先睇睇以下呢個MTR全境圖。呢個圖重點係站與站之間加左啲箭咀Logo，代表列車可以係其中路段調頭，呢個係極度重要嘅資訊。
1. 人流方向
每日嘅工作天上班時間，人流會由香港所有住宅區(即係全香港)，重點去到以下地方上班：
中環，金鐘，灣仔，銅鑼灣，尖沙咀，鰂魚涌，上環
所以大部份人都係目標係9:00前過到海係港島返工。
2. 重點堅守車站 (越排先越重要)
A. 九龍塘站．觀塘線．往黃埔方向
九龍塘站貴為大東北居民，用東鐵線同埋馬鞍山線接通市區線嘅主要轉車站，乘客超多及月台狹窄。
只要九龍塘站往黃埔有問題，因列車調頭路段所限，由鑽石山開始往黃埔方向都會有問題。
如果呢度有問題，大西北乘客只能唔轉車直去紅磡轉巴士/尖東去尖沙咀落去，或者向東走經油塘過海。
B. 香港站．東涌線．雙月台
作為第三條過海路線，同時亦係兩線東涌線同機場快線嘅終點，出口亦都係中環各大商業中心大廈，好多大西北/東涌/旅客會經呢度出港島。
因為東涌線同機場快線共用路軌關係，所以就算其中一個站有問題，後面列車都可以飛站，所以呢條線係好有彈性，中間邊個站出問題都冇所謂，所以唯一弱點係總站香港站，總站就冇得飛站。
只要香港站兩邊月台都有問題，整條東通線都係過唔到海。
C. 尖沙咀站．荃灣線．往中環方向
荃灣線永遠係最多人過海嘅線路，自從尖東站開埋之後就更多人係度上車，當然尖沙咀本身都係商業區，所以都好多人係度落車返工。
只要尖沙咀站往中環方向有問題，因列車調頭路段所限，無論觀塘線與荃灣線係太子/旺角/油麻地係好多轉線路軌可以做緩衝，但荃灣線列車去到佐敦後，都最尾都只能調頭。
D. 油塘站．將軍澳線．往北角方向
另一條過海路線就係呢度，亦都係將軍澳，九龍東居民過港島返工必經之路。
只要呢度有問題，其實乘客只可以上返地面於東隧過海，係好難搵到第二個方法過海。
E. 荔景站．荃灣線．往中環方向
有唔少東涌青衣出去嘅乘客都要靠呢個站出去九龍，同時呢個位有問題的話，荃灣站至葵芳站都會出問題，佢地都轉唔到去東涌線，好彩乘客仲可以經南昌去美孚再轉返荃灣線出去。
F. 鰂魚涌站．港島線．往堅尼地城方向
只要呢度有問題，港島東列車只能於太古站調頭，即係話港島東嘅乘客係去唔到鰂魚涌轉車上去
同時，因為調頭位有限，所以連帶至到港島線北角至天后站都會有問題。
G. 金鐘．港島線．往堅尼地城方向
港島東大部份上去尖咀旺角，甚至東涌機場荃灣大西北都係要經金鐘。
而只要呢度有問題，港島線只會由堅尼地城去到上環，或者由柴灣去到灣仔，金鐘中環最多人返工嘅地方會去唔到。
H. 南昌站．西鐵線．往紅磡方向
好多天西北乘客係呢個站轉車去中環，東涌青衣出去嘅乘客亦都會係呢度轉去尖沙咀。
3. 人流時間
由7:30 開始，基本上市咁多條線都會開始多人，越近9:00同越近上班地方，列車會越多人，載客率甚至可以升高過100%。
4. 調頭位
上面全境圖站與站之間嘅調頭附號可以咁樣理解
大家都見到灣仔站至銅鑼灣站中間有調頭位
用呢個調頭位做例子，呢個調頭位可以做到以下事情︰
1. 堅尼地城出發列車可將銅鑼灣站作臨時總站，上客調頭
2. 堅尼地城出發列車可於不進入銅鑼灣站情況下調頭，即用灣仔作臨時總站上客調頭
3. 柴灣出發列車可將灣仔站作臨時總站，上客調頭
4. 柴灣出發列車可於不進入灣仔站情況下調頭，即用銅鑼灣站作臨時總站上客調頭
5. 禮物︰路軌圖
以下送上市區四線Track Layout 路軌圖
因為大家都可以比唔同嘅意見，比大家一齊諗下傾下，等我地可以點樣守護香港，守護鐵路，守護MTR得好啲！！！
港島線
荃灣線
觀塘線
將軍澳線
