討論機場戰線策略必須了解3件事
1.
唔會有咁多人可以永遠留守
我明白好多人都深信只要人多就可以乜都做到
我同意啊！
但係事實上係香港人夜晚會返屋企瞓覺，聽朝準時起身返工
所以我只係喺殘酷嘅現實上討論可以做到幾盡
喺咁嘅情況下，就必須接受「復飛」係輕易而舉之事
唔好再覺得「復飛」等於「輸咗」
好似hit and run完紅隧
難道佢通返又當自己「輸咗」？
情況係我哋已經令佢停飛
給外媒子彈 憾動到一下經濟
已經贏咗
2.
有見及好多焦土派戰友覺得散水係錯失攬炒良機
我覺得機場戰線本來就好難成為焦土戰場
香港航空暫停的確會影響經濟
但我唔相信足夠動搖政府跪低
所以終極結果都只係黑色旅遊警示
外媒放大報導
最後期待外國外交發言
（但能影響外資機會極低，最多叫國民暫時唔好前往香港旅遊）
所以係咪真係可以達到「攬炒」成果我有所保留
各位有相關supporting可以分享
3.
旅客及機場職員必須同時與示威者同在
佢哋係手足最後嘅保護防線，亦係狗會唔會行動嘅關鍵因素之一
（等同高級街坊）
狗係有大量旅客嘅情況下出tg或者圍捕嘅機會較低
嗱不過唔係冇
只係機場始終係機管局做莊
雖然佢哋都係蛇鼠一窩
但啲狗要郁手都要配合機管局確保旅客安危先可以行動
所以我嘅建議係：
繼續逼爆機場導致停飛，但留意最後嘅arrival flight時間
呢個係關鍵嘅時間點，亦都係個默契timing
（例如20:45係最後一班arrival flight）
大部份示威者就必須喺呢個時間之前離開
重申 不是全撤 不是全撤 不是全撤
而係盡量有默契地回復往日機場示威人數
（即係大約佔全個arrival hall B）
原因有三
1. 如果狗出嚟咬人或放tg，喺記者角度可以大造文章，質問點解咁少示威者喺冇任何衝擊情況下，警方會一反往日常態，作出驅散或拘捕行為
2. 減少犧牲人數，確保少pain有gain
3.江狗喺記者會大大聲講
「之前幾日機場嘅示威，你哋記者有冇見到我哋警方干涉？冇！所以只要示威者冇進一步升級，我哋都唔會有進一步行動。」
當然狗吠不能盡信
但可以視作參考
即係就算最後乜都冇發生，冇狗出嚟，咁起碼我哋no pain
最後想分享一點
走定留唔係睇有冇狗
所以啲news fake唔fake唔係重點
係要視乎自己呢一邊嘅情況
首先要明白，機場同街邊唔同，唔係有狗就一定會發生驅散行動
咁狗幾時會行動？佢哋都係睇我哋情況
所以，喺機場戰線嚟講，主導權喺我哋到，人數多寡係靠我哋默契
不過，前題係大家必須明白各位手足大家都有唔同諗法
有人想焦土就自然想引狗出動
有人想保護手足就自然想散水
咁大家最初嘅目的唔同就冇得傾個一致性㗎喇
我嘅建議只係希望喺最低成本之下贏最多籌碼
唔代表no pain