我知我知, 我唔係第一次做冷氣軍師, 咁唔通我野餐又開Live咩~~ 理性討論下
有幾樣野需要認真討論下::
1. 審時度勢
我提過好多次, 其實唔一定要次次勇武, 一: 唔好被人睇死會"搗亂"點都慢慢輸民意, 二: 我地唔係真係有武裝份子去做到革命嘅層次;; 另外有師兄都有提及過:
https://lihkg.com/thread/1415130/page/1
上個Weekend大家終於玩到真正 Be Water, 開始左打快閃遊擊which我係相當欣喜, 因為其實之前我都講左好多次無必要死守硬碰, 寧願坐兩個站玩快閃;;
與此同時, 我想大家都留意返黑警嘅無恥程度都同時升級左:: A.等你地攻埋黎狗屋就反擊無止境放過期臭彈; B. Sniper上屋頂打Headshot; C. 男警肆意羞辱女仔;
我請各位勇武跳出黎諗一諗大Picture, 呢三樣都係我地無辦法制衝, 大家同社會都會攰, 每次勇武後面其實都有一大班和理非企嚮度, 大家只係本著一齊黎一齊走嘅信念行出黎以行動支持你地. 不如大家都Take幾日Break, 亦都等民意唔好跌得咁急~~
2. 老母記招
A. 民鬥民
舊調重提, 上星期阿爺開完記招已經俾哂方向黑警繼續放心做, 而且亦都煽動左愛國勢力出黎做野;;
今日記招過後, 各區鄉黑好似Confirm收哂尾數咁衝哂出黎做野... 想提醒大家呢班人收$$做野係無性嫁, 衝障礙物之餘仲蓄意想撞好多小朋友, 所以麻煩各位和理非嘅唔該唔好落單, 一定要聚集嚮大群人嘅入面;; 另外請各位手足要好好保護我地嘅記者, 佢地好多係完全無反抗能力, 今日被人拉嗰個好彩係大公, 如果係立場/蘋果後果都不堪切想;; 所以同樣地我覺得為左保住大家嘅賤命, 我地要適當地避免同呢班人衝突, 因為就算嬴左場交, 要冒被人拉風險;; 輸左場交, 傷完又同樣地都係會被人拉.....(哎愈講愈灰) 唔係叫大家唔接戰, 適當嘅保護一定要, 但係落手時留返兩錢重, 而家柒婆就係賭緊會有人命傷亡搶民意, 絕對唔可以中計!!
另外下次可以買定大頭釘/自攻螺絲, 唔好彩遇到有人玩Crazy Taxi, 又或者有狗車路經都可以灑落地幫佢地換換軚
最好....都係暫時休息一星期唔衝住*
B. 態度
明眼人都睇得明嫁喇, 會無限包容黑警, 會無限襲擊市民已經係相當明顯 -> 所以我又不嫌其煩想叫大家淡定少少停一陣, 等佢地無得出火, 我地又養精蓄銳一下諗下對策.
3. 機場
我個人比較保守啲, 我會諗如果我係對方會點做, 點樣先可以全身而退.
但係如果我係狗主, 你地入機場玩真係執到金一樣, 我只需要徵用2班機鐵就已經可以蓄龍防暴一齊直達客運中心, 仲有特別訓練過嘅機場特警呢!!
所以如果係機場最好就係"再和你飛"
另外, 其實我地的確有少少曙光嚮機場入面, 就係一班真正專業嘅空管員, 每個經過訓練都用左政府幾百萬, 超專業人才亦都不可能一時三刻有人補上... 今日佢地3分1人罷工可以直接做少左150班機, 打擊比我地衝10次還更大xdd 至於點樣能令到佢地以及一班制服團隊集體按章工作就真係要大家Brainstorm/聯絡下~~
4. 後續
第一我當然又想叫勇武們休息一下先, 大家都辛苦了;;
其次, 就住老母嗰番說話我覺得我地有急切性去搵一個場合做一個代表性嘅宣言, 更新5大訴求, 先肯定柒婆嘅正績就係嚮反修例階段選擇懶理, 令我地廣大市民深諳原來我地需要有更深次嘅改革
1. 獨立調查委員會 <--- 並承諾只要有公信力兼絕對審視權嘅委員會一成立, 我地就會"暫緩"一切衝擊行動
2. 重組警隊並成立獨立制衡紀律團隊, 將警權分薄
3. 立即推行雙普選 <--- 必需要強調呢個係我地so-call嘅"革命"目的, 唔好俾機會佢spin左去港獨 / 外部勢力, 迫使中央面對呢條基本法入面付予俾我地香港人嘅權利, 係政制同警制改革, 從來無人嚮呢個階段挑戰國家主權
4. 撤回所有政治檢控並連同每宗黑警濫武個案一併交由獨立調查委員會審視
5. 連同問責班子下台 <--- 真係唔想再見到你塊閪面
光復香港~~
