經驗話俾我哋知淨係咁樣宣傳係冇用嫁
我哋要反思點解推極都推唔到全民罷工
以下為罷工主要阻礙:
1. 缺乏動力
隨非覺得自己工作上被剝削, 香港人唔會出嚟罷工。2007年紮鐵工人罷工, 2013葵青貨櫃碼頭罷工 都係因為 薪酬問題 或 工作環境問題 先至罷工。 美國十大罷工嘅成因全部都係關於工作上遇到嘅問題。
https://www.google.com/amp/s/www.foxbusiness.com/markets/the-10-biggest-strikes-in-american-history.amp
1988年波蘭大罷工 成功促成波蘭圓桌會議, 為國家打開民主自由之門。 雖然唔係直接同工作有關, 但當時波蘭經濟蕭條, 超過 六成波蘭市民為貧窮人口, 佢哋都係為左搵食而作反。
經驗話俾我哋知, 只要香港人仲食得, 住得, 瞓得, 就好難動員 各行各業罷工罷市。
2. 驚被秋後算帳
僱主小器係人都知, 大家都驚罷工之後就真係冇左份工。香港《僱傭條例》第二部的第六條至第十條，為終止僱傭合約的情況作出了規定。
根據第九條, 僱主只能在特定情況下才可以無須給予通知或代通知金而終止僱傭合約，這些情況包括：
＊ 故意不服從僱主合法合理的命令；
＊ 行為不當；
＊ 欺詐、不忠實；
＊ 慣常疏忽職責。
僱傭條例第九條並沒有規定僱主可以用僱員參與罷工或採取工業行動為理由，予以解僱並無須通知或代通知金。僱主是否可以根據第九條解僱僱員而無須給予通知或代通知金，須視乎每宗個案的事實及情況而定。僱主有責任證明解僱僱員是根據第九條的規定而合法地作出的。如雙方就僱主是否可以根據第九條解僱僱員有爭議，法庭會根據有關個案的事實和情況，作出詳細考慮，然後作出裁定。(資料來源: 1999年政府政府新聞公報, 如相關條文有變, 請各位更正)
一句講晒, 你有罷工嘅自由, 佢都有炒你嘅自由。 咁樣打工仔邊敢罷工?
3. 同事壓力, 道德枷鎖
罷工嘅打工仔 實會影響到啲 唔罷工嘅人。同 同事關係差嘅 會驚唔罷工嘅對手會乘虛而入。同 同事關係好嘅, 政見都唔一定一樣, 啲人會驚影響雙方關係而選擇唔罷工。
系道德枷鎖下, 醫護人員, 消防員等等救急扶危嘅職業不嬲唔提罷工, 所以唔洗預佢哋。
我知道8月2號 好似有公務員想罷工, 但人數多唔多 就好睇我哋呢幾日做到幾多。
懇求各位就以上三點提出解決辦法。
本人建議討論方向:
1. 點樣賜予打工仔罷工動力? 打唔打到經濟民生牌? 打唔到 咁打咩牌好? 集中宣傳警察暴行,以道德喚醒大眾?
2. 點樣令到佢哋冇後顧之憂? 有冇法律途徑追究 因罷工而解僱員工嘅僱主? 有嘅話 就應該及早好好教育打工仔。
3. 醫護, 消防等等 可唔可以 以另類方法表態支持罷工?