對上一個post未夠50正皮就比人推爆咗
再黎，夠50正皮就由上個post第34頁開始繼續解答
銀包都可以催財？唔L係呀？
係，銀包可以幫助改善財運，唔信既負皮後上一頁都無所謂。
而入咗黎又有興趣睇埋落去既，希望可以幫到各位巴絲以後搵多啲：
銀包催財唔係咩新鮮野，書同電視節目都有講過，原理涉及統計學同八字有關。簡單黎講參考資料如下：
一：用咩類型銀包好？
答：長銀包最好。
二：用咩顏色嘅銀包最好？
答：一般黎講，用土（黃/橙黃/啡）、金（白/金/杏）及水（黑/藍）屬嘅顏色最穩陣，用火（紅/粉紅/橙紅）最差。但係不可一概而論，最後再講。
三：職業又有無影響？
答：有，有分正財同偏財。
四：使用銀包方面有無咩要注意？
答：信用卡單據、印花咭、某啲無謂嘅會員卡就唔好放，銀包放到迫滿晒令自己覺得銀包腫脹其實係唔好。放唔放散紙係無所謂嘅，而放銀紙就最好分晒面額咁擺，總之越有條理越好。
五：銀包可以用幾耐？有無話用晒佢嘅運之類？
答：無。只要你keep到佢靚靚仔仔無穿無爛無殘，就可以一直用。
六：銀包牌子同價錢有無影響？
答：無絕對影響。但有人大約統計過銀包價值乘以二百就係你年收入，只作參考，不可作準。
七：我已經好有錢，仲使理你？
答：你真係可以唔理，一命二運三風水，有錢嘅總會有錢。
八：既然你都咁講，無咩錢嘅睇黎做咩？
答：幫唔到改命都幫補下財運，基數低啫，想唔想改善就係閣下嘅心態同決定。
九：巴打你開post搏乜？唔係最後賣開運銀包之類呀？
答：純粹想幫巴絲改善財運，有錢齊齊搵。睇完跟住做之後覺得真係有改善嘅，拎少少錢去做下善事積下德，咁就功德無 量喇。邊度買銀包就梗係各位既自由，我就無賣野既。
上面提及過嘅參考顏色並不適用於所有人，如果想知道咩色先最岩自己或另一半，留底新曆出生年月日時間，我會不定時係度回覆。
最後想講嘅係，幫到幾多真係睇各位基數，即係所謂嘅命水。有錢嘅加1%少1%梗係無所謂，所以有啲有錢人用銀紙夾甚至唔用銀包都無咩影響。強調多次，覺得有改善嘅，不妨做下善事捐返少少比你喜歡嘅慈善團體積下德，咁就功德無量喇。
🙏🙏🙏
