https://www.gofundme.com/f/standwithhk-international
G20團隊回歸與攬炒團隊再次聯手
今次眾籌係8.11 緊急狀態應變措施 —— G20團隊決定回歸並聯同攬炒團隊，發動8.17/8 全球登報眾籌及後續反擊戰。
暫定目標：100萬美金 (780萬港幣)
此外，緊急呼籲海外港人，不限英美澳加紐，於8.17大規模遊行，以攻代守，回應港共8.11戰爭罪行及呼應8.16 學界攬炒國際戰線集會。
事態有幾嚴重？
首先，香港人 已經進入緊急狀態。6.9 至今，我地香港人所受既暴力非人道對待，已經遠超文明社會可接受範圍。
由6.12到7.21，再去到8.11，香港政府不斷暴力鎮壓，殺害指出問題既人，而唔係解決問題，令香港人陷入長期緊急狀態。
有見及此，我地香港人有必要立刻引起新一波國際迴響；爭取全球圍堵、制裁香港政府官員、保皇黨、警察戰爭犯，同依班賣港賊攬炒！
截至8.11，警黑暴力已經到達恐怖襲擊﹑戰爭罪行程度：
- 喺地鐵站放毒氣，日本係曾經叫做沙林毒氣恐襲。
- 近距離開槍射人﹑射爆人眼，喺國際層面，係叫做軍事處決。
- 而無差別攻擊，更可以被歸類為恐襲。
你願唔願意放任 港共包裝佢地既戰爭罪行做「最低武力鎮壓暴動」？
第三次眾籌同過往分別喺邊?
G20眾籌，由G20團隊發動，目的係向國際社會，趁G20表達送中危機同影響。
中英聯合聲明眾籌，由攬炒團隊發動，為認真開辟英國戰線籌集必要資金；至今仍然奮戰，尚未停止、休息。
而今次眾籌，係再度將行動升級，由G20團隊復出同攬炒團隊合作：
向全世界揭露香港政府如何不擇手段鎮壓異見人士、動用化武無差別攻擊市民、一米距離開槍襲擊殺市民
攬炒團隊打緊英國戰線，而學界亦準備開美國戰線；我地希望全港市民一起呵成，火力全開全球戰線，突破困局！
今次眾籌，行動暫定分為兩輪:
Wave 1
8.17/8 全球登報揭露戰爭罪行
Wave 2
適逢8.31無理框架空降一周年，以及各國九月議會開會，我地會嘗試發動不同行動，爭取各國同時制裁港共一干人等之戰爭罪行。
因為計劃有兩輪(多元化)行動，暫定眾籌目標為：100萬美金。
達成100萬美金後，溢出資金會令我地有更大空間同港共周旋。
餘額定必捐贈予有需要團體，絕不中飽私囊。
注意，今次眾籌單位係美金，而Tips請填$0。
海外港人聯手
最後，我地緊急呼籲全球，例如英美澳加紐德日等地朋友全力於8.17 舉行集會/ 遊行
以求支援8.16 由學界攬炒聯合舉辦既「英美港盟，主權在民」遮打集會，推動英國確認中國違反《中英聯合聲明》及英美制裁香港官員！
大台疑慮
攬炒堅決反對成為大台；全力支持G20團隊回歸同學界掘起，共同喺國際戰線對抗港共、中共。
（攬炒團隊視摧毀自己為最終任務。）
此外，依個post本來由G20「家樂牌通心粉」巴打出。礙於時間緊迫，先改為攬炒account出。
香港人，寧化飛灰，不作浮塵！
