警察員佐級協會及個別警察(有片拍到)多次公然侮辱市民係曱甴前者仲發聲明,係咪警隊內部有風氣,刻意將市民去人化,合理化公然施酷刑及企圖殺人當殺曱甴?殺害蟲?
以往極權國家,納粹德國,同非洲盧旺達都有將市民物化為曱甴歷史,25年前胡圖族屠殺咗一百萬圖西族人。你哋手握公權力同致命武器,同示威者不同,可合法殺人,當市民係曱甴,係戰時納粹罪行。點解你哋警察高層縦容警察廣泛咁叫市民做曱甴?你哋經常上內地「交流」,有合理理由懷疑當市民係曱甴係內地嘅思想教育,請你正面交代!
唔好同市民講,你哋都有話我哋狗,警犬!一來你哋手握公權力同合法殺人權力及致命武器,必須絕對受嚴格制約,二來你哋係係紀律部隊中最高薪,well paid for it ,警隊訓練中,唔係包括受侮辱後仍要保持專業克制咩?否則市民好危險。
作為警隊高層,縱容警察當市民係曱甴(唔好同我講激進示威者就可以當曱甴,就算重犯都有基本人權,何況佢哋未定罪未上法庭!),你點解釋?唔好話只係個別用字?!
https://www.thestandnews.com/politics/%E7%94%B1%E4%B8%80%E9%9A%BB%E6%9B%B1%E7%94%B4%E5%88%B0%E4%B8%80%E7%99%BE%E8%90%AC%E4%BA%BA%E5%B1%A0%E6%AE%BA/