[置頂]有豬咀或者想帶豬咀同我入黎

電腦白痴 · 2019-07-29T03:06:09+08:00

小弟係個工程狗裝備撚但成日發夢見到好多師兄師姐甚至前線打機玩家都唔識正確配戴裝備或者用錯防具，今日同朋友都教左唔少玩家如何正確配戴，所以今日開post教下大家如何使用豬咀 ---[ 呢頁我唔會專登講點樣再選擇豬咀/濾毒罐，已經有唔少post有提及，有唔明可以再問 ]--- 最基本同時最多人犯錯就係豬咀同面部有野隔住或者唔貼合呢個係正確半面罩防毒面具戴法而唔少人會先戴口罩/頭套/衫包住自己，然後再戴豬咀呢個方法係完全錯誤因為任何物件(口罩,布,頭盔帽繩,etc.) 都會令你個面部同豬咀唔貼合，會令Tear Gas 穿透兩者空隙，進入用家呼吸系統，廢左豬咀同濾毒罐o既效能簡單黎講，如果你有任何o既野係面部同豬咀之間，你戴左都係照吸到Gas . 你唔好同我講話用手壓一壓個豬咀貼o的就隔到，咁條頭帶要黎做乜？又唔方便自己做野，自己搵苦黎辛，隔到個刻係你好彩姐如果要遮面可以戴好佢再係外面包住自己，呢個都係個好方法 ----------------------------------------------------- 同時，戴左就唔係無敵，戴完都要 Check氣密，即係有冇漏氣，漏氣又係等於無戴一樣 "3M官方氣密測試教學(英文)" https://www.youtube.com/watch?v=DzIDhYGnDIM 大部分半面罩戴法都係同下圖一樣 1. 先將(1)用左手放係頭部後方頂部，套住個頭 2. 用右手捉實豬咀前方，先由額頭個位拉個豬咀落去，個豬咀頂部應該係鼻梁中上位置，而底部應該岩岩包到下巴，而底部絕對唔應該頂到你條喉嚨，如果頂到姐係代表你戴錯或者個豬咀太大唔岩你用 3. 將(2)扣好係頸o既頂部/後腦落少少o既位置，唔好扣太上 4. 再用你對手慢慢調節(多數係調緊)(1)&(2)o既帶 (1)同埋(2)左右都各一條，總共有四條，兩邊一齊慢慢調節，如果唔熟手可搵戰友幫手調，但千其唔好調得太緊(會唔舒服甚至痛)，亦唔好太鬆(好易漏氣入黎) 5. 所有豬咀戴完都要做氣密測試(Seal Check) ，如果唔係唔好問我點解用左岩o既罐同埋"戴好左"都吸到Tear Gas ，以下有兩個測試，只要用其中一個方法成功左就得，只係睇下邊個方便你 5.1 [正壓氣密測試(Positive Pressure User Seal Check)] 用手掌掌心完全Cover"排氣口"，然後用少少力呼氣(唔洗好大力呼)，如果你塊面同豬咀之間feel唔到有氣噴出黎，而且個豬咀有脹起少少，恭喜你，你成功正確配戴好左 5.2 [負壓氣密測試(Negative Pressure User Seal Check] 用手掌掌心完全Cover晒前面(3M 3200)/兩面(3M 6200/6502/7502/6800/7800/FF-400)"入氣口"(可能對手掌比較細o既戰友難搞少少，可用正壓測試)，然後用少少力吸氣，如果你塊面同豬咀之間feel唔到有氣入黎，而且個豬咀有塌落黎你塊面度，恭喜你，你成功正確配戴好左 ----------------------------------------------------- Q: 如果有人係有煙o既環境下，要戴豬咀，咁點算呢？ A: 可行個話，你依家個啖氣盡量唔好直接吸入肺，即戴豬咀，盡量戴好佢(咁就唔洗check氣密住)，戴好就即刻用盡力呼晒所左係你肺/氣管/口腔/鼻腔o既氣體出黎，先開始重新吸氣，如果熟手有練多幾次，可以做到出煙個陣o的煙唔會入到你o既呼吸道入面，但要真係練習多幾次先得。 Q: 如果我買唔起全面罩豬咀(3M 6800/7800/FF-400)，咁我應該配咩眼罩好? A: 個人認為泳鏡係最佳選擇，優點: 密封，貴少少仲有防霧，又唔會比豬咀頂起搞到唔貼合，多數有反光(睇唔到你隻眼)，細小，平時帶住都無咁令人懷疑，平時都可以去游水；缺點：較貴。因為我見唔少風鏡/眼罩等唔係氣密，而且同豬咀有衝突，易比佢頂起左，搞到Gas入晒眼。 Q: .... 屌出完成日好撚想抖下諗到再講或者可交流下 ----------------------------------------------------- Filter(最頂就最好， 3M 3200用唔到，要雙罐面罩先用到 ): 最好 60926 60921 / 60921i 6006+502+(7093/7093C) 6006+502+(2091/2096/2097) 6001+502+(7093/7093C) 6001+502+(2091/2096/2097) 6006+5N71+501 6001+5N71+501 6006+5N11+501 6001+5N11+501 6006 6001 2097 2091/2096 最普通 *** 記住，氣體濾毒罐得6001/6006/60921/60926有用，其他你裝左都用唔著！ *** ----------------------------------------------------- 去新填地街安全用品店買平過你淘寶，又唔洗等，風險又低，又平唔好去華泰行買，比較貴，食水深，係領峰買過野，幾合理個價，態度幾好，有野唔明老闆應該都會答到你 FF-400其實可以唔洗諗，問十間有九間半或者十間都答你唔識/太貴/要係美國訂三個月後先到貨(其實係正，但如果平時無機會用唔抵買，香港最平淨罩都要近$1900) 7800比焊接用，可以唔洗買 6800頭等全面罩防護(好似淨罩~$6xx?) 6200最抵屌(~$120?) 6502QL用矽膠做長時間戴舒服好多又可緊急時快裝快拆好似都有7502有o既冷流閥濕氣熱氣都唔會留係罩入面($150) 7502同上(~180?) ----------------------------------------------------- 小弟開左咁耐第一次開Post，將就下，有口語字打唔到，唔好意思利申：有3M 3200半面罩單罐/7502半面罩雙罐/FF-402全面罩雙罐，加一堆罐同棉