[有圖]有冇人有慢性風疹/蕁麻疹/風癩？救命呀

出左成半年都有，睇極中醫西醫都睇唔好，食完類固醇第日就即發，而加要靠每日兩粒萬寧嘅敏感藥過日子，唔食就全身出，好想死，工作戶外，日日都要日曬雨淋。
求神醫介紹

隔幾年發一次，朝早一個位起得好勁，晏晝同一個位就會無事，不過去咗另一個位，持續一兩日就無事

已經幾年係咁，我係要隔日食敏感藥

睇完皮膚科都無用，係食藥嗰排先無事

我細妹都係 見佢夜晚點都啪粒藥先訓 話驚夜晚痕醒 好慘 好似都幾個月

睇中醫 佢地控制病情有心得 不過預左要長期作戰

做多d運動岀汗 小飲凍飲

抗組織胺藥岀到第三代 效果我個人都覺得好d 小左副作用 無咁易口乾口渴

I know that feel bro

腸漏症

食小啲carbs, sugar
Or keto diet幫到你

好慘，我一開始係食一粒治敏速頂到一日，之後夜晚要再加多粒6個鐘有效嘅抗敏藥先搞得掂食到好灰，我問醫生我係咪冇得斷尾架啦，佢都答唔到我

而加香港仲要咁樣呢，大家都忙住發夢，心情已經好低落仲要痕痕痕，RRR，兩個問題都好似斷唔到尾咁

萬寧啲藥好貴，去藥房買啦

咩係腸漏症？
我上個月尾斬咗條盲腸就好有出少少風癩
不過唔太嚴重過咗幾日已經冇咩點痕

試過成個冬天都生 我明真係好辛苦
夜晚係特別易發 記得搽多D保濕 一定要成份好不致敏既 可以睇消委會推介個D
日頭用lotion 夜晚可以用油 (椰子油，乳木果油...等)

飲中藥有效舒緩 不過長期飲都貴

我自己就狂茶野 慢慢就冇事了

戶外工作記得要保持乾爽 抺多D汗

「「腸漏症」，指的正是食物沒有順利消化成小分子，若腸道又因使用消炎藥、經常喝酒或咖啡等因素受損，大分子食物便會透過受損的腸道壁黏膜或是細胞間隙，不斷滲漏到血液、淋巴液裡，而引起體內免疫球蛋白G(IgG)的慢性過敏反應，派出抗體到全身各處去追捕、消滅這些入侵者，從而導致體內各處有慢性發炎的情形，部位則是因人而異。 」


「當體內免疫系統發現這些不速之客（未消化完的食物），便會把它們認定為必須全數殲滅的外來敵人，就好像在對付細菌、病毒這些有害健康的物質一樣，從此開啟自體免疫與外來敵人（食物）之間的戰爭。這就是「慢性食物過敏」。 」


Google下幫到你
最快方法係食益生菌
包括所有發酵食物（無糖），例如麵鼓，希臘乳酪，納豆，水克奶克

改善飲食習慣 食藥最多令敏感反應減低但唔代表唔會反發
多做運動 出多d汗 增加氣血循環 過多排再睇下點~
最後個句~控制心理盡量放鬆

可能係食咗一段時間抗生素
Thx大佬

睇中醫
調理 戎口 運動 飲食控制
可減少發病

維生素b群。好似有幫助 請自行fact check

同埋千奇 唔好R 佢
靠
死忍 同 凍水

穿通風衫

已生8年，出汗 吹風 涷都會出，已經唔撚想理佢

我都係呢個月無啦啦有 好辛苦呀頂今日先睇完醫生。。。

宜家都㾗緊

本人食左8年抗組織胺了，雞蛋，味精，麈蟎過敏

剛剛見到有人講腸漏症，打算試下食益生菌

西芹、大量香蜂草、蕁麻葉、
青檸/檸檬、螺旋藻、小麥草、莞莤、野生藍苺、紅花苜蓿 打汁飲

強力排重金屬 排肝毒
幫助修復黏膜皮膚淋巴

怕麻煩，
可以香蜂草、蕁麻葉、紅花苜蓿、蒲公英 沖茶代水飲

千其 戒蛋！奶！白糖！海鮮、發物、芥花子油、鼓油、防腐劑添加劑；
多食深綠色菜葉、
食天然農耕 而唔現代社會味精加工/ 雪藏n耐嘅僵屍扒/零食，
總之你諗得出 以前古人無得食嘅現代化學加工食品，就全部戒住先



