與怪物戰鬥的人，應當小心自己不要成為怪物。當你長久凝視深淵時，深淵也在凝視你。
放核彈都唔割蓆！呢兩日有好多反思post，除咗好少數之外，我相信大部份都係真心為呢場運動著想。絕對唔係割蓆，只係想手足保持警剔！
1. 愈係憤怒，愈係要冷靜，我地同狗嘅分別就係我地為正義而戰，如果我地嘅行為已經變咗不義，咁同狗有咩分別？點樣為之正義？正義就係只針對不義之人，唔可以傷及無辜。就算幾嬲都好，手足之間都要互相安慰同提點。就算幾嬲，都唔好傷到路人，唔好破壞到他人財物，當然唔係叫我地綁手綁腳，但大家都明，就係唔好為洩憤而破壞。
2. 保持氣度。呢兩日都有人講，有D街坊影相，有手足會好激動咁叫人唔好影相，動輒就屌人老母。但老老實實咁樣唔單止冇作用，仲係敗壞緊我地形象！出得嚟戴口罩保護自己係基本責任，我地亦都冇可能阻止所有人影相。如果要計，記者先係全程影到示威者嘅人，我地係咪要屌記者老母呢？喺將軍澳遊行終點嘅單車公園，有個阿嬸著黑衫，應該同仔女一齊遊行完，喺單車館嗰度影下人群，我認為係好正常嘅事。畢竟對佢地嚟講係新鮮事，分享俾朋友睇仲可以幫手宣傳。但係坐喺階梯嘅手足，就好大聲好惡咁屌鳩佢，見到個阿嬸真係嚇到呆咗仲成身震咗震，佢仔女係咁say sorry。而尋日北角，有個鬼佬見到成街黑衫示威者嗌口號前進，就影下相，跟著就成堆人衝去鬧佢叫佢唔好影相。有人仲即刻開遮隊向佢面前，有人就好D叫佢please don't take photos。我見到個鬼佬係滿面不悅。
呢D可能係小事，但不斷累積就真係會丟失好多人嘅支持，亦都令到我地嘅形象變到好似黑警咁惡形惡相。咁樣屌人唔好影相作用不大，仲會帶來損失，真心覺得可以避免。就好似有巴打提過，我地只需要好聲好氣咁講「唔該唔好影相」，「麻煩你唔好影相」。正常人聽到都會識做啦，屢勸不改就開佢波。當然，匿喺示威者中間鬼鬼祟祟影大頭嗰D就直接打柒佢！
見到呢排大家都好緊張，草木皆兵風聲鶴唳。呢個就係共狗想做到嘅效果，因為太過情緒繃緊唧軍隊最易犯錯！而且，只有敗軍先會係驚弓之鳥，幾時見過士氣高嘅軍隊係小小嘢就好大反應？
3. 單單有民意唔可以令我地贏，但冇咗民意一定會令我地輸！而家我地成日強調be water，打遊擊。遊擊戰最重要嘅嘢唔係敵進我擾嗰十六個字，而係紮根群眾！遊擊戰能夠做到機動靈活，全靠人民提供掩護同情報，更加唔好講物資金錢嘅支援。有好多中立或者係淺黃嘅街坊都係因為見到我地一直以來建立嘅好形象，先至支持我地。街坊屌狗已經顯示咗民眾係最強嘅武器，亦都係最強嘅後盾。試諗下，無論你想衝擊定做和理非嘅經濟行動，冇哂民意嘅時候，冇人響應冇人跟機，甚至同你對著幹，就會處處受制，事倍功半。事實上，共產黨開始發達同正規起來，就係喺佢地取得根據地，深入民眾時開始，甚至有幾多老百姓為咗掩護共產黨而犧牲。
我唔係話我地要綁手綁腳，驚俾人話用暴力。2014年嘅教訓唔會再犯。但係我地一定要營造我地正義之師嘅形象。大義唔可以當飯食，但亦都不可或缺。就算係共狗都要披著羞布啦，唔通我地仲強過共狗？我地嘅行動要有理有節，用武力都要有理據。最重要嘅一點，唔可以無差別攻擊。上次燒紀律部隊宿舍，真係可能傷及無辜！因為可能有消防救護喺度住，而且雖然話禍必及家人，但燒到警察嘅老婆仔女我地一定會大失民心！燒警署就真係針對緊狗，我完全不反對。黑社會嚟挑釁，就梗係打到佢仆街。學中國口交部話齋，我地不惹事，亦都不怕事。打黑社會真係唔驚會失民意。大家知唔知道日本赤軍嘅事，變質嘅運動，搞到而家日本社運幾十年一蹶不振！
所以，大家唔可以太顧民意，但亦都唔能夠完全唔理民意。
4. 手足之間請勿互屌！我地嘅優勢係多人冇大台，但同時亦都係最大劣勢，人多口雜。人人性格想法不同，就容易有衝突。有時見D post屌同路人屌得仲狠過對中共，真心會令同路人心寒。本身連登都好多五毛，只要推波助瀾，我地就會重蹈覆轍。呢五年嘅教訓仲唔夠深刻咩？永遠記著我地我弱勢，而弱勢者沒有分裂的本錢！老老實實呢一方面狗真係贏我地成條街，人地真係手足互助。平時圍內點我地唔知，但至少唔會俾人見到內鬥咁樣衰！不斷互相傷害真係會好泄氣！大家以後客氣D，見到語氣不善/惡意攻擊嘅post，就唔好推，即使有道理，都可以rephrase完自己再開post。求求大家，我地真係冇第二個五年喇！
講咗咁多，都係希望我地齊心以王師姿態，去對抗呢個史上最邪惡嘅政權。再講多次，與怪物戰鬥的人，應當小心自己不要成為怪物。當你長久凝視深淵時，深淵也在凝視你。
光復香港 時代革命
