另外如果大家有留心聽今集城寨 就會發現
佢嘅「建議」及「評論」只係保護緊自己
- 成集佢不斷暗示明示自己畀人擺上枱，不下三次強調自己唔係大台唔係軍師。
- 亦表明自己感到受威脅 甚至因而臨時決定取消元朗之行
因此佢作出咗以下回應嚟強調自己清白：
- 最明顯就係鼓吹終止勇武 就算下星期再衝擊 都可以保障此運動非因其分析所致
- 一邊話呢場運動係存在主義運動，一邊計算「值唔值得」去下「停勇武」嘅結論
- 表明自己由始至終都係和理非 甚至時至今日都覺得唔應該打爛立會玻璃，再三強調自己「反對暴力」
- 甚至否定721後勇武行動，形容示威者被射爆頭遠不及警黑一事震撼721後行動只屬徒勞
- 提供多個資料來源，元朗共和國只係網絡笑話⋯⋯多次提到連登⋯⋯強調content 非佢create
- 提及示威者可憐，從而解釋自己出現中上環只因同情而非認同衝擊行為
- 宣揚和理非上場，如港澳辦昨日所講，和平遊行可以繼續，但要終止暴力，跟足guideline
- 將五大訴求集中，甚至減少至「成立獨立調查委員會」，最多大眾共識，連最有錢班商會都同意嘅訴求，如政府集中只派呢一粒糖畀你，有起碼一半和理非都會收貨，運動將無以為繼。
- 表明時勢做英雄，非其有獨特之處，只係大家想搵評論聽
其實唔止，仲有好多細微處。
總之佢今集只係將自己涉事程度減到最低，唔駛認真採用。
無大台就唔好造神，資訊自己判斷消化
有啲嘢係事實，例如美國已經出賣咗香港。
歡迎討論
