(其實小弟絕對唔推薦大家入奧海城，原因請見：
https://lihkg.com/thread/1397668/page/1
如果真係入咗去，希望呢份簡介可以幫到你。)
TLDR: 如非必要唔好入奧海城，於奧運附近 (尤其二/三期) 離開時，千萬不要向南走。請往大角咀/旺角/南昌方向離去。
聽講聽日會有人嚟大角咀奧運旺角一日遊，作為二十年街坊，當然要一盡地主之誼。今次就等小弟同大家介紹一下區內大商場 — 奧海城，等大家聽日唔會咁易盪失路。
奧海城有一二三期，三個商場靠天橋同奧運站互通。以下我將會簡單介紹每個商場嘅主要出入口，方便大家辨認。
奧海城三期：
三期最近旺角，有三個主要出入口：
1. 天橋出亞皆老街
喺三期嘅盡頭 (鴻福堂對出)，直出亞皆老街去旺角街市/朗豪坊，亦可以沿塘尾道北行入大角咀或沿渡船街南行往油麻地。
(上圖：往旺角街市方向落橋。)
2. 天橋入奧海城二期
喺三期嘅另一個盡頭 (george coffee 同 帝峯皇殿入口/das gute 中間) (二期部分會講多少少點走法)
3. 地面出口往海富苑
喺往二期天橋附近 (穿過george coffee，落美心香港地對出扶手電梯)，但個人覺得條路線麻麻，因為只可以穿櫻桃街公園上天橋往登打士街或果欄 (自己睇路))。直接向南行 (富榮、HKCC) 好易畀狗咬 (下面會講)。
(4. 地面出口往海富苑)
(較隱蔽，唔係街坊未必知點行) 喺大眾書局隔離落扶手電梯，然後直出。不建議，原因同出口3一樣。
奧海城二期：
事實上係有好撚多個出口，而主要出入口有三個：
1. 天橋往奧海城三期
入口喺uniqlo同starbucks嗰邊 (pret a manger 隔離)，之後點走請睇返上面。
2. 奧運站 (D出口)
好易搵到，喺正無印上面。A及E出口可通奧海城一期，B及C出口可通大角咀。
3. 天橋往柏景灣巴士總站及海富商場
喺UG (六福對出) 沿長走廊向豐澤/UCC/戲院方向直行至盡頭，
去到利寶閣轉左，你會見到天橋
穿過天橋，你會見到分岔路，左邊扶手電梯落巴士總站，右邊上斜後轉左直行可經天橋入海富商場
唔知到時重有冇巴士 (記唔記得7/7夜晚 (雖然係十一點幾) 柏景灣巴士總站冇曬車? 同埋對出海泓道都未必有車搭 (因封路/可能有佔路))。另外去到海富都冇咩路走，向南走好易畀狗咬，都係得返向東行經櫻桃街公園上登打士街天橋，或者出返旺角。請自行判斷。
(4. 地面大電視出口)
(uniqlo嗰邊，G/F pandora隔離) 出到去一係搭的士，一係過馬路去返大角咀 (起點附近位置，富多來/新九龍嗰頭) 或櫻桃街公園。巴士好少停呢個位，小巴就算經過，大部分都係帶到你去附近位置 (e.g. 維港灣、匯豐中心)。請自行判斷。
奧海城一期：
戴返頭盔先，我冇咁熟呢邊，請大家不要盡信，建議先fact check。
1. 奧運站 (A及E出口)
A出口: 一期7/11左邊
E出口: 一期7/11右邊
上圖：一出E出口會見到嘅嘢
前面可搭電梯落地面出口 (出口3)
2. 天橋直出海輝道海帆道交界 (較隱蔽)
入到一期往吉野家及大家樂方向行，見到mos cafe轉左，你會見到
直行轉右 (圍住mos cafe咁行)，你會見到
開門，一路沿條橋行，去到政府部門分岔路轉左落橋
落橋後
跟住一路向前行理論上會去到南昌
3. 地面出口
喺7/11對出落咗扶手電梯後：
轉左可出大門，但直行會出海皮，不建議；可出大門後轉右沿海帆道往北行，會join返出口2。
轉右可經一堆地產鋪入巴士總站。
慎防狗咬，請留意並避免前往/經過以下地點：
1. 新油麻地狗屋 (exactly喺海富同富榮南面!!!!!!)
2. 西九龍狗竇 (港灣豪庭隔離)
呢個只係小弟作為街坊嘅一啲分享，有錯請不吝指正。衷心希望大家到時用唔著呢份攻略。
最後祝大家旅途愉快，平安歸來!!!!
