中大四舊書院宿舍特色 2019年版

【2019年究極進化版】中大四舊書院宿舍特色
香港正值大事大非之時，入到大學你最重要要去學識去獨立思考，判斷有啲咩係啱定錯，唔係好似嗰啲港豬咁。喺大學呢到你會識到好多唔同背景既人，會影響到你地既價值觀。所以係度純粹想更新下之前個舊po。
又到一年放榜時，有意想揀中大嘅同學應該都知道，中大最特別就係書院制，雖然仲未知jupas派成點，但都可以諗定揀咩書院啦，放完jupas之後好快就要揀
咁呢中大就有九間書院，四大舊書院，同五間新書院
呢個post就唔再講咁多書院介紹，都係照講四舊先, 主要講返多啲宿嘅野
崇基學院（CC）
點解揀CC？
－ 喺山腳，近火車站，校巴都唔使搭
－ 多宿（有成10棟宿），有四年一宿
－ 宿舍文化濃厚
－ scholarship同exchange都算幾多
－ 設施最齊全，運動場圖書館音樂廳乜都有齊，仲有靚靚嘅景點未圓湖，連教堂都有
點解唔揀？
－ 有FYP（Final Year Project）
－ 每個sem要上7次assembly（7次！係7次啊屌！一個sem都係得13個禮拜咋）
— 雖然話近火車站，但係有啲宿仲遠過去山頂
－ 有宗教背景（sing hallelujah to the lord）
有咩玩？
－ 短莊：崇慶、崇唱
－ 傅盃（宿舍運動比賽）
宿舍
－ 應林堂
男宿，出晒名癲，成班人行出黎都咪話唔霸氣，所以又有人話佢地係中大黑社會，FM入到黎會有個非常特別嘅入宿禮，包你一世難忘。不過唔使驚，又未至於癲到好癡線，都有啲東邪西毒，就係一邊wing好玩得，一邊好摺
自由度：★★★★★
交通：★★
位置幾好，但要行條幾長嘅路先出到去校巴站同火車站
搵食指數：★★★
距離CCcan都幾近，行出去就係，不過CC啲宿咁近火車站，其實住邊棟晚晚出去食都好方便
－ 文質堂
女宿，同應林堂加埋叫應文，傅盃嗰陣係partner，橫掃獎項，非常西厲，不過今年輸左俾新宿，攞第二（所以其實唔係一面倒嫁，其他宿都非常有競爭力，應文都唔係話贏晒），所以係女版應林
自由度：★★★★
交通：★★★★★
同新宿、何宿一齊坐落喺火車站附近，出去沙田話咁易，距離校巴站都非常近，上山都好方便
搵食指數：★★★★
去善衡canteen好近（晨興就喺善衡後面，去埋都方便），去CCcan都好方便
－ 利樹培堂（新宿）
男女宿，應林打後第二玩得癲，同應林係死對頭，今年傅盃賽第一。每層有自己唔同嘅特色，通常以層為單位一齊玩。但係呢，雖然佢叫新宿，但真係無忽新，據聞佢叫新宿嘅原因係因為喺起嗰年佢係最新，新宿於1993年落成，咁你明啦
自由度：★★★★
交通：★★★★★
搵食指數：★★★★
－ 何善衡夫人宿舍（何宿）
男女宿，都係屬於玩得嘅宿，大概係排新宿之後。可以玩可以摺，玩無新宿咁chur，摺又唔算摺，交通方便，所以綜合黎講都幾好嫁
自由度：★★★★
交通：★★★★★
搵食指數：★★★★
－ 文林堂
男宿，間房非常非常非常大，但真係好撚遠啊屌！中大係大埔公路一邊，文林就喺另一邊
自由度：★★★
交通：☆☆☆☆☆☆☆☆☆☆（負十粒星）
搵食指數：☆☆☆☆☆
－ 華連堂
女宿，CC版學思（NA某宿，自己碌落去睇），唔講啦
自由度：☆☆☆☆☆
交通：★
比應林再入啲，喺明華堂隔離，唔喺校園鬧區，周圍應該樹多過人
搵食指數：★
－ 明華堂
男女宿，正正常常嘅一棟宿，唔係好想玩，淨係想試下唔住屋企住宿舍嘅可以揀明華。玩的話都幾小圈子，要埋下堆先玩得
自由度：★★★
交通：★
搵食指數：★
－ 五旬節會樓高座（五高）＋五旬節會樓低座（五低）
兩棟差唔多，傅盃都一齊打，咁就一齊講啦，五高係男女宿，五低係女宿（傳聞靚女多，未經證實）。可動可靜，想玩咪出黎玩，想摺都可以去啲靜嘅樓層
自由度：★★★
交通：★★★
喺中大保健處附近，想睇醫生真係好方便，上本部都行條樓梯就到（但條樓梯好撚長），有穿梭lift去善衡
搵食指數：★★★
善can是我家
－ 神學樓
男女宿，睇個名都知咩料，想享受和理非嘅退休生活就岩晒你
自由度：☆☆☆☆☆
交通：★
喺CC啲教學樓嗰頭，要行上去都唔係好方便
搵食指數：★★★★★
附近好多can
聯合書院（UC）
點解揀UC？
－ 雖然喺山頂，但好多校巴經，班次都好密，山頂黎講好方便，去新亞和聲定落本部都好快
－ 宿位都幾多（遲啲將會起第五棟宿），四年一宿
－ 舍堂（宿舍＋走讀生舍堂）文化濃厚，唯一一間書院有多於一個走讀舍堂
－ 舍堂短莊都發展得唔錯，兩邊都玩得
－ 都幾多scholarship同exchange
－ 有體育館、圖書館，仲有間特別嘅bar（思源館）
點揀唔揀？
－ 有FYP
－ 成日俾人話「UC摺埋」（是咁的，當年有個大組長dem beat做UC手勢嘅時候做得好cap錯晒，之後一直俾人笑到而定家）
有咩玩？
－ 短莊：院慶、聯唱、聯繽
－ 院長盃（舍堂運動比賽）
宿舍（4棟全部男女宿）
－ 湯若望宿舍（湯宿）
房最大，係聯合最大嘅宿舍，但因為全部都係3人房，同roommates唔夾就零捨煩。2樓有個大common，但因為大同太方便，成日會俾其他莊霸住，不過另外每層都有細pantry。活動方面都係一般宿生會搞嘅活動，想玩就玩，但會有啲小圈子。比較唔好係格局有啲奇怪，要住返一頭半個月先唔會盪失路，最重要係無lift啊。個四合院設計同外牆係幾特別嘅
自由度：★★★
歡迎google湯宿舍監麥陳淑賢教授
交通：★★★★
同伯宿都係兩隔離，行出校巴站好快
揾食指數：★★★
好近UCcan，五粒星係比啲阿姐陣人情味嘅，但野食嘅味同份量就負分，想煮pantry唔夠位，再扣一分
－ 伯利衡宿舍（伯宿）
養生no.1，主要二人房，如果你想摺毒做頹廢宿生同融入nds生活，伯宿歡迎你，每晚靜到拍蚊都聽到，絕對係無人郊外中嘅宿舍
自由度：★
交通：★★★★
最近情人路，行去NA好快
揾食指數：★★★
－ 陳震夏宿舍（陳宿）
都算幾大，多層，同有適當嘅活動，想玩就玩唔玩就鎖門無人會煩你。出名蟲多，陳宿認第二，無宿敢認第一。宿舍入面個格局有少少似醫院，雖然都算光猛，係夜麻麻就有啲得人驚。有部穿梭lift打通UC同和聲，每日經過人數數之不盡，係呢樣野無咁好
自由度：★★
交通：★★★★★
位置喺湯宿另一邊，隔離係恒生樓，算係中間位，UC校巴站同陳宿校巴站兩個都去到，幾方便
揾食指數：★★★★★
因為夾喺uc can同和聲can中間加有lift穿梭，五星星無難度，重點係有最正嘅和can，不過pantry負一分，咩都限制住晒，呢樣唔比用嗰樣唔比整，又近tutor房，都係落和can算
－ 恒生樓
啲房細少少，3層男3層女，全部兩人房，不過勝在每間房每層距離近，相對比較close同易混熟，最重要係就算係尾房去廁所都好快。每層有pantry，但煮食設施就唔算好多。出名活動多同好玩，如果想宿舍生活精彩啲都係唔錯嘅選擇，同樣如果唔想玩鎖埋門就無人搞你
自由度：★★★★★
交通：★★
離聯合校巴站遠啲，但去陳宿校巴站都好快，或者去返聯合搭都唔算太耐，對面就係和聲書院，算係靜中帶旺
揾食指數：★★★★★
對面就係和can加甜品cafe加上海野，比五星星加個大心心，易搵食同遠點揀好，門口一出黎就泊得車所以嗌外賣落樓就拎得

