2. 分析近期心路
本章主要解構因心態而造成戰事上負面情況。並於最後提出可行的改善方案。
2.1 728及其他香城西戰役普遍心態
冇錯，進攻方向係非常正確。
就亦因為咁，
敵人嘅權威係唔會容許玩家踐踏，從而係728下，形成慘敗局面。
點解728會係慘敗?被活捉嘅玩家冠絕以往、撤退時亦不見瀟灑。
721係漂亮，亦因此被敵方知道咗，玩家著眼點已經從行政、立法機關，
轉移到幕後BOSS嘅巢穴。
因此敵方一早已安排犬族在其巢穴前佈下重重犬牙。
一旦玩家用返721嘅路線同攻勢，犬方就容易識破。
再者，728時，一批先頭精兵(即係準時上線嘅高級玩家)，
由於係未有路線安排下，已東征銅鑼灣等商業核心。
可惜，
敵人根本本住Who fucking care?心態，
敵人不理民生、經濟，只會保住老賊巢穴。
728四點左右，後Join玩家上線後，
見到銅鑼灣已佔領就開展第二條戰線，西環。
但四點幾五點時，先頭部隊仲係喺銅鑼灣一帶建造戰略防線。
(銅鑼灣一帶嘅戰略資源會否復生，要留待證明;如冇的話，實在係玩家方一大損失)
而西環戰火已經濺起，形成
欠缺一部分主力同缺乏戰略防線作防禦局面。
因為一部份資源、路障建構物都被運往銅鑼灣。
若敵人同時與玩家兩邊戰線開戰，玩家有較大機會勝;
若敵人對銅鑼灣玩家開戰，玩家都係會較大機會勝;
但敵人重兵駐西環，玩家只會折折敗退，若然戰術是模倣721。
因為在人力、資源上，
已經不能短時間調配返西環戰線，
而且犬方只會用上更多、更強嘅武力，企圖
速戰速決，
撃破玩家補充、回復嘅機會。
再講，因為欠缺先頭部隊等高級玩家填充人手，
導致較低等級同輕裝/空裝玩家本來從吸經嘅定位，
轉化成對抗主力，亦因經驗不足，而令到前線密度過高，
形成Be Water被凍結成冰。
密度越高，依靠前線嘅防禦要求就越高，
因為不容易散水撤離，但係路障資源被分薄，
在路障不足嘅情況下，好難堅定到防線，
一旦被打開缺口，如速蟲犬突擊同催淚彈射入人群，
就好難有效應對。
亦因此，銅鑼灣大軍，即使有精英級玩家，
都難以為前線輸出(亦要知道佢地已經遊咗半個香城，體力都下降)，
及密度太高，好難插入前線。
心態上，玩家冇可能直接打贏上咗Buff的犬，
只能撚狗、be water、hit and run
就好似沙田引狗入窮行，然後圍佢
無論點堅守都好，玩家隨時間增長，最後都會散
2.2 情意結
面對輸咗兩個回合(詳見5.1 728香城西戰役流程圖/玩家敗退路線、據點)，
係皇后街同兩大戰點失據時，被犬族活捉咗唔少玩家，
但係，玩家只係稍退並重新組織防線，繼續奮力抵抗。
冇錯，士氣係好緊要，夢遊時都見到士氣好好。
第二戰點失據後，約十點左右，犬隻攻到干諾道中，
並由干諾道中向德輔道中開始放催淚彈放題。
呢個時候，一場死靜，再冇人打氣，因為連補給線都被毀。
但玩家只係後退兩步就算，人群密度又開始上升，
完全Be Water嘅心態係冇!
當人口密度上升，撒退就越難，更容易發生人踩人，
只要犬方一旦打開缺口後，活捉就好容易。
個問題就係，情意結:
包括午夜(OT)情意結及堅守情意結
同犬族打係冇絕對羸嘅可能，
若然要留守，倒不如走住黎屌;
苦然走住黎屌，何不攻其不備，進行反包抄突擊?
心態上一定要變成Be Water，而家你地心態係固苦金湯，
可惜防守力唔係。
要捨棄午夜(OT)情意結及堅守情意結，
先可以
有靈活走位，先可以撚到狗(因為狗都唔知你嘅目的)
如繼續有呢兩個情意結，被活捉嘅玩家只會越來越多，
因為敵人已經摸清你地底牌，
試反思以前衝撃歷程，往往第一次突然組織衝擊先係最有效，
先係損失最少手足。
2.3 不同定位人士的心態
無論和里非等後勤角色，定二線或者一線新手都好，
唔好得個勇字，化學攻擊唔係你涯到就涯到，
先講728，我夢見好多得普通口罩嘅人(有中年，亦有大量年輕)
從前線比人夾返入德輔道中(即補給線)，
佢地係又嘔又喊，真係唔好低估威力，
係有機會損傷你呼吸系統。
所以心態上，必須有最壞打算，
唔係話被捕，而係有被波及嘅覺悟，
個覺悟有咗，先會識得保護自己，
亦會識得Gear Up，即使和里非定物資都好，
Cosplay下，好過真係炸到黎，
你走唔甩，你身邊嘅人為咗夾你走，
而一齊被捕，有版你地睇，對新婚夫婦，
為咗救人時，被狗捉埋。
唔好話累人地夾你時被捕，
而係另一個觀點上，有基本保護裝備，
係唔會怕催淚彈，而你冇呢個裝，
而令到大隊撤退唔切，大家都唔想見到!
題外話，727發夢係元朗廣場食雪糕，
突然聽到幾聲炮響，再望望外邊全煙，
我同隊友都要即刻Gear Up，
唔係話你企唔近前線就冇事、可以空裝，
而係你永遠唔知狗會係邊到突襲，
到時冇裝，你就要硬食。
習慣自帶一套裝，為自己好，為隊友好，為家人好，為關心你嘅人好。
2.4 建議調整
犬方、藍方都叫玩家們做
黃曱甴，
咁點解我地唔好好向曱甴習慣性學習?
就係有危險就閃(Be Water)，然後再組織。
試試將抵毀嘅言語當成讚美，對方想你嬲，
你就係唔嬲，又覺得係讚美，
咁佢撚你唔到時，又谷到自己一肚氣，
咁犯錯機會又越大，又會敗走。
Be Water 攻其不備 唔好比犬腦諗到我地做法
適當時還擊 而唔係走住黎屌
要緊記，狗狗揹住成十幾K Gear，佢一定唔夠你快
最緊要撚狗，佢地體力一定用得快過你
727玩完，肯定嗰3000隻狗已經攰到仆街，
所以3000隻狗再出黎都係半殘，如果狗主唔比佢地休息的話
記住
敏捷係我地唯一贏狗嘅武器，
再強力嘅攻擊，打唔中就係打唔中
----第2章完----
