終於聽到醫生讚我啲牙好左好多
唔洗半年洗一次咁密，即刻人都開心曬
記得細個牙保果陣好有陰影，曾經試過比人洗到流血不止要夜晚去屋企附近止血
搞到之後對洗牙有陰影，從此無再去過牙保
後尾過左幾年，啲牙肉開始發炎腫
成日刷牙會流血，唔明點解得我係咁
明明早晚刷牙亦有刻意刷牙肉刷好耐
身邊啲朋友完全無呢啲觀念，刷牙求鬼奇又無事
上網查都好怕自己係牙周病，自己買左部水牙線諗住改善下
見到食完飯真係沖到污糟野出黎自我感覺良好左一排
拖下拖下都係流血終於忍唔住去洗牙
果陣仲讀緊書，求其跟呀媽去左屋邨嘅牙醫度洗
二百幾蚊一次係幾平，所以往後幾年都間中會去洗下
但一直都係洗完果排好啲，之後又黎料
第一次個醫生話我有輕微牙周病(想像唔到重度係點)
問佢keep住用水牙線改唔改善到 又話ok
中途仲有次又比佢洗到直到深夜都止唔到血
最後去左急症用啲止血膠塞住個位
朝早起身成舊深紅色...後尾查一查發現係大陸牙醫黎
啲學位全部係北京但都跟埋屋企人最後一次去佢度洗
洗完之後又建議我下次做深度洗牙 我話諗下先
後尾上網查 深度洗牙貴好多又要咩切開啲牙肉洗
屬於小型手術 睇到都覺得驚
一年後出黎做野有啲錢 自己上網搵左間幾多好評嘅女牙醫試下
雖然貴double但真係唔想再比個大陸牙醫呃錢水我
第一次去普通洗牙痛到pk，中途漱幾次口
牙醫話我牙石好多發炎好嚴重 所以係咁流血 但無話我有牙周病
開左藥用漱口水比我 又好好人教我點改善
當我問起水牙線呢樣野 佢叫我唔好用
(唔知點解)好堅決咁話唔會幫唔到我 叫我用最細嘅牙縫刷
半年後返去佢再幫我睇下有冇好轉
而今日就係半年後返去
牙肉自己覺得好左好多 係得門牙有時會流血(zip唔到牙縫刷可能唔夠乾淨)
但估唔到洗果陣都係比我想像中痛
仆街心諗咩事我未問佢就讚我叻進步左好多 牙肉改善左好多
所以佢今次幫我洗深左清走曬啲陳年舊牙石
完全無提過咩深層洗牙blah blah blah
叫我繼續keep住用牙線/牙縫刷 九個月先返黎洗就ok
好快會變返正常健康嘅牙肉
由細個困擾到依家嘅問題終於解決到
各位有牙齦問題嘅千祈千祈唔好貪平貪就腳
一個無料嘅醫生分分鐘害多你幾年
