今次罷工係一撚定要成功!
波多黎各成功,關鍵就係人哋有總罷工。
我地搞左兩個幾月,都未郁到個政府,因為巷戰力量點都唔夠罷工強大!
反送中運動開始到而家,起碼有3次(612[自發]、617[職工盟]、72[自發])號召罷工,但冇一次真正罷過。真係要汲取下呢個幾個既教訓。
想問李卓人同職工盟去左邊?6月11號,林鄭宣佈暫緩法案,職工盟就取消罷工,到6月12號因為二百萬上街先突然吹返雞罷工。但根本冇作為工會去組織,工會都係叫工人問老闆請假。
老老實實咁樣唔係真正罷工,有幾多老闆會俾自己員工放假示威?
你去得一日都去唔到第二日。
而家示威者心不死,再搞8月5號罷工。但罷工要成功,係要一個有戰鬥力既工會!
我覺得今次真係要夾實職工盟,去佢職工盟辦公室請願,要求佢地支持8月5號。否則香港工人就應成立新工會職盟
職工盟係有責任企出黎帶領,唔應該龜縮。
另外,講勞工法例根本冇意思,因為香港勞工法例本身係廢,唯一係靠既係團結同組織