閱語殘片
2019-08-04 21:22:13
第二十九章 「組媽」
「如果你唔介意嘅。」
「我做組爸好冇？」
愷淇先是有點錯愕，又微笑起來。
看她這個表情，應該十拿九穩吧。
「你呀？考慮下先啦。」愷淇笑道。
「唔撚係掛。」我嚇了一跳。
「我都要考慮？」我呆呆地看著愷淇。
「點解你就唔洗考慮？」愷淇雙手抱胸說。
「你講你兩個優點黎聽下先。」
十秒後。
我完全想不起自己的優點，無可能。
我肯定有什麼專長，只是我一時忘記。
「呃，靚仔？」我皺皺眉頭說。
「我搵到你第一個優點喇。」愷淇奸笑道。
「咩？」我有點好奇。
「有..有..有自信。」愷淇爆笑起來。
「...........」
「Sorry...太好笑..咳咳。」愷淇掩著臉說。
「咁你仲有冇其他優點呀？」愷淇問。
「Um....好似...真係冇...」我抓抓頭道。
愷淇沒好氣地笑了笑，便跟我說。
「咁啦，你做我組爸都得，但要講多啲野。」
突然又有機會。
「你知你啦咁鬼靜，到時得我一個喺度同啲組仔女講野，你呢個組爸會好冇面架！」愷淇說。
「冇問題呀，我可以講好多野。」
「你會同組仔女講咩？」愷淇看著我問。
「................」真的不知道。
愷淇搖搖頭，便說。
「你點搞呀，仲話做組爸。」
「唉咁有Kenneth做OC，佢會幫手架啦。」
愷淇白了我一眼。
「而加你做組爸定佢做組爸呀。」
「咪喇，都係搵日幫你特訓。」愷淇說。
嗯？這樣說，是否代表她答應了我？
「即係你可以做我組媽？」我大膽地問。
「係..係呀，乜..你..你個問法咁鬼怪架..」
愷淇頓時別過臉，我完全不知道發生什麼事。
在愷淇下車之前，她跟我說。
「星期一晚得唔得閒？」
「得呀。」
「出黎食個飯，幫你練下講野。」
