關於化學灼傷 --- 行街有機會睇到煙花嘅一定要睇, 可能救你一命! 請廣傳
前幾日看到個故事. 有小朋友行街, 突然見到漫天煙火. 其中之一落响佢附近, 小朋友見到咁大煙, 怕薰親其他人, 佢一心諗住去整熄啲煙火.
初時冇乜嘢, 皮膚有啲紅, 之後幾個鐘變成咁. 呢啲應係化學灼傷, blister 係一粒粒.
嗱! 故事裡冇講呢位好心地嘅小朋友, 點樣去整熄啲煙火, 我亦無法問到詳情. 但, 我曾見到其他好心嘅小朋友, 不約而同用同一種方法去整熄啲煙火: 用嘢笠住佢!
粗疏純學術討論、分析. 假如有嘢著咗火, 咪揾嘢笠住囉! 以前讀中學, 講火係要三個原素都有先可以維持: 熱力、氧氣、燃料.
笠住佢, 就咁睇好似好正路, 就係 cut off oxygen supply? 同埋唔想啲煙薰到人, 係唔係? 之後, 先淋水整熄佢: removal of heat. 呢兩個都係火嘅兩個原素.
可是, 煙火唔係普通嘅火, 而係因化學品而生. 設計嘅時候, 已預計要飄散出去. 設計目標係: 散完重要維持有一定嘅濃度, 即係淡咗 (濃度低) 已經好 work, 達到某啲目的.
咁請你而家諗返轉頭, 假如小朋友怕身邊嘅朋友薰親, 於是先去揾嘢走去笠住煙火, 之後打算行埋去淋熄佢. 咁有乜問題?
笠住本身散晒出去(低濃度)已經夠毒、同有刺激性嘅煙花, 即係將煙花變成超濃縮, 然後自己行埋去, 打開個笠去淋熄佢... 會發生乜事?
小朋友行到埋去, 面對嘅係自製超濃縮、超毒、超刺激性嘅煙花! 呢個係超級化學危機! 正面吸一口, 好可能已重傷! 唔好講只係身體皮膚化學灼傷!
無論如何, 千祈唔好再用嘢笠住煙花!
無論如何, 千祈唔好再用嘢笠住煙花!
無論如何, 千祈唔好再用嘢笠住煙花! (重要嘢講三次!)
在實驗室用 chemical wet bench (fumehood) 時, 我著晒成套 chemical resistant 嘅 gear (PPE): 防化學手套、防化學手袖、防化學 apron、防化學面罩、防化學眼罩, 有時用埋 respirator.
初出道時, 睇過套片叫 Remember Charlie. 你 google 一下就知. 睇完套片, 一世都唔會唔記得用 PPE 同注重職業安全嘅重要性! Charlie 因貪一時方便而 take shortcut, 唔用 PPE, 全身燒傷 over 50%, 留院五年經過無數手術, 執返條命! 個 recovery 超痛苦同漫長...
有機會接觸煙花嘅人, 記得要用 Personal Protective Equipment (PPE), 防化學手套同手袖、長袖衫褲係必須. 用淋水熄未必有問題, 但笠住係超大危機!
雖則本分析有點粗疏, 然而, 最近漫天煙花, 真係請大家廣傳. 不要再有好心唔想薰親人嘅小朋友受傷.
比較好?
