(救得一個得一個)DSE中文作文TIPS

利申先: 2012DSE 中文作文 5*
有補習中文既經驗

今日請左病假，食完藥未眼訓，開個POST先同大家講下記敘/抒情文既寫法。(反應好考慮再打其他)

根據我自己既經驗，係寫文章之前，要記住4樣野: 貼題>具體>用字準>掌握節奏。排名愈前愈重要。

以「熱鬧過後，我卻感到失落」為例。

貼題:
貼題係DSE作文入面係重中之重，你寫既文章一定要貼題。如果你覺得貼題對你黎講有困難，就係作文之前花少少時間先解題，再寫大綱。
例題入面有兩個重點，第一係「熱鬧過後」、第二係「失落」。好多同學會無視左「過後」呢兩個字，而寫成「熱鬧的時候，我卻感到失落」，咁樣唔係一個好既解題。解題要好小心，一個字一個字咁睇，解完題針對返重點去構思文章。

具體:
寫得具體，目的唔係要湊字數，而係要令考官可以透過文字聯想出畫面，從而引起考官既共嗚。中學生經歷唔多，好多時候作文入面既例子係虛構出黎，有時候同現實情況有出入，甚至出現D唔合理既情況。解決辦法就係，唔好完全天馬行空，盡量根據返自身經歷去做個例子出黎。5分真5分假，寫出黎比完全虛構既情節更有說服力。另外，如何寫得具體亦好考文字功力。好多同學有個習慣，就係係描寫既時候側重運用視覺描寫。同學其實可以考慮多多利用情境入面既細節，例如聲音、氣味、觸感等等。

用字準:
好多去補習既同學仔，會背左一堆成語，但如果唔識用千祈唔好用! 用字深唔等於會高分，但你用字唔準就一定會影響你既分數! 就算俾你用岩左一個好深既成語，如果同你篇文章既文字格格不入，考官都唔會有個好既印象! 認清自己能力，語文係要靠積累，唔好諗住臨考背定一堆字/句式可以一步登天。用自己熟既字、熟既寫法，盡量去準確表達你想講既野。記住記住，用字準確>用字深，唔肯定既字千祈唔好拎黎用。


掌握節奏:
掌握節奏是文章入面最難既技巧，好難三言兩語話你聽點樣先叫掌握到一個好既節奏。但有兩點可以稍為提升你掌握節奏既功力。
第一點就係盡量避免用人稱，好多同學經常用你我他呢D人稱，其實對文章節奏既影響好大! 寫既時候心入面要有個意識，唔好每句都用你我他去表達。我地睇下朱自清點樣描寫一個上海街頭既乞丐:
「近些年在上海常見的，馬路旁水門汀上用粉筆寫著一大堆困難情形，求人幫助，粉筆字一邊就坐著那寫字的人」
係描寫一個第三者既時候，冇用到第三人稱，而且寫得非常具體，你好容易就想像出一個寫粉筆字乞錢既人。

第二點就係係花點心思去描寫時間。唔好用早上、中午、黃盾、晚上、幾點鍾咁去簡單去概括時間。例如早上描寫下陽光(陽光輕柔地鋪在向東的窗台上)、晏就描寫下氣溫(到了一天最熱的時候)、黃昏講下環境(華燈初上的時候)等，時間既推移都可以諗下用影子既變化/時分針既移動去描寫一下。通常按時間順序既文章，係描寫時間既時候可以起到一個控制節奏既作用。

有少少攰...有咩問題可以再問我。希望大家睇完之後有得著

摩牙

摩牙

巴打想more啲咩

有無議論文求4/5攻略

一開始交代背景
最後抒情部分
應該各佔幾多%

留名學嘢

點解識呢啲都係得5*

摩牙

巴打想more啲咩

議論

榮sir弟子入嚟留名學嘢

retake中文留名

基本貼題、大綱以外啦
我會係起草稿既時間 諗定要用咩手法
比喻、排比、借代、借景抒情、首尾呼應等等
List 哂出黎 ，一路作文果陣，做左就tick番，包保自己唔會miss左d加分位
利申作文5**