新亞書院（NA）
點解揀NA？
－ 山頂黎講都算方便
－ 興玩學生會（無乜宿舍文化／玩短莊）
－ 四年一宿
－ 無FYP
－ 有圖書館、體育館、多個靚靚景點（天人合一、圓形廣場等）
－ 人文氣息重
點解唔揀？
－ 宿位少啲
－ 好撚窮（姐係唔使旨意有scholarship同exchange）
－ 要做STOT（由一個教授和十多個同學以小組形式一起討論社會/大學議題，並須匯報和提交報告）
有咩玩？
－ 短莊：院慶、新唱
宿舍（4棟）
NA宿舍文化唔重，所以啲宿舍係會無CC同UC咁精彩，NA嘅競技活動係跟系分嘅。
－ 紫霞樓
男女宿，算係4間宿入面比較玩得。大細一般，但風景超靚，對住吐露港
自由度：★★★
交通：★★
都要行一段路先到NA校巴站
搵食指數：★★
搵食黎講NA啲宿都差唔多，最近都係NAcan，去其他can都遠遠地
－ 志文樓
男女宿，多數得男仔玩，一樓男層最玩得，其他都摺摺地，所以想玩就記得揀一樓，當然住其他層都可以走落去玩嘅。但係啲房好細，係NA宿入面最細
自由度：★★★
交通：★★
搵食指數：★★
－ 知行樓
男宿，好自由，唔打蛇，唔嘈，多數自己玩自己，算係摺住玩。大細方面簡直係豪宅，正
自由度：★★★★
交通：★★★
搵食指數：★★
－ 學思樓
女宿，又名女子監獄，嚴到仆街，勁多NDS，又細
自由度：☆☆☆☆☆☆☆☆☆☆
交通：★★★
搵食指數：★★
逸夫書院（Shaw）
點解揀shaw？
－ 無FYP
－ scholarship同exchange都ok
－ 書通正
－ 短莊發展得好好（唔興玩宿舍）
點解唔揀？
－ we are shaw, we don’t have hall…無宿啊屌！
－ 無設施啊屌！
－ 校巴無位上
－ 遠（當然唔好同敬文比）
有咩玩？
短莊：院慶、shawlane、逸唱
宿舍（2棟）
同NA一樣，唔興玩宿舍，所以宿舍文化唔重，無乜特色
－ 國楙樓（國宿）
男女宿，啲房出晒名大，pantry又好大，成棟宿都好大，如果淨係計宿舍設施，佢都叫又大又舒服，不過大到有啲房行去廁所好遠，出門口都好遠。偏舊
自由度：★★★★★
shaw啲宿又係出晒名free，你男女part房都無問題
交通：★★
shaw係遠嫁啦，不過國宿門口對面就係校巴站，算係方便咗啲
搵食指數：★★★
小賣部正，去shaw can都好近，唔想食都可以行上少少去伍宜孫can
－ （二宿）逸仙樓（二高）／第二學生宿舍（二低）
男女宿，二高啲房幾正，但二低好多伏，有啲房同廁格好污糟好唔掂，今年好似又有人喺沖涼格屙屎。國宿二宿兩邊黎講玩都差唔多，睇你同宿生會夾唔夾，夾咪好玩囉，但唔夾都唔緊要，你仲有短莊可以玩
自由度：★★★★★
交通：★
比國宿再入啲，所以交通上差少少
搵食指數：★★

