對不起 728我被捕了 【親身整合分享】

義士冇AC 代PO

「對不起 我被檢控了
出嚟之前問過自己 如果告暴動 後唔後悔
當時仲覺得告就告 最多坐10年 坐10年都要出嚟
但當真係被起訴暴動 真係會好驚
如果而家尼一刻您問我 之後仲敢唔敢出嚟
對唔住 懦弱咁講 我唔敢 和理非遊行集會都唔敢了
是的 我的敵人成功了 我被噤聲了 還要是自我那一種

在還押的50個多小時裡 有憤怒不甘害怕
但獨獨是沒有後悔 或許應該說 當後悔想萌芽的時候
腦海就會播「試問誰還未發聲」樂曲奏起便再沒後悔
我最怕最怕 是令關心我的人擔心受傷
我最怕最怕 是身邊朋友會因為我 而唔再企出嚟
30號當日 知道自己不準保釋
最灰暗係唔知道自己要囚押幾耐
一年？四年？沒期限的等待最痛苦
但全靠您哋 企係警署門外幫手聲援 我哋先走到出嚟
所以求吓您哋 唔好因爲咁而放棄發聲嘅機會
我嘅機會用哂了 我要退下來了 現在交給您們
當然同時我亦希望您們抱持不被捕原則
44個人 不能再多了。

同時 有啲分享整合想講返
以下留意事項求吓您哋每次發夢都照做
49個人被捕 冇一個事前覺得會係自己
所以唔好再疏忽了

1.絕對不要帶八達通
講過好多次 用散錢用散錢
如果唔好彩被捕 八達通係好好嘅證據
為咗唔好唔記得唔小心用咗
就索性唔好帶出嚟啦

2.律師電話必須寫手臂
唔好再話咩save係電話 袋住張卡啦
一旦被捕 電話即時熄機 仲可能會被警員沒收
至於咩袋住張卡 您雙手都比人落咗扣 仲搵咩卡
至於記實個電話 唔係唔得 但唔好驚上嚟咩都唔記得
所以最好就係用唔甩色嘅筆寫係手臂

3.出門前電子產品放在一起
而家一旦被捕 分分鐘搜屋 728就係咁
所以最好一被捕 搵律師 比低屋企人電話律師
之後大家明
利申 記得唔好妨礙司法公正就好

4.帶1000蚊先出門口
一旦被捕 暴動可以1000蚊保釋
您夠錢就可以自簽 唔洗等到世界末日

5.iPhone即刻較返10次密碼錯誤立即清機
如果您好有信心 您較5次都得
但一定要較最後洗機
係保障自己萬一被捕

6.比定個人資料朋友
比定自己中英文全名 身分證號碼 幾個信得過嘅朋友
講到明幾耐冇回應 whatsapp單剔 電話熄機
就即刻拎您哋資料比律師
朋友們都要醒 一知手足比人拉 好踢佢出嚟啲唔應該出現嘅群組啦
仲有一樣
將您social media 啲ac pw 整合 又係交比一個個得過嘅人 有咩事del哂您啲post

7.唔好慌 搵社工
萬一萬一真係被捕 唔好慌住唔好喊住 冷靜少少
周圍望吓有冇社工
將自己全名同身分證號碼比佢
佢哋可以幫您迅速聯絡義務律師

8.扔咗就算啦
現場被捕 可能會即時簡略搜吓您身 搜吓您袋
仲會除您頭盔眼罩豬嘴
尼個時候可能您嘅物品會掉落係地
太混亂之間 警員分唔清係唔係您
咁既然唔知係唔係 就算啦好唔好 明唔明？
嗱 再次呼籲大家 唔好妨礙司法公正呀

9.受傷就入醫院
您擦傷撞傷頭痛頭暈都係傷
受傷入醫院好合理 所以一被捕 有唔舒服
就即刻要求入急診啦 入醫院期間 您有機會仲可以早少少見到律師社工 同佢講兩句
同埋您係可以要求社工陪您睇醫生嘅

應該就咁上下 有再補充
香港人唔好放棄 44名暴徒 得返您哋幫手平反
另外少少個人意見
當您係為救人而企出嚟嘅時候
唔好比情緒騎劫變成發洩
記清自己每一次出嚟嘅目的。

最後 再次大大力提醒
大家絕對唔好妨礙司法公正呀

香港人無忘記你地，請休息下，我地接力！

我地一定會救返你地所有人出黎
辛苦你地咁多位兄弟姊妹 場仗幾難打我地都會打落去
我愛你地

Respect 但係香港法治仲值得相信

辛苦曬，我地最終一定會戰勝歸來

辛苦晒

我地永遠唔會忘記你地對香港既付出
我地會連同你地 甚至係之前已經走左既義士行埋呢條路佢

時代革命 光復香港

辛苦晒
仲有好多兄弟姐妹撐你地

加油 有需要出聲 即使10年後
幫到既一定幫

感謝義士

如果你地44個要入冊，我會立即去做第45個

我會盡力救你地

個44名 唔係暴徒 係真香港人

唔使講對唔住，你做緊正確既野

盡力幫 聽日出糧即去捐錢 你既位置會補上 放心

加油 呢條路仲有好多手足係到
你等我地好消息

一定會平反，今次香港人唔會忘記，以後都唔會

加油 完全唔敢想像你地面對緊既個種壓力同恐懼
要撐住呀！多謝你為全香港人既付出

加油

沒有暴徒 只有暴政