(和理非全面升級)星期五，日0消費！

天祐香港人 · 2019-08-09T16:00:36+08:00

在某一個時期英國曾經搞過一個運動叫 “ bye buy day ” ！即係每一星期選一天和理非拒絕/完全唔消費黎對抗政權，令當時經濟下滑。因為市民唔消費，政府係吹佢唔漲，最後係有成效！原來如果人多唔消費，係可以令成個社會經濟出咗重大變化，當然所講嘅要人多啦！香港作為一個金融城市，最大既勢力唔係官警黑鄉，而一定係商。抗爭兩個月以來，政府一直以冷處理應對。今日好明顯政府已經射左個波俾警，而大家都消耗左好多時間同資源落去。而對因修例爭議而生既傷者同死者一律無視，然而於8月5日罷工日卻有所動搖。可見如今令政府所考量既只有經濟。而我地希望今次既升級係直接劍指番政權，由和理非都可以做到。與其塞鐵，塞路，我地由源頭做番起。罷買，到時候，有鐵，通路，大家番到工，但無客，12個鐘白做。持續一個禮拜，兩個禮拜，一個月。到時候商家就會諗，呢一日開鋪係擺到明蝕燈油火爉。演變每星期五成為指定罷工日，而唔需要我地做野。罷買既意思係連必需品，食物都係前一日買定，甚至乎你番工番學希望帶飯盒，車費不必要都唔好支出。務求做到逢星期五盡量0消費，去做出一個最大既效果。 200萬人罷買，每人 100蚊就無左 2億一日，連罷工都有 35萬人響應，呢項成本低好多。同埋對抗我地既人依家最需要既, 係水喉。當佢地要水,我地更加要封井 ,請大家思量一下。有人會想星期五relax一下,但正因為太多人呢個心態,我地揀呢一日係最為顯著。當然呢項措施係直接影響經濟，但有人連自己條命都犧牲左 ,我覺得我地要盡我地最大努力。但呢場運動咁多人作出左咁多犧牲，我願意犧牲一下我既物慾去換番我地眾多既義士，你又願唔願意？星期五、日罷買不一定等於在其他日子會抵消罷買效果。罷買是一種集慣，週期性實施是習慣養成的方式。罷買目的是減低消費，用打壓經濟方式向政府施壓，當然平日你想響應更多罷買日亦不需要等於完全零消費。日用品始終需要，但罷買運動將同時呼籲大家同時慢慢習慣抵制無良商戶，只買良心店舖。 (此部分將連繫抵制APP 自由篩 https://lihkg.com/thread/1423228/page/1 ) 。亦希望演變成更多實質性既活動。 (此部分將連繫SHK嘆冷氣活動 https://lihkg.com/thread/1425424/page/1 )。罷買運動主要對象是，想出一份力，但又不能上前線，有消費力的working class。如果香港有200萬人=1/4人口每星期少3日購物, = 1/4*3/7 = 少10% 營業額。香港本土特色是地貴租貴，令做生意，零售行業尤甚，的固定成本（fixed costs）很高。例如太興，可能營業額有25%用於材料，20%鋪租，30%人力，營業利益率（operating profit margin）=25%。如果一個月少10%營業額，operating profit 就會減少30% (-25% 變動成本variable cost)。店舖收皮，即業主，連同其他service providers (e.g. 建築, 供應鏈, etc.)都將受重大影響。罷買只要迫到零售收皮，成個香港經濟都會倒退，而只為利益不為政治的人都會開始不滿政府。更加有學者研究指出，罷買只需要當地嘅 3.6% 人口。以香港而言，只要全港 252,000人集中一日不消費，商家佬就仆硬街了。 (我地罷工果日既參與人數有 350000+ ) 當然好確定會正式影響到香港經濟既時候,政府就要考量下要做千古罪人定係要回應我地五大訴求。參與罷買者的好處 1. 香港消費貴，養成罷買習慣減低消費，同時能夠建立良好儲蓄習慣 2. 捐助左立場/其他媒體，買飯票，其他支出可以用呢日recover番 3. 係幫助到我地前線最大既武器最後，原先只為想搞星期五一日,但係好多人覺得當星期六日佢地唔敢出去既時候，都可以出到一分力，所以增添左一個星期日。但我個人黎講絕對唔想見到發夢人士因為響應運動而中暑或者其他問題衍生，所以星期日希望大家因應自己既活動而決定參與與否，無辦法參與無人會怪你，而好多人會感謝你。參考bye buy day由一眾網民發起既日，五罷買正式由811會作一個開始希望大家盡力幫手宣傳及響應。以下為文宣圖。

姐係咁 2019-08-09 18:30:49

Push

麻芝菇 2019-08-09 18:31:47

不消費

真心膠123 2019-08-09 18:32:13

親子王國國王👑 2019-08-09 18:32:14

淒涼司 2019-08-09 18:32:22

推

豬師奶 2019-08-09 18:32:46

推

Forestrr 2019-08-09 18:33:01

推

溫妮正到仆街 2019-08-09 18:33:15

本身就冇錢消費

究竟改咩名好 2019-08-09 18:33:26

推

有所不為 2019-08-09 18:33:26

push

傑志總領隊 2019-08-09 18:33:35

除咗自己做
亦要send俾其他人
唔係個個有上連登

猶不欲歸 2019-08-09 18:33:37

push

絕對無力 2019-08-09 18:33:43

推

大慈大悲咒 2019-08-09 18:34:04

push.
零風險又慳錢

天祐香港人 2019-08-09 18:34:27

罷工果日就有350000+,呢樣低成本咁多

兜風去吹風 2019-08-09 18:34:31

現在日日只花費係普通同坐車。。。睇戲，唱歌，買衫無謂野全cut....

168絲打 2019-08-09 18:34:41

日用品可買返
第一要做到noise所以要集中星期五同日
第二要由兩日開始養成習慣唔買多餘野
有心力可自己0消費多一至兩日

Village_Dali 2019-08-09 18:34:52

推

傑志總領隊 2019-08-09 18:34:59

可能要連續三天實行難度太高

揹著個海行路 2019-08-09 18:35:20

講真我呢兩個月除左食飯搭車真係無消費過，心情太差

應該點算好 2019-08-09 18:35:53

機不離手 2019-08-09 18:35:58

試試佢