夜晚，快餐店。
坐着一男一女，男的正沉迷手機，似是小隊策略遊戲 ; 對面的女朋友正撥弄着薯條等着留影。
女：又掛住打機，上前線呀？！
男：前線梗係男人嚟啦，港女識鬼勇武咩？
女：14巴夠唔夠勇武呀？
男：攞籐條教仔又真係有道理喎...
女：就算你全副武裝咪又係要俾人地阿媽鬧到唔敢郁？！
男：喂係喎，阿強阿媽話唔准成日發夢唔返工，要經濟封鎖，cut 佢食飯錢呀，不如買兩張飯券俾佢囉。
女：唓，一千幾百叫咩經濟封鎖呀。唔買奢侈品唔食放題，連衫褲鞋襪都唔好買；雙十一都唔網購；行商場齋睇唔買零消費。 再叫晒成個谷啲阿媽咁做就係經濟封鎖喇！
男：嘩，咁成行零售俾佢搞壞晒喎？！
女：話你唔識嘢！成行成市啲金舖藥房先係搵食嫁嘛，你慌啲自由行會罷買咩？
男：咁成日又遊行又鎮壓，藥房都落閘啦下嗎？
女：呢度又唔係台灣，上面又無話唔准，搬奶粉都唔係夜晚搬啦！暴徒邊有早起身嫁？
男：弊在次次都上晒國際新聞，搞到美國都想禁入境移民讀書喎...
女：關你咩事姐？你有錢去美國咩？
男：錢真係無喎...其實呢...我課咗金...買裝備，所以...個旅行...遲啲先啦。
女：你係咪男人嚟嫁？！枉我餐餐陪你捱呢啲！我地分手啦！
女生拂袖而去，幾步後回頭見他不意為然，便頭也不回地走了。
未幾，一陣刺鼻氣體傳來，店門外有一女童驚慌嚎哭，圍觀者紛紛給予毛巾、清水，幫忙洗眼...
男瞄一眼玻璃店門外的街道，低聲自語：唔會係佢報串又講錯街名掛......Yes! 突襲據點成功！前線收兵！
叮。是來自女朋友的語音訊息。
女︰雖然無証又無編號，但係唔會集體淘寶制服道具玩cosplay 嫁呵？
男撥號︰喂你喺邊呀？
他急忙奪門而出，撞跌一名少女，只能拋低一句「sorry」便揚長而去。旁邊有一對情侶正想將她扶起…