————


上年秋天，全身除左腳指 手指 面 私人部位，
全身，係全身 由腳背開始發疹，
由細到大都唔係敏感體質，未試過有濕疹，
一日一日一直蔓延上頸，每日每夜痕醒 抓損 失眠，
亦試過連續好幾次肚屙，

當時懷疑同 搬入新裝修屋嘅氣體，
以及床褥大量大量噴左 外國購入 有爭議性殺蟎噴霧有關，
睇過中醫、養和特約、皮膚科名醫，
中藥、類固醇、抗敏藥、
完全無幫助，困擾左一個幾月，無見任何好轉跡象。



後來，
我灰無可灰幾近崩潰，
睇左兩本美國amazon排第一嘅食療書，
開始戒肉、戒上面講嗰堆、停類固醇
瘋狂吸入各種蔬菜，特別有機嘅最好，
一日三餐 只食白烚/蒸 加天然海鹽。
有機紅蘿蔔的、莞莤、露荀、白椰菜花 cauliflower 一大咋餐餐做餸膽，加其他蔬菜放題，
加日日叫工人姐姐幫我准備至少六種有機蔬/果
加 野生藍苺粉 螺旋藻粉 西芹 天然蜂蜜，攪灌機打汁 當藥飲，

一個月唔洗
好番 停左出 無再痕到每晚訓得兩三個鐘，
無泛濫成災，
好番曬 得番紅印

————

建議你地現階段要
減低肌膚敏感反應
排清體內致敏源

呢套係西方自然療法
我自己嗰時本著無希望心態盡地一搏
個個同我講濕疹好難斷 一有成世轉季有
So far 好番到今年呢刻 未有番發

沖涼方面 我用 手工金盞花皂，無印起泡網；
太痕時，凌晨訓唔到 我會用金盞花浸泡油 按摩代替 挖痕整損，
順著中醫人體肝膽經脈 推大腿 推淋巴，

以及頂住痕，係好轉中期，
日日 ，係日日去做45分鐘運動 bike/running machine 排汗。

上面係心路歷程，
頭一段個啲香草茶 每種都係針對皮膚、免疫系統、淋巴排毒，
嗰幾樣蔬果 亦係超級食物 排毒一流

作者叫 anthony william ，google 有中文電子版，
佢個人網站亦有食療分享，
佢個人評論有啲天方夜譚 我不予評論，
但真心 兩本書入面介紹唔同食物對症唔同證症 幫左我好多好多，

嗰時好驚成世女 皮膚咁樣 好崩潰，
但後尾諗番，呢套理論 其實同中醫 萬物同源，
透過食物嘅特性 有機物 去調番人體運作。
而唔係單依靠無機合化物去緩解壓止症狀。
就好似 雞係燥補、綠豆寒 解毒咁嘅食療，不過西方人有唔同體系。

個次好番之後 我頭一星期食番正常肉，茶記、煮家飯，
真係好開心，戒左咁耐，同時，
我唔知條舌食慣左淡定係咩原因，
開頭個幾星期，一食加工食品、雞精味精調味料嗰種假味，
一放落口已經食得出，覺得自己以前一直食緊咁咸咁假嘅野⋯
第一日食番‘正常’ 食焗番茄豬飯 仲屙到七彩

哎 心得分享 希望幫到同路人
希望大家可以好快好番個個健健康康

前兩年都生過蕁麻疹，個人病例分享：
果時唔知點解無啦啦就癢，起疹，短則4個字就散，長則成晚都癢到癲訓唔到。
睇開個醫生係咁講：關免疫系統事，唔知點解身體突然click著左個掣對某d 野敏感，無得話熄就熄，所以當時只可以開藥比我起疹時食。
最後靠自己早d 訓，半年左右好番晒

食左幾年治敏速
之後冇啦啦好返