個人覺得2都好唔錯啦
三套入面講到最多消防嘢嘅一套
日常嘅工作,準備同裝備,防火措施等等
亦都有蝴蝶灣嘅消防船,兩大主角加入過嘅潛水組,阿怡嘅救護同埋上集帶過嘅機場消防
烈1係熱血啲,劇情起伏同埋愛恨交纏更加明顯,好多位似日劇多,但反而就犧牲咗消防嘅心理嗰方面嘅描寫
劇情去到後期,除咗鴻運大廈,已經唔係講緊救火救人
烈2相比之下,有時展開係慢啲,但係劇情嘅推演更加反映到幾個主角嘅成長同埋心態嘅轉變
呢個比較,反映喺兩個王喜身上更為明顯
烈1王喜都仲要成堆奸角嚟襯托,扶持,最後仲要牙峰接連派膠嚟送佢上神台
烈2就唔同,總體上冇任何奸角,反而係主角由一個失敗者中成長
最後唔再講啦廢事劇透
個轉折冇1咁快同正邪兩立,但係我覺得仲耐人尋味咗
烈1作為劇集嚟講更加好睇,烈2作為消防員嘅劇集嚟睇就更為上佳
相比之下我仲鍾意2多少少
勿重屌