絲爭執。
大家必須有別於派地產傳單嘅阿嬸,唔好企喺路中心拎住張傳單fing嚟fing去,唔好追住街坊死纏爛打。
留意以上幾點,宣傳效果倍增。
香港人加油!