有種關係　叫做中環同將軍澳間嘅距離

「你住邊？」
「我住中環。」
「咦，乜中環住得人㗎咩？」
「係呀……咁你住邊？」
「我住將軍澳。」
因為呢段同補習社男仔嘅對話，Amy先知，哦，原來中環係住得人嘅。Amy腦裡嘅中環，只係小學參觀過嘅立法會、好貴嘅IFC、仲有果個佢仲未夠秤去蒲嘅蘭桂芳。 原來中環除左平時返工既白領同埋星期六日成街嘅菲傭，竟然會有人起居生活。Amy諗到有人街坊look踢拖咁係中環走黎走去，忍唔住偷笑。

其實佢唔知嘅仲有好多。
中環跟將軍澳之間的距離，好像剛好容許到相互的傾吐。 (曾梓洋攝) 中環跟將軍澳之間的距離，好像剛好容許到相互的傾吐。 (曾梓洋攝)
從補習社的Cindy Ma和 Peter Wong說起

中四開始，Amy跟住家姐嘅步伐，報咗一間喺佐敦嘅補習社補英文。對於住將軍澳，中學同所住屋邨不過3分鐘步程嘅佢，40分鐘既地鐵歷程就似場歷險咁好玩。原來由油塘搭去北角果4分鐘，佢就過左個海；然後由金鐘上返去尖沙咀，只需2分鐘，佢又過左同一個海。點解同一個海， 要分別用4分鐘同2分鐘？ 到而家佢都唔係好明。

呢間小班教學嘅補習社好出名，嚟嘅都係名校學生。嚟自將軍澳屋邨學校既Amy第一次識咁多聖乜乜聖物物既學生，原來喇沙拔萃既人講野真係串啲，又原來其他學校啲人會將英文名同英文姓一齊咁稱呼人，好似Cindy Ma同Peter Wong咁，佢覺得好好笑。佢間屋邨學校， 只會叫人肥頭、豬肉同大麻成。英文名基本上大家都亂咁起，曾經仲有個同學叫自己做Christmas，話反正都冇人會叫你個英文名。

補習班上面有個男仔叫Daniel Chong ，黑黑實實，個樣鬼鬼地，讀港島男女名校。Daniel 確實靚仔，一開始已經好多女同學注意佢， 甚至連Drama Queen補習社Miss 都最鐘意搵佢開玩笑， 用佢個名嚟做例句解釋英文句式， Daniel又好似cool cool地咁，每次都係「chok」出一個不置可否嘅表情，但又有種自自然然嘅尷尬。

家庭月入排第三既將軍澳
俾人講到鄉下咁

好近wo ching

流浮山同寶琳又叫咩？

流浮山同寶琳又叫咩？

寶琳：邊陲地

唔知點解睇完好憂鬱

唔知點解睇完好憂鬱

有無人有同感

個心那住那住

流浮山同寶琳又叫咩？

寶琳叫將軍澳
坑口叫將軍澳
調景嶺叫將軍澳
康城叫將軍澳
康盛都叫將軍澳

地鐵將軍澳去中環唔洗半個鐘已經到啦喎

利申 住將軍澳

同埋將軍澳新樓盤(特別係望海)啲價位都唔低

家庭月入排第三既將軍澳
俾人講到鄉下咁

有錢唔代表唔係鄉下

明哂
中環=鄉下

冇以前 新界《—》港島咁好笑！

地鐵將軍澳去中環唔洗半個鐘已經到啦喎

利申 住將軍澳

唔洗廿分鐘到銅鑼灣

其實講到真正唔到，要去到半山區先有，果種氣質唔係D偽豪宅可比！

幾時出天水圍同小西灣

原來將軍澳鄉下唉，咁其他區叫乜

香港地，港島以外的地方根本就係鄉下！

早晨