每次活動, 會唔會一早講好個目標同戰術?
例如人少就和理飛, 搞宣傳, 唔好主動塞, 人多就自然塞, 乜都唔駛做
好多時D人出到嚟, 一盤散沙各有各碌手機, 都唔知想點咁, 一俾人亂帶風向, 就不戰自亂, 自己撚自己.
用共知的行動守則嚟反滲透
rules of engagement =/= 軍規, 你當佢係行動守則, 每次活動的行動守則都可以有修改以適合目標同戰術, 例如唔好阻記者/消防/救護, 市民影相要有禮貌咁講多謝支持, 面對防線時, 幾時先做乜, 幾時先升級, 幾時散水, 搵到鬼要點做? 起底? 包圍? 孤立? 定趕佢走?
違返共知的目標, 戰術同行動守則, 如無事無幹自己碌去前線玩火擲嘢主動挑釁, 周圍影人大頭, 講好唔去北角, 佢就係咁話要去, 咁好幾時要散, 佢就係咁話要留等你地陪佢送頭, 即係話俾大家知佢係鬼.
咁D鬼都知你地行動守則, 為咗唔穿煲盡量不去做出破壞行動守則的行動, 就算佢搞事想帶風向都會冇人理, 變相會限制咗被鬼滲透的破壞力.
自己組織同保密做好D, 就唔駛成日驚鬼, 要捉鬼玩分化咁晒力氣, 可以專注做要做的事.