基本貼題、大綱以外啦
我會係起草稿既時間 諗定要用咩手法
比喻、排比、借代、借景抒情、首尾呼應等等
List 哂出黎 ，一路作文果陣，做左就tick番，包保自己唔會miss左d加分位
利申作文5**

當然 呢樣野要你中文有一定底，搞得掂貼題果d基本野先好做，唔好愈整愈亂

我2012 5**
但我中文底超廢
可以share少少心得

如果中文底唔勁的話 盡量唔好作記叙/抒情文
同人鬥描寫手法/意境 好大機會比人屌打
我果年作刺蝟 我都係實實際際爆例子
有一個完整既分析框架
簡單比喻 合符邏輯 唔好離題就得

我作之前用左15-20分鐘整理好哂自己要寫咩
每一段開始 每一句開頭我都諗好自己要點寫
寫啲字寫得超靚 而且一滴塗改液都冇用過
有時marker改文都好睇印象分
寫字核突/成日寫完改/唔肯定 都會比人感覺中文唔好

留名溫書

有冇議論文心得分享下
呢幾年作嘅抒情文一隻手數得晒
主攻議論文 希望可以有星

Lm

作文5* 中文overall 4
中文底極差，作文平時唔及格
臨考前兩日準備作文，最後攞咗5*。
我係屋企用好耐時間作咗個百搭既抒情文開頭同結尾（大約600字左右）。當時真係絞盡腦汁，係咁參考唔同文章既寫法，寫景佳句，用勁多成語同修辭。
考試既時候無論咩題目都好，淨係作抒情文。一開波就將之前作既野背默曬出來，文章中段就好平平無奇，結尾又繼續默翻出來。最後寫咗大概千一字，又咁好彩5*。我懷疑係個改卷條友淨係睇頭尾所以先咁好彩。

議論文想有星可以特別d，一入題就比人覺得眼前一亮。

我既做法係會用一件事入題，例如遇到有d野或者矛盾令到我有疑問，並且思考，思考內容就係議論重心。

你議論既pt可以用比喻，拈連。例如你想講夢想唔係不切實際，咁你就可以將夢想比喻作人生既xyz。當然，xyz要係貼近你個pt既比喻，幫助你係個段develop你既idea。

收尾整人生文化反思就當然要啦，但其實仲可以首尾呼應，寫翻一開頭個件事/矛盾解決左，暗示自己既思緒已經清晰作結。

15年夢想個條80分

議論文想有星可以特別d，一入題就比人覺得眼前一亮。

我既做法係會用一件事入題，例如遇到有d野或者矛盾令到我有疑問，並且思考，思考內容就係議論重心。

你議論既pt可以用比喻，拈連。例如你想講夢想唔係不切實際，咁你就可以將夢想比喻作人生既xyz。當然，xyz要係貼近你個pt既比喻，幫助你係個段develop你既idea。

收尾整人生文化反思就當然要啦，但其實仲可以首尾呼應，寫翻一開頭個件事/矛盾解決左，暗示自己既思緒已經清晰作結。

15年夢想個條80分

其實例子係咪三個都已經夠
同埋我諗緊有啲題目例如獨學而無友則孤陋寡聞
好似好難舉實例 如果就咁設例又驚說服力太低

議論文想有星可以特別d，一入題就比人覺得眼前一亮。

我既做法係會用一件事入題，例如遇到有d野或者矛盾令到我有疑問，並且思考，思考內容就係議論重心。

你議論既pt可以用比喻，拈連。例如你想講夢想唔係不切實際，咁你就可以將夢想比喻作人生既xyz。當然，xyz要係貼近你個pt既比喻，幫助你係個段develop你既idea。

收尾整人生文化反思就當然要啦，但其實仲可以首尾呼應，寫翻一開頭個件事/矛盾解決左，暗示自己既思緒已經清晰作結。

15年夢想個條80分

其實例子係咪三個都已經夠
同埋我諗緊有啲題目例如獨學而無友則孤陋寡聞
好似好難舉實例 如果就咁設例又驚說服力太低

所以一向都話唔好all in一種，你可以操其中一種多d，但唔好唔識作其他。

lm

Lm

Lm