「法律面前，窮人含撚」嘅15種意思

1. 正常真係打到底嘅案，50萬至100萬通常係最低消費

2. 法援係律師同大狀收低於市價去打官司，平均落力程度大家心照

3. 出得高人工嘅律師行大部份係做企業融資併購或大型商業/民事訴訟，就算係刑事，搵得最多嘅都係幫有錢佬打商業犯罪

4. 有錢嘅話就有好多法律同訴訟以外嘅方法去爭取自己權益（可能犯法可能唔犯法啦），例如叫熟人行個方便、買通傳媒、靠勢力施壓、比錢搵人做人頭頂替等

5. 刑事嘅話係政府做檢控，即係無限資源，司法覆核告政府都係一樣

6. 刑事定咗罪，有錢佬會因係有錢所以製造到多啲求情理由，例如做好多慈善嗰啲

7. 民事嘅話，如果唔係牽涉過百萬嘅案，最後打贏都未必夠比律師費

8. 民事嘅話，就算贏面唔高，都可以靠燒錢玩一大堆程序嘢去拖長嚟打，用長時間燒錢嚟喺打到尾之前先拖垮對方，迫對方和解。

9. 有錢佬輸民事賠埋堂費都可能濕濕碎，普通人輸堂費就隨時比唔到破產

10. 越叻同越有經驗嘅律師大狀通常都係越貴，越少肯做法援或義務

11. 有權或有錢嘅就算唔合法咁搞咗你，你事後去告又要錢又要時間，一拖拖幾年，仲要未必贏

12. 有錢人比得起錢或者可以要個律師淨係做佢一單case或者全天候法律顧問，但公義冇得要個律師淨係義務幫你一個。

13. 比得起錢嘅話，再簡單嘅案都可以要多幾個律師大狀成大team人一齊做；義務律師同法援放幾多律師大狀落一單案到就只會睇案件複雜程度

14. 律師都要搵食，而且係靠比得起錢嘅人搵食。一日得24個鐘，一個律師越做得多義務律師即係越少時間搵食，到最後都總係要比返啲時間為比得起錢嘅人服務先生存到落去

15. 屋企有錢送仔女去英國、澳洲讀書嘅話，就易啲入law school，大啲機會做到律師，阿爸阿媽有關係識人嘅又易啲入人工高嘅大行

啱，係專業中產同金融嗰啲先要身家清白
有錢嘅話之你有案底，公司上市最多咪唔做執董，但做非執董