有次上堂咁啱聽唔到個呀sir有句嘢講咩，然後當然問返佢。
佢一句就飛埋黎：「唉屌！人地頭先講緊嘅時候你做乜鳩呀？」
然後極不耐煩咁答咗我幾句。
我心諗，我咁啱聽唔到啫，唔洗咁嘅態度呀？我係你「朋友」唔係你下屬呀⋯⋯就算唔係朋友都係同學吖。
有時做錯少少嘢嘅時候又會比佢屌，例如：有次上電腦堂唔小心㩒錯咗個制，搞到個介面唔同咗。跟著我問佢點樣整返好佢。然後佢就毫不猶豫咁人身攻擊你：「你老母！你係咪智障㗎？拎個mouse嚟啦！」
然而，最搞笑嘅係佢自己聽唔到或者做唔到就得，到人地聽做唔到嘅時候就屌到人反皮。
簡單講，啫係「嚴人寬己」。
可能你會話，人地當你係真心朋友先咁真，但sorry，其實唔係同佢好熟，只係識咗幾個月，同埋無論佢對住邊個都係咁，甚至啱啱識嘅人。
我知你好撚醒，好撚勁，覺得全世界唔識你識嘅嘢就係智障，但我依家唔係返緊工，我唔需要受你氣，日日對住你呢啲「智將」，個腦又要快速運行真係好攰。人同人之間溝通修飾下，禮貌少少真係唔得？我唔想當面屌佢或者同佢反面，因為仲有幾年要對住佢。
大家身邊有冇啲咁嘅人？會唔會覺得好辛苦？？？
利申：只係想發洩一下，同埋想巴打們遇著呢啲人會點？
因為反左而家係班到都好多事發生
