我地係尋日朝早10點先收到不反對通知書結果，然後就要係兩日內超級趕急咁將一個遊行改成集會，中間重要同義務律師團隊一齊處理上訴事宜，所以非常抱歉，聽日維園集會將會係史上個台最細既集會，因為我地實在趕唔切亦冇錢去安排搭台同音響，只可以問團體借器材用，但係始終規模有限，我地班搞手而家重通宵排緊集會Rundown搵嘉賓，希望大家可以體諒。
聽日維園會係全香港唯一一個有不反對通知書既場，如果大家身邊有親戚朋友係和理非/唔可以承受法律風險既話，請你叫佢地黎維園，冇錯一個集會其實做唔到啲咩，但係至少可以俾一個機會佢地繼續企出黎，至少可以俾前線知道重有好多同路人係佢地背後支持住佢。
如果其他朋友係呢條民主路上行到攰，需要退落黎重整一下，歡迎你地黎參加維園合法既和平集會，記住，維園既我地就係你地最強大既後盾。
港島東集會
日期：2019年8月11日(星期日)
時間：下午1點至5點
地點：維多利亞公園4至6號足球場
撤回送中惡法
收回暴動定性
追究血腥鎮壓責任
停止檢控抗爭者
立即實行雙普選
五大訴求 缺一不可