四舊就係咁多啦，簡單啲總結，喺玩方面，CC最勁宿舍文化，UC就舍堂文化同短莊文化兩邊都balance 得幾好，NA就興玩學生會，SHAW最正係短莊
交通、書院政策嗰啲上網大把source啦，唔講咁多啦

香港中文暴徒大學新亞反共書院歡迎各位fm，絕對係首選

「手空空，無一物，路遙遙，無止境。
亂離中，流浪裏，餓我體膚勞我精。
艱險我奮進，困乏我多情。
千斤擔子兩肩挑，趁青春，結隊向前行。
珍重，珍重，這是我新亞精神。」

光復香港，時代革命！

Fyp 難唔難做？
多數要做咩 本身因爲冇fyp打算揀na/shaw 但好似幾差咁
仲有係咪所有新書院都有interview?
Thx

Lm

fyp=幾條友做一份ies

暴大

暴大仔留個靚名先

dembeat 大學

會唔會好易爛grade?

香港暴大

仲有shaw冇設施 shaw嘅學生可唔可以去其他書院用佢地嘅設施？

新亞依家已經唔玩學生會😂😂
五大活動: 新唱 新亞夜 校慶 ocamp 山城音樂會

崇基啲資料唔update喎

CC 4次assembly

可以啊
利申唔係wys 但成日去wys gym

首選善衡，次選崇基。

唔好再排新書院系第二，唔會收。

有啲擺第二會叫你去in,
in 完會比你調頭兩個choice

咁擺晨興第二啦

UC 高質,特別係恒生樓

如果唔求好好grade 就睇prof好唔好人
利申 個組有人freeride 份final report 48小時前仲係未出現

屌好癲
722個時冇記錯恒生都有開放宿比人住

崇基唔係一個sem七次assembly 改左做一個sem兩次喇