連登嘅各位大家好，多謝你地肯入來！今次係我第一次開post。我同好多人一樣，由六月開始唔係出街發夢，就係不停睇登。發夢發到哩個地步，竟然連半個訴求都無達到，反而有好多好多手足犧牲，我心入面只有不忿同憤怒。雖然我好憎啲狗，但係琴日睇到梁天琦嘅一句＂但我懇請你們不要被仇恨支配自己，在危難中，仍要時刻保持警覺與思考。＂令到我覺得抗爭模式正正因為咁，所以有需要去變通。
和理非同勇武嘅配合一直都係大家嘅共識，但係勇武手足嘅消耗其實係遠比和理非嘅大。和理非其實仲有好大潛力未發揮出來，係時候到和理非保護番勇武手足！
係哩個戰術真空期入面，係集會同罷工之外，我想係到向大家多提出一個「干預商場」嘅戰法。我會先質疑快閃論，再話比大家知商場戰好處係乜：
遊擊戰/快閃 有咩問題？
（１）成效低，風險高：假設你快閃五百人佔馬路半個鐘，唔單止無威脅，仲好易比人一次捉哂。
（２）難組織，難撤退：如果一早係連登開post聚人氣，就會比對方有所防範，意義就無哂。同埋大家都清楚，聚左人氣唔退就好易變番地面戰，咁就唔係新戰術。
點樣限制警方武力？
（１）地型限制：哩個好重要！其實唔一定要硬碰硬，無論係蛋，水箭龜都好，都無辦法係室內發揮應有作用。
（２）法律限制：收皮啦。香港仲有法律？
佔領商場有咩好？
（１）合法集結：警方之後都會一直發反對通知書，咁嘅情況下，商場就係一個提供比人合法發夢嘅理想地方。如果大家肯去試新手段嘅，試想像下：二萬人著便服係商場唔買野，又搞到啲大陸人買唔到野，就算商場報狗，一來分唔到邊個係發緊夢，二來根本控唔到你任何罪，但係我地會長期影響佢地生意收入！狂逼商家向政府施壓
（２）民意高地：如果針對一啲大陸人成日去嘅商場，就唔會好似其他不合作咁樣比人話我地擾到民，因為本地人一早就已經失去左行哩啲商場嘅權利。
（３）借力打力：我地本地人唔消費根本對任何人都不痛不癢，一啲威脅都無。但係我地如果阻止到消費群消費啦喎，件事就唔係咁講法，好似之前有Ching指出，IFC唔比警察入，係因為咁樣搞一搞嘅話，佢地一日最少有１４００萬嘅損失。我地分分鍾可以玩半年以上
（４）革命思想：大家都知香港人好善忘，如果無哂不反對通知書，好多人都會唔敢出，好快大家就會當無事。而家係一個戰術真空期，必然要有所行動去保著大家團火。另外，大家仲可以向大陸人宣傳抗爭思想，就算佢地肯再來，大陸好快都唔敢比佢地再來。
哩個可能唔係一個好方法，亦都唔係想大家長期用哩種方法去抗爭，但係我地一定要求變！
求下大家一齊討論，我地比狗犀利，係因為我地係人，識得思考。
光復香港 時代